СКАНДАЛОЗНО: Малески се уште тврди дека Мисирков и Делчев се Бугари

Во продолжение за она што прилично ја разбранува јавноста а тоа се тезите на професорот Малески изнесени за бугарски медиуми, кои за македонскиот народ се повеќе од навредливи

По неколкудневните бурни реакции во македонската јавност за историјата за Гоце Делчев и Крсте Петков Мисирков, се огласи професорот Денко Малески кој вели дека останува на ставот дека и двајцата биле Бугари. Тој во телефонски разговор за Канал 5 вели дека од историјата не може да се бега, туку треба да се прифати реалноста дека со бугарите некогаш сме биле еден ист народ. Малески смета дека мораме да ги прифатиме овие тези за да не се соочиме со ново вето за влез во Европската Унија.

,,Тоа се историски факти, објективна историја. Од фактите не се бега и не треба да комплицираме за да не ни се случи грчкото сценарио. Никој не треба да се шокира од тоа што самиот Крсте Мисирков пишувал: “Ние досега бевме бугари, а отсега ќе направиме една македонска нација”. Денес е поинаку, постои македонска нација и македонски јазик.

Малески вели и дека во време на Југославија, македонските власти ги селектирале историските податоци и пишувале “Македонци”, таму каде што пишувало “Бугари”. Ваквите изјави првиот министер за надворешни работи првично ги кажа во интервјуа за бугарски медиуми.

Актуелизирањето на темата доаѓа по бугарскиот документ во кој наведуваат услови за Македонија за почеток на преговори со Европската Унија. Од ставовите на Малески се оградија од претседателскиот кабинет на Пендаровски, каде што Малески работи како надворешен советник. Истото го направија и од Владата, како и комисијата која преговара со Бугарија за историските прашања. За тоа што не се согласуваат со неговите тези, Малески вели дека секој има право на свое мислење, бидејќи живееме во демократија.

Амазон вложува уште 2,75 милијарди долари во развој на АИ стартапот Anthropic

Амазон објави дека ќе инвестира дополнителни 2,75 милијарди долари во Антропик, со што вкупната инвестиција на компанијата во стартапот за вештачка интелигенција ќе достигне 4 милијарди долари.

Технолошкиот гигант ќе го задржи малцинскиот удел во Антропик со седиште во Сан Франциско, ривал на OpenAI, кој го произведе ChatGPT.

- Веруваме дека нашата стратешка соработка со Антропик дополнително ќе ги подобри искуствата на нашите корисници и со нетрпение ги очекуваме следните чекори - рече Свами Сивасубраманијан, потпретседател за податоци и вештачка интелигенција во веб сервисите на Amazon (AWS).

Технолошкиот гигант со седиште во Сиетл инвестираше 1,25 милијарди долари во Антропик во септември 2023 година и тогаш посочи дека има планови да инвестира до 4 милијарди долари, пренесува британски Гардијан.

Двете компании соработуваат на развојот на таканаречените основни модели, кои се во основата на генеративните системи за вештачка интелигенција кои го привлекоа глобалното внимание.

Според договорот, Anthropic ќе користи AWS како свој примарен провајдер на „облак“ и ќе ги користи сопствените чипови на Amazon за изградба, обука и распоредување на модели со вештачка интелигенција.

Исто така, ќе им овозможи на клиентите на AWS, кои се претежно бизниси, пристап до моделите на услугата на Amazon наречена Bedrock. Во своето соопштение, Амазон вели дека компаниите како што се Delta Air Lines и Siemens веќе го користат Bedrock за пристап до моделите со вештачка интелигенција на Anthropic.

Се отвори огромна дупка среде Рим и „проголта“ два автомобила (ВИДЕО)

Бездна длабока и широка околу 10 метри проголта два автомобила среде ноќ во Рим, поради што интервенираше полицијата.

Инцидентот се случил околу еден часот по полноќ, а две возила Дачија и Рено завршиле во дупката.

Полицијата веднаш реагирала, ја затворила улицата и го обезбедила просторот, јавуваат италијанските медиуми.

Поставен е кордон, а се уште не се знае зошто се урнал асфалтот.

Не се знае дали има повредени во инцидентот.

Најмалку 45 загинати во автобуска несреќа во Јужна Африка

Најмалку 45 лица загинаа во сообраќајна несреќа во Јужна Африка во која учествувал автобус, соопшти јужноафриканското Министерство за транспорт.

Едно лице е тешко повредено.

Несреќата се случила во близина на Маматлакала, во провинцијата Лимпопо, јавува Ројтерс.

притисни ентер