СКАНДАЛ ВО НАЈАВА МКД.мк: Тупанчевски сепак летал „гага“. Министер за Правда на Македонија? - Канал 5

Македонија

СКАНДАЛ ВО НАЈАВА МКД.мк: Тупанчевски сепак летал „гага“. Министер за Правда на Македонија?

Од ФФМ бараат разбирање пред најголемиот фудбалски натпревар на македонската репрезентација и „чувство за важноста на моментот“ откако МКД.МК објави дека ВИП личности патувале гратис во Палермо. .

СКАНДАЛ ВО НАЈАВА МКД.мк: Тупанчевски сепак летал „гага“. Министер за Правда на Македонија?

На прашањето за ВИП гостите кои бесплатно летаа и имаа гратис влезници на натпреварот меѓу Македонија и Италија во Палермо, од ФФМ не упатија во агенцијата која што го организирала патувањето.

Инаку, како што објави МКД .МК во Палермо гратис патувале повеќе актуелни и поранешни функционери. Министерот за правда Никола Тупанчевски, обвинителката Фатиме Фетаи, градоначалникот на Струга Рамиз Мерко се први на списокот на ВИП, поранешниот градоначалник на Охрид Никола Бакрачески и поранешниот премиер Владо Бучковски сепак на фудбалскиот натпревар во Палермо меѓу Македонија и Италија летале гратис, односно на трошок на Фудбалската федерација. И Тупанчевски и Фетаи цело време изјавуваа дека трошоците за престојот во Палермо ги платиле од приватна сметка. Гратис биле и влезниците во ложата на стадионот.

И покрај тоа што ветија, денеска само Фетаи објави дека за престојот во Палермо од своја сметка платила 24.000 денари за хотелските трошоци. За авионскиот транспорт и за влезницата на натпреварот се погрижија од ФФМ.

Најверојатно истиот „аранжман“ важел и за Тупанчевски, Нанев, за Бучковски со двата сина, Мерко и Бакрачевски.

Иако од Министерството за правда вчера ветија дека денеска ќе бидат објавени платените фактури за престојот на Тупанчевски во Палермо, тоа јавноста денеска не го виде. Од Тупанчевски ја знаеме само изјавата дадена за неколку медиуми дека во Италија бил на свој трошок.

Од туристичката агенција „Гуливер“, организатор на патувањата на ФФМ засега нема никаква информација за аранжманите за ВИП гостите во авионот платен од ФФМ. Ни за Палерно, ни за Порто.

Вишата обвинителка Фетаи денеска објави и уплатница од 17.000 денари за трошоците за утрешниот натпревар во Порто на македонската фудбалска репрезентација против Португалија. За ТВ24 таа изјави дека дополнителни податоци ќе даде ако некоја од државните институции го смета тоа за потребно. „Има соодветни процедури кои секако не се водат со посредство на медиумите, туку со непосредна лична комуникација, преку кои се одлучува за евентуални прекршувања на закони или кодекси, кои во случајов ги нема“, изјави Фатиме Фетаи, вишата јавна обвинителка.

Од ФФМ само апелираат да не се произведуваат скандали пред историскиот натпревар за македонската репрезентација.

„Тие личности одат на сите натпревари на фудбалската репрезентација на Македонија, без разлика дали се работи за меч против Гибралтар или против Италија. Сите си платија аранжман во агенција, а ФФМ им даде гратис билети од тие кои ги добива за секој натпревар. Македонија никогаш досега не била толку блиску до пласман на Светско првенство, наместо во овие моменти да бидеме сплотени и фокусот да го ставиме на спортот за да ја израдуваме нацијата, ние се занимаваме со политика“, велат во изјавата за МКД.мк од ФФМ.

Лазар Нанев, претседателот на Основниот суд во Кавадарци денеска реши да не ги приложи сметките, а потврди дека веќе отпатувал за Порто. Тој за ТВ 24 изјавил: „Живеј го животот и љубовта кон него. Патриотизмот кон сопствената нација, Македонија и кон спортските успеси немаат граница, ниту километри. Македонија се сака со љубов, не со омраза. Респектот, мирот и бон тон се основните мотиви на просперитетот, 35 години во фудбалскиот спорт се потврда за посветеноста и научниот пристап во спортското законодавство“.

Засега нема информации за тоа дали во Порто се и Мерко и Бучковски и Бакрачески. Фетаи и Нанев се веќе таму. Тупанчевски овојпат реши да ги извршува своите работни обврски во Министерството за правда.

Државната комисија за спречување на корупцијата побара одговор од сите ВИП личности за тоа на чиј трошок патувале.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасна несреќа во Германија: Се судрија два трамваи, десетици повредени

Повеќе од 25 лица се повредени денес во судир меѓу два трамваи во западниот германски град Гелзенкирхен, при што три лица се во критична состојба, соопштија локалните власти.

Ужасна несреќа во Германија: Се судрија два трамваи, десетици повредени

Според првичните информации, трамваите се движеле еден по друг во близина на стадионот на Шалке кога првиот трамвај одеднаш закочил, објави Билд.

Полицијата соопшти дека трамвајот, кој се користел за обука, нагло застанал, а потоа трамвајот со патници се удрил во него.

„Околу 25 лица се повредени, од кои седум потешко. Тројца од седумте се во сериозна состојба“, изјави портпаролката на полицијата за Билд.

На повредените им е укажана прва помош на местото на настанот, а оние со потешки повреди се однесени во болници.

Областа околу Курт-Шумахер-Штрасе, главната сообраќајница во градот, беше затворена во двата правци по несреќата.

Една лента беше повторно отворена за сообраќај во шпицот доцна попладне.

Причината зошто тренинг трамвајот одеднаш закочил сè уште не е утврдена, а специјално обучен тим е на лице место за да ја испита несреќата.

Тагови: Германија трамвај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Како што му пукна меурот од сапуница „мигранти за пари“, така на талогот на СДС му пука и најновата хистерија - прифаќање на француски предлог

​Со секој изминат ден СДС и нејзините челници се повеќе и појасно се препознаваат и кажуваат дека тие се талогот во општеството којшто го труе народот со песимизам, дефетизам, со тези дека ова држава нема да успее.

ВМРО-ДПМНЕ: Како што му пукна меурот од сапуница „мигранти за пари“, така на талогот на СДС му пука и најновата хистерија - прифаќање на француски предлог

И тоа го прават со единствена цел да се убие надежта кај народот, и таа малку што му останала по многубројните национални предавства и порази што му ги приредија токму тие, како Андреј Жерновски кои 20 години се во политика без ниту еден ден работен стаж во реален сектор.

Жерновски упорно ја турка темата и шири хистерија дека се водат тајни преговори за евроинтегративниот пат на државата, иако беше демантиран од надлежните институции.

Ама и таа тема, како и темата мигранти за пари ќе им пукне како меур од сапуница и ќе им остане само хистеријата и лагите.

Како што лажеа државата само што не банкротира, ама еве ја две години власт предводена од ВМРО-ДПМНЕ, Македонија не само што не банротира туку таа економски се консолидира, инвестира во капитални проекти, зголемува плати и пензии. Така лажат и за се останато.

Несудениот амбасадор и неуспешен градоначалник на Центар, можеби посакува, но ниту ќе биде прифатен францускиот предлог, којшто предавничката СДС слепо го прифати за ден повеќе да остане на власт, ниту ќе има отстапки од веќе утврдени позиции.

На Македонија местото и е во Европската Унија како рамноправна членка и почитуван рамноправен партнер, со зачувано национално достоинство и национални идентитетски обележја.

Така да, залудни им се обидите на талогот во СДС, кој го труе народот и сака да им ја убие надежта, да претстават дека сите се како нив и дека за власт и пари се спремни на секакви отстапки и предавства.

Заедно со народот ваквите предавници во СДС, ВМРО-ДПМНЕ ќе ги победи. Затоа што свежи се уште предавствата од СДС под раководство на Зоран Заев, кои се сега верни приврзаници на Филипче, како што е Жерновски, и тоа нема никогаш да се заборави.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Жерновски: Владата тајно го прифаќа францускиот предлог што во опозиција го напаѓаше

Жерновски потенцираше дека информациите на СДСМ не се шпекулации, туку се темелат на релевантни сознанија, а дополнително ги потврдуваат и јавните изјави на владини претставници.

Жерновски: Владата тајно го прифаќа францускиот предлог што во опозиција го напаѓаше

Секретарот за меѓународна соработка на СДСМ, Андреј Жерновски, во интервју за „Вести плус“ на Канал 5 посочи дека последните изјави на претставниците на Владата се доказ дека се водат тајни разговори за европскиот пат на државата и дека Владата се подготвува да го прифати францускиот предлог, кој две години го претставуваше како штетен за Македонија.

Жерновски потенцираше дека информациите на СДСМ не се шпекулации, туку се темелат на релевантни сознанија, а дополнително ги потврдуваат и јавните изјави на владини претставници.

„Вчера имавме можност да слушнеме демант кој не беше демант. Во него пишува дека СДСМ измислува дека се водат тајни преговори. Но токму министерот за надворешни работи рече дека се водат разговори „под радарот“. Не јас, не СДСМ, туку тој. Тоа го има кажано и претседателката Сиљановска“, рече Жерновски.

Во интервјуто, Жерновски посочи дека Владата на ВМРО сега се обидува како успех да го претстави она што додека беше во опозиција го нарекуваше „предавство“ и токму затоа, јавноста денес е сведок на целосен пресврт во владината политика на тема евронтеграции.

„Изјавите се контрадикторни. Значи, она што сега се случува, во Владата е стратегија како сега да се прикаже како победа она што до вчера беше голем пораз за Македонија, големо велепредавство од СДСМ, но сега треба да се прикаже сето тоа како победа. Нешто што е сосем спротивно од она што го зборуваа додека беа во опозиција, и со што дојдоа на власт и добија гласови“, рече Жерновски.

Тој нагласи дека не станува збор за изолирани изјави, туку за низа потези кои, кои покажуваат дека Владата ја менува својата политика.

„Зошто велам чекорите на Муцунски? Ова не е изолирана изјава. На оваа изјава, дека се водат преговори под радарот, следат две многу важни изјави кои што зборуваат за пресверт од 180 степени во политиката на Владата. Прв излзе Муцунски со изјава дека ние не сме северно-македонци, туку сме македонци и дека не зборуваме северно-македонски јазик, туку зборуваме македонски јазик, што е сосем спротивно тоа што зборува додека беа на опозиција. Потоа, чекор повеќе, излезе Муцунски и кажа дека протоколот не е дел од преговорачката рамка, нешто што сосема друго тврдаеа во опозиција и беше една од клучните теми врз основа на што дојдоа на власт. Сето тоа е подготвува на терен за ова што го најавивме“, рече Жерновски.

Во интервјуто Жерновски нагласи дека СДСМ не внесува нервоза во процесот, туку дека Владата самата ја отвора темата со своите јавни настапи.

„Ние само кажавме што се случува и дека граѓаните треба да бидат подготвени за тоа што следува.Тоа што следува е победа на политиката и визионерството на СДСМ, кое не беше лесно да се прави. Тоа беа тешки и непопуларни одлуки, меѓутоа одлуки кои што се за добробит на граѓаните, ние морваме младите да ги задржиме, тие ни бегаат надвор“, рече Жерновски.

Тагови: Жерновски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер