Скопје доби музичка фолк тура за промоција на традицијата - Канал 5

Култура

Скопје доби музичка фолк тура за промоција на традицијата

ФОЛКОНИКА - Центар за зачувување и развој на македонската фолк музика, фолклорното творештво, едукација и иновации за деца,ја создаде првата СКОПСКА МУЗИЧКА ФОЛК ТУРА.

Скопје доби музичка фолк тура за промоција на традицијата

Таа е посветена на зачувувањето и промоцијата на македонската фолклорна традиција на градот, а во насока на едукација на најмладите, преку ваков иновативен начин.

Оваа тура, претставува своевиден времеплов низ музичкото и културното наследство на Скопје.

„Горди сме што успеавме да создадеме една ваква автентична приказна која ја поврзува музиката, историјата и културата на Скопје, како епицентар на различни фолклорни бисери. Намерата е на најмладите да им понудиме, уште една иновативна форма, за да може да го привлечеме нивното внимание, кон запознавањето на македонската народна музичка традиција, како дел од нашиот национален идентитетот. Тоа е нашата мисија, “, истакнува Душко Георгиевски, претседател на ФОЛКОНИКА.

Турата ги вклучува најзначајните културни точки во градот, каде секоја локација е внимателно избрана за да ја долови суштината на македонскиот фолклор. Младите, добиваат целосно искуство преку запознавање со народните инструменти, музејската поставка за нив, постоењето на мултиинструменталистка во Скопје, потоа единствен дуќан за изработка на народни инструменти.Со тоа, ќе се збогатат нивните знаења за културата.

Првата точка, за запознавање со македонското фолклорно богатство, е „Музејот на Македонија“.Тука се наоѓаат поставки на народни носии, народни инструменти, обележје на фолклорот, преку кои се претставени македонските обичаи, дел од нашата традиција.

Во Скопје може да се види и слушне мултиинструменталистката Бајса Арифовска. Ова е уникатна можност за секој љубител на македонскиот фолклор, зошто таа е нашиот фолклорен скапоцен бисер. Маѓепсува со звуците на кавалот, гајдата, тамбурата, тапанот, кемането, од изворните инструменти, чалгиските и староградските, како утот, виолината, кларинетот, тарабуката.

Во Скопје може да се види и единствениот дуќан за рачна изработка на музички инструменти. Градителите на музички инструменти – Димитар и Љубомир Гиевски, гордо се борат да ја зачуваат 80-годишната традиција вградена во секој рачно изработен инструмент, кој нуди квалитет и посебен звук, кој особено го ценат голем број љубители и еминентни музички имиња. Дуќанот „Гиевски“, сместен во Старата Скопска чаршија, на култната улица „Евлија Челебија“, сам по себе е музеј на едно дамнешно време, кој ги чува големите тајни на мајсторството, од кое се излеале многу убави звуци, кои допреле до душите на љубителите на фолклорот.

Во околината на Скопје, може да се посети уште еден уникатен мајстор градител на музички инструменти - Стојанче Костовски од село Виниче, Скопско Изработувач на кавали,зурли,гајди, тапани, шупелки.Тој, пак, ги поттикнува со своите инструменти, најдлабоките музички изливи, кои се силен белег на македонскиот фолклорен идентитет.

Секако, има уште скопски фолклорни бисери, кои ќе бидат забележани понатаму, но за младите генерации е важно да се привлече нивното внимание и да научат повеќе.

Скопската музичка фолк тура ќе имаат можност да ја уживаат децата од целата држава, за што Фолконика остварува соработка со училиштата и образовните установи, со цел да се вклучи во нивните активности.

Со оваа музичка фолк тура, Скопје добива нова можност, да се претстави и на странските туристи, љубители на фолклорот. За таа цел, во наредниот период, Фолконика ќе одржува едукативни работилници со туристички работници, со цел да покажат интерес, да ја вклучат турата и во нивните туристички аранжмани за Скопје, на еден поавтентичен начин. Секако, дека традицијата се презентира пред туристите, но на овој начин, целта е со еден поинаков пристап, да се сврти нивното внимание. Ова ќе биде уште едно дополнување на туристичката понуда на Скопје, во кое, поминуваат странски туристи од целиот свет.

Проектот „СКОПСКА МУЗИЧКА ФОЛК ТУРА“ за дел од активностите финансиски е поддржан од Град Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Хали Бери денес наполни 60 години, а го одбележа својот роденден со објава на Инстаграм во која уште еднаш покажа дека нема намера да ги крие своите години.

Хали Бери го прославува 60-тиот роденден со жешки фотографии: „Не ми е гајле што мислат другите луѓе“

Актерката сподели серија фотографии и накратко рече дека не ѝ е гајле за мислењата на другите луѓе.

Објавата брзо го привлече вниманието на нејзините следбеници, кои најчесто ѝ честитаа во коментарите и ја пофалија нејзината самодоверба.

„Не ми е гајле што мислат другите луѓе“

Бери напиша покрај фотографиите: „Не ми е гајле што мислат другите луѓе“, а нејзината објава собра повеќе од 600.000 лајкови за само 17 часа откако беше објавена.

Коментарите беа исполнети со пораки за поддршка. „Ова е апсолутно совршено“, напиша еден следбеник, додека друг напиша: „Не ти е гајле за ништо! Продолжи така, @halleberry!“

Еден корисник го опиша нејзиниот потег како симбол на слобода и самодоверба, додека друг напиша: „Шеесет години никогаш не изгледале подобро!“

Со години, таа зборува за стареењето

Бери отворено зборуваше за притисокот што жените го чувствуваат во врска со стареењето и очекувањето дека треба да останат млади што е можно подолго. Таа беше особено гласна за прифаќањето на промените што доаѓаат со возраста и потребата жените да престанат да се обидуваат да изгледаат помлади по секоја цена.

Во колумна за Опра Дејли пред две години, таа ги повика жените да „престанат да се обидуваат да останат во своите 30-ти засекогаш и да си дозволат да бидат стари колку што сте“.

„Мора да се прифатиме себеси, да ги прифатиме нашите тела како што се менуваат и нашите простори како што се менуваат“, напиша таа во тоа време. „Благословени сме што сме тука. Вистинската самодоверба, сексапил и моќ доаѓаат од сознанието дека стануваме подобри со секоја измината година“.

Актерката, исто така, се осврна на идејата дека жените губат вредност како што стареат. „Општеството ни кажува дека откако ќе достигнеме одредена возраст, повеќе не сме вредни, витални или важни. Дека сме бескорисни“, рече таа. „Но, мора да се спротивставиме и да кажеме „не“. Ја отфрлам таа теорија“.

„Се чувствувам самоуверено, силно и секси“

Бери пред две години изјави дека со нетрпение очекува да остари.

„Се чувствувам како најдобрата верзија од себе и мислам дека ќе бидам уште подобра на 60 години“, рече таа. Таа, исто така, зборуваше за тоа како посветува поголемо внимание на своето здравје и долговечност, што, како што рече, ѝ дава чувство на контрола врз нејзиниот живот. „Се чувствувам самоуверено, силно и секси. Помудра и попаметна сум од кога било досега“, рече таа во тоа време.

Сега, на нејзиниот 60-ти роденден, се чини дека решила да го покаже својот став на Инстаграм.

Извор: Индекс.хр

Тагови: Хали Бери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„iPhone 18 Pro“ ќе биде многу поскап, но дали ќе има ист простор за складирање?

Се чини дека „iPhone 18 Pro“ би можел да биде значително поскап од сегашниот модел, а според новите извештаи, нема да има поголем основен капацитет за складирање.

„iPhone 18 Pro“ ќе биде многу поскап, но дали ќе има ист простор за складирање?

Тајванската истражувачка фирма „TrendForce“ проценува дека цената на компонентите за „iPhone 18 Pro“ ќе биде речиси 40 проценти повисока отколку за „iPhone 17 Pro“. И покрај ова, основниот модел на „iPhone 18 Pro“ наводно ќе има 256 GB внатрешна меморија, што моментално го нуди „iPhone 17 Pro“.

Ова значи дека капацитетот за складирање на моделот „Pro“ би изгледал вака:

• iPhone 16 Pro - 128 GB

• iPhone 17 Pro - 256 GB

• iPhone 18 Pro - 256 GB

„TrendForce“ не го спомена конкретно „iPhone 18 Pro Max“ во извештајот, но „Apple“ ги понуди моделите „Pro“ и „Pro Max“ со ист почетен капацитет за складирање за претходните две генерации, па се очекува дека истото би можело да важи и за новата генерација, објавува „MacRumors“.

Доаѓа повисока цена

Сепак, фактот дека основниот капацитет останува ист не значи дека цената ќе остане иста. Напротив, „TrendForce“ наведува дека зголемувањето на цените за моделот „iPhone 18 Pro“ е практично „неизбежно“, првенствено поради зголемените трошоци за компонентите.

Посебен проблем е меморијата. Цената на „RAM“ меморијата значително се зголеми поради моменталниот недостиг на мемориски чипови, додека се очекува цената на меморијата за складирање и новиот чип „A20 Pro“ исто така да се зголеми.

Според претходните информации, почетната цена на „iPhone 18 Pro“ во САД би можела да биде за 200 до 300 долари повисока од „iPhone 17 Pro“.

Во тој случај, „iPhone 18 Pro“ би можел да започне од дури 1.399 долари, додека почетната цена на „iPhone 18 Pro Max“ би можела да достигне 1.499 долари.

Извор: Б92

Тагови: iPhone 18 Pro

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Инвазија на роботакси во Европа – „Uber“ подготвува повеќе од 2.000 возила

„Uber“ и „Pony.ai“ денес објавија дека сакаат да воведат повеќе од 2.000 роботакси низ цела Европа и дека партнерството ќе се прошири на Блискиот Исток.

Инвазија на роботакси во Европа – „Uber“ подготвува повеќе од 2.000 возила

Двете компании веќе лансираа комерцијална услуга за роботакси во Загреб во март, каде што поддржаа 10 автономни возила од компанијата Верн, која е во сопственост на претприемачот Мате Римац, а новиот договор ќе воведе роботакси во уште четири европски градови кои сè уште не се наведени.

Голема флота што надминува 2.000 возила е важна за развојот на автономното возење бидејќи поголем број возила овозможува поголемо собирање податоци, поефикасно работење и полесен доказ за безбедноста пред регулаторите, објавува „CNBC“. Покрај тоа, поголемата достапност на роботакси може да охрабри повеќе корисници да почнат да го користат овој вид транспорт.

„Uber“ работи паралелно и со други кинески компании за автономно возење, како што е „WeRide“, со која планира пилот-програма за роботакси во Мадрид. „Waymo“ е светски лидер во оваа област, со возен парк од околу 5.000 возила, претежно во Соединетите Американски Држави.

„Waymo“ веќе тестира возни возила во Лондон и се подготвува да го прошири својот бизнис на други глобални пазари, а една од неговите цели е Токио. Целта на „Uber“ е да стане водечка светска комерцијална платформа за автономни возила, наместо самата да ја развива целата технологија за автономно возење.

Компанијата сака да ја користи својата платформа за поврзување на различни производители на роботски такси возила со корисниците, а во исто време да собира голема количина на податоци што можат да им помогнат на партнерите во понатамошниот развој на автономни системи.

Извор: Б92

Тагови: Uber

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер