Скијач влета среде трка во женски слалом на ЗОИ, бугарската натпреварувачка во шок (ВИДЕО) - Канал 5

Скијање

Скијач влета среде трка во женски слалом на ЗОИ, бугарската натпреварувачка во шок (ВИДЕО)

Неверојатна ситуација се случи на трката во слалом на Зимските олимписки игри во Пекинг.

Скијач влета среде трка во женски слалом на ЗОИ, бугарската натпреварувачка во шок (ВИДЕО)

За време на настапот на Ева Вукадинова, еден од работниците на патеката излезе пред неа и целосно и` ја наруши концентрацијата. После тоа, нејзиното возење пропадна. Бугарската скијачка потоа доби уште една шанса, но тој обид беше полош од првиот. На крајот на краиштата, таа објави на Инстаграм: "Не можам ни да опишам како се чувствував по првата трка. Си помислив: Зошто мене? Зошто тоа не и` се случи на ниту една од првите 30 девојки? Дали може да и` се случи на една од воопшто? Не ги знам одговорите на тие прашања“.

На крајот, таа додаде: "Дури и со скршена рака, скијав многу добро пред да се појави овој човек. Си покажав себеси дека сум силна и можам да направам се`. Да, јас доаѓам од мала скијачка земја во споредба со другите кои се натпреваруваат. Но, да кажам. Иако добив нов обид, сите знаеме дека не е исто. И јас работев напорно за воопшто да бидам тука. Зарем не ја заслужувам истата шанса како и сите други? Тажна сум, но и среќна што се борев до крај. Ви благодарам на сите за вашата поддршка“, заклучува таа во својата порака.

Златниот медал го освои Чехинката Петра Влхова.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија со 174 гласа избрана за членка на Економскиот и социјалниот совет на ОН

За првпат од осамостојувањето Македонија е избрана за членка на Економскиот и социјален совет на Обединетите нации за мандатниот период 2027–2029 година добивајќи поддршка од дури 174 земји членки на гласањето во Њујорк.

Македонија со 174 гласа избрана за членка на Економскиот и социјалниот совет на ОН

Претседателката Гордана Силјановска-Давкова го оцени изборот на Македонија за членка на економски и социјален совет на Обединетите нации (ЕКОСОК) како значаен дипломатски успех и силна потврда за довербата што меѓународната заедница ја има во државата.

Во објава на социјалните мрежи, Силјановска-Давкова истакна дека овој резултат е плод на активна, принципиелна и доследна надворешна политика, како и на долгогодишни дипломатски напори за обезбедување меѓународна поддршка.

И премиерот Христијан Мицкоски оцени дека изборот претставува признание за вложените напори во надворешната политика и за довербата што Македонија ја гради со своите меѓународни партнери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Трам повторно „задрема“ на состанок во Белата куќа?

Американскиот претседател Доналд Трамп се чини дека повторно задремал за време на состанокот во Белата куќа. 

Видео: Трам повторно „задрема“ на состанок во Белата куќа?

79 годишниот Трамп ги „одмори“ очите неколку моменти за време на состанокот за енергија и се потпре на столот.

На американскиот претседател му се придружија министерот за внатрешни работи Даг Бургум, министерот за енергетика Крис Рајт и администраторот на Агенцијата за заштита на животната средина, Ли Зелдин.

Белата куќа одговори на тврдењата изнесени од некои американски медиуми.

Портпаролот Дејвис Ингл ги отфрли обвинувањата и рече дека Трамп е „најпаметниот, најдостапниот и најенергичниот претседател во американската историја“.

Тој додаде дека претседателот „работи деноноќно за да ја направи земјата уште поголема од кога било досега“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ утре ја промовира „Скопска иницијатива“ на меѓународна конференција

Социјалдемократскиот сојуз на Македонија утре, 06.06.2026 година (сабота), ќе биде домаќин на меѓународна конференција на којшто ќе биде промовирана „Скопска иницијатива“.

СДСМ утре ја промовира „Скопска иницијатива“ на меѓународна конференција

Социјалдемократскиот сојуз на Македонија утре, 06.06.2026 година (сабота), ќе биде домаќин на меѓународна конференција на којшто ќе биде промовирана „Скопска иницијатива“, заедничка активност која ги обединува регионалните прогресивни и социјалдемократски сестрински партии за демократски, европски и просперитетен Западен Балкан.

„Скопската иницијатива“ ја покрена претседателот на СДСМ, проф.д-р Венко Филипче со што прогресивните сили од регионот и Европа заеднички застануваат во борбата против авторитарните режими, борба против корупцијата и европска интеграција на регионот.

Целта на на меѓународната конференција е зајакнување на соработката меѓу социјалдемократските партии од регионот и Европа, како и креирање заеднички одговор на предизвиците со кои се соочува Западен Балкан.

Меѓународниот состанок претставува продолжение на регионалните и европските напори за мобилизација на прогресивните сили и се надоврзува на пораките од Самитот за глобална прогресивна мобилизација во Барселона.

Овој собир на високо ниво се одржува и во година кога Корчуланската школа одбележува 15 години постоење како значаен регионален форум за политички дијалог, лидерство и промоција на прогресивни и социјалдемократски вредности.

Настанот е во организација на СДСМ и Корчуланската висока школа а во партнерство со Интернационалниот центар „Олоф Палме“ и Центарот за нови иницијативи.

На состанокот, кој е на високо ниво, ќе присуствуваат и претставници на социјалдемократски и прогресивни фондации од регионот, од Партијата на европските социјалисти (PES), Групата на социјалисти и демократи(S&D Group), Социјалистичката интернационала (SI), Фондацијата за европски прогресивни студии (FEPS), од сестринските партии од Европската Унија, како и членови на Управниот одбор и Советодавниот совет на Родовата мрежа на Централна и Источна Европа и други партнери на Корчуланската школа.

Скопје, 05.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер