Скопјани трета вечер немаа мир – рекорден број повици во ЦУК по вчерашното невреме - Канал 5

Култура

Скопјани трета вечер немаа мир – рекорден број повици во ЦУК по вчерашното невреме

Наместо полна сала и разиграна сцена, влажни ѕидови и подови и уништен ентериер е сликата во Драмскиот театар по невремето кое го зафати Скопје вчера.

Скопјани трета вечер немаа мир – рекорден број повици во ЦУК по вчерашното невреме

Кровот попуштил на повеќе места- објаснува директорот на драмски Роберт Вељановски. Поплавени се неколку ходници и соблекувалните, а протекла вода на повеќе ѕидови. Кога ќе бидат отворени вратите на Драмскиот театар, се уште не се знае. Проценката на штетата ќе започне по вклучувањето на струјата низ објектот, која до понеделник ќе остане исклучена од безбедносни причини. Кои би биле следните чекори за санација на објектот Вељановски вели дека ќе се одлучува откако Владата ќе ја разгледа информацијата кој Драмскиот театар заедно со Министерството за култура и туризам го испратиле кај нив.

- Едноставно кровот на драмски не е доволно добар, попушти и на повеќе места протече вода. Најакутен беше проблемот што протече вода на ѕидот во којшто е всушност главниот довод за електична енергија за снабдување на драмскиот театар. За чекорите коишто ќе бидат превземени понатаму не би можел ништо да кажам, затоа што е коректно да дозволиме Владата да ја разгледа новонастанатата ситуација.

Според Вељановски, објектот е дотраен и долгорочно решение е изгадба на нов. Токму вчера тој се врати на директорската позиција на Драмски театар по 6 години. Вели дека во 2017 година оставил готов проект со завршен тендер за изградба на нов објект, кој не бил прифатен од тогашната Влада, па се надева дека поддршка за таква реализација би добил од новата Влада.

-Според мене долгорочно за нешто што би било трајно речение во следните 50,60, 70 години е изградба на нов објект на Драмски, но тоа не е одлука која јас ја носам и тоа е одлука која мора да ја донесе Владата на Република Македонија.

По вчерашното невреме кое ја зафати Скоспаката котлина, Тетовско и други региони беше срушен „рекордот“ на повици на бројот за итни случаи 112 годинава - информираат од ЦУК, од каде во изминатото деноноќие имало над 2700 повици. Паднати дрвја, скинати проводници, поплавени куќи, подруми и улици, оштетени автомобили се само дел од штетите од вчерашното невреме за кои интервенирале од ЦУК.

Веќе неколку дена повеќе региони се зафатени од силно невреме, проследено со дожд, град силен ветер и грмотевици, а од УХМР предупредуваат дека невремето во источниот дел од државата ќе продолжи и денеска. Веќе од утре не очекува стабилизација и благ раст на температурите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Фото: Најзгодната мама повторно воодушеви во бикини

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Во Франција пронајдени тела на пет бебиња

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка ја откри вистината за нејзината врска со фудбалерот

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер