Скијачите со страв ја испробуваат спектакуларната патека што ќе минува низ две држави (ВИДЕО) - Канал 5

Скијање

Скијачите со страв ја испробуваат спектакуларната патека што ќе минува низ две држави (ВИДЕО)

Ски купот започнува во ноември, а премиерата ќе биде спуст во Матерхорн, по спектакуларната патека која минува низ две држави.

Скијачите со страв ја испробуваат спектакуларната патека што ќе минува низ две држави (ВИДЕО)

Стартот е во Швајцарија, а финишот во Италија. Матерхорн исто така бил на распоредот минатата сезона, но неповолните временски услови не ја дозволија трката.

Ќе се одржат два машки спуста, а викендот ќе се вози и спуст за жени. Деновиве беа направени првите тестови со швајцарската Б репрезентација, а скокот ќе биде еден од најголемите на Светското првенство. На тренинг се леташе до 50 метри, а на трките ќе биде 20 метри повеќе, тврди тренерот Франц Хајнцер.

„Иако со годините стекнав големо искуство, не е лесно да се пресмета растојанието и воздушната положба на спортистот. Затоа бев особено напнат пред првиот скок. Скокот функционира совршено“.

Арно Боасет, минатосезонскиот победник на европскиот куп во супер-џи, ја отвори патеката. Швајцарецот се излизга на скокалницата со брзина од 100 км/ч и прескокна 40 метри. Денис Кортај (20) одлета десетина метри. Џосуа Метлер истакнува дека скокот не е најголемиот предизвик на оваа патека. Имено, стартот се наоѓа на 3800 метри надморска височина:

„На оваа надморска височина остануваш без здив по само една минута. Затоа во овој момент ми е тешко да помислам дека тука ќе има две минути долга трка.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер