Живот

Скица од портрет на Винстон Черчил ќе биде понудена на аукција-на премиерот не му се допаѓала

Аукциската куќа Сотби го става на продажба портретот на поранешниот премиер на Велика Британија, Винстон Черчил.

Делото за масло на Греам Сатерленд, еден од водечките британски уметници од тоа време, му претходеше на портретот нарачан од британскиот парламент во 1954 година за 80-тиот роденден на политичарот.

Готовиот портрет, кој подоцна му беше претставен на Черчил на свеченото отворање на Парламентот, сепак беше исмеан од политичарот, нарекувајќи го „убав пример за модерна уметност“. Подоцна платното беше запалено.

Претставникот на Сотби за модерна британска и ирска уметност, Андре Златингер, рече дека Черчил не бил лесна личност за сликање.

„Черчил го праша Сатерленд дали ќе биде насликан како херувим или булдог, а Сатерленд одговори дека тоа зависи од тоа што државникот ќе му покаже“, рече тој.

Професорот по модерна историја на Универзитетот во Кентербери и соработник на колеџот Черчил во Кембриџ, Кевин Руан, истакнал дека Греам Сатерленд бил познат по својот груб реализам и го насликал она што го видел во 1954 година.

„Тоа беше речиси 80-годишен старец кој претрпе мозочен удар една година претходно. Кога ја гледам фотографијата на сликата, гледам човек кој ја носел тежината на светот и тој е малку пропаднат, но величествена руина, како Партенон. Сè уште можете да ја видите големината што беше таму, но се урива“, истакна Руан.

Се очекува преживеаната скица да достигне цена од 622.000 до 996.000 долари на аукцијата.

Аукцијата ќе се одржи на 6 јуни.

Во февруари, вештачките заби на Винстон Черчил беа продадени на аукција во Челтенхем за 18.000 фунти (околу 22.000 долари).

Македонија

Спасовски: Силен СДСМ е потребен за европска иднина, не сакаме враќање на режимот

Носителот на листа на кандидати за пратеници од ИЕ2, предводена од СДСМ и коалицијата, Оливер Спасовски, даде изјава за медиумите во Ѓорче Петров, со повик до граѓаните за масовна излезност на 8 ми мај за бројот 1.

„Ве повикувам - Излезете на 8 ми мај, силен СДСМ во Собранието е потребен заради иднината на државата!

Да не дозволиме враќање на режимот! Десничарската партија ВМРО ДПМНЕ е истата таа на Груевски, а знаеме сите што значи преголема моќ во нивни раце - крај на ЕУ перспективи, крај на поголеми плати и пензии, крај на можности за младите и крај на соживот и меѓуетничка кохезија”, рече Спасовски. Притоа, тој истакна дека граѓаните не сакаат враќање на режимот.

„Доволно беше чекањето за Европа и никој не сака враќање назад по патот кон нестабилност и изолација.

ДПМНЕ ќе ја одложуваат евроинтеграцијата во недоглед, сега зборуваат за рокови. Истото тоа го правеше и Груевски, тие само ќе продолжат кај што застана тој. Ќе го вратат национализмот, насилството, апсењето новинари и тепањето студенти, прислушувањата и грабежот на народни пари. За тоа да немате дилема!”, рече Спасовски, повикувајќи ги граѓаните да гласаат за СДСМ и коалицијата.

„Сите сме исправени пред голем предизвик, секој еден член и активист на СДСМ, секој граѓанин, Македонци, Албанци, Роми, Срби, Влади, Бошњаци, Турци и сите други - имаме обврска, заради аманетот од предците борците од НОБ и АСНОМ кои ја изградиле Македонија, и уште поважно, заради генерациите кои доаѓаат, да им оставиме европска држава, европски живот дома!

Затоа е важно на 8 мај сите да излеземе и да го поддржиме СДСМ, затоа што ДПМНЕ ќе го донесе повторно режимот кој долго време се трудевме да го срушиме.

СДСМ е единствената партија која ја движи државата напред, кон прогрес, интересот на граѓаните и развојот на државата - секогаш пред сѐ и над сѐ.

Мора да сме силни и единствени СДСМ, заради иднината на државата.

Да ги зачуваме слободата и напредокот на државата!

Нема да се откажеме - Сите масовно на 8 мај гласаме за број 1!”, рече Спасовски, се наведува во партиското соопштение.

Македонија

Димитриевски ги соопшти условите за евентуална соработка со СДСМ или ВМРО-ДПМНЕ

Лидерот на партијата ЗНАМ, Максим Димитриевски, ги испорача своите услови за евентулни пост-изборна соработка со СДСМ или со ВМРО-ДПМНЕ. 

Максим Димитриевски се согласува со ставовите на опозициската ВМРО-ДПМНЕ, кои се против уставните измени и несоработка со ДУИ, но тоа нема да биде доволно за евентуални разговори за пост-изборна соработка. Прво бара ВМРО-ДПМНЕ да ги расчисти дилемите во јавноста околу постоењето на некаков договор со поранешниот лидер на СДСМ, Зоран Заев..

Димитриевски не ја затвора вратата ниту за соработка со СДСМ, но не со сегашното раководство. Побара нивни оставки во рок од 24 часа, и дополнително повлекување од пратеничките листи на носителите и коносителите, за како што рече, да не се спасуваат од одговорност со имунитет.

Првиот човек на ЗНАМ иако отпадна од трката за претседател, сепак повика на масовно гласање и на вториот круг од Претседателските избори, за да се избегне опасност од институционална криза..

Запрашан за кој би дал поддршка, Димитриевски не даде директен одговор, но додаде дека се кае што во минатото го поддржувал актуелниот претседател Пендаровски.

Свет

Мерчан нема милост: Трамп е казнет со 9.000 долари за непочитување на судот (ВИДЕО)

Судијата Хуан Мерчан изјави дека поранешниот претседател на САД, Доналд Трамп е казнет со 9.000 долари поради прекршување на забраната за коментирање на сведоците.

Обвинителите го обвинија поранешниот претседател дека постојано ја прекршувал наредбата да не ги коментира сведоците, барајќи од судијата да го казни со 1.000 долари по коментар, објави Гардијан.

Според судскиот налог, Трамп не може да дава, или да наложува други да даваат, јавни изјави за сведоци поврзани со нивната улога во истрагата и судењето, пред обвинителите, освен окружниот обвинител на Менхетен, Алвин Брег и членовите на судскиот персонал или персоналот на окружниот обвинител.

Трамп може слободно да го критикува Мерчан, иако тоа веројатно нема да му се допадне на судијата, кој ќе одлучи за неговата казна доколку поротата го прогласи за виновен.

Пред судењето, Мерчан ја прошири забраната за коментари за да ги „покрие“ неговите и семејствата на Брег, откако Трамп објави објава за неговата ќерка, која работеше за компанија која им помагаше на демократските кандидати во дигиталните кампањи.

притисни ентер