Скандал во Данска: Поранешен министер е осуден поради детска порнографија, тврдел дека тој е жртвата - Канал 5

Свет

Скандал во Данска: Поранешен министер е осуден поради детска порнографија, тврдел дека тој е жртвата

Поранешниот дански министер за влада, Хенрик Сас Ларсен, денеска е осуден на четири месеци затвор за поседување илјадници фотографии и видеа од сексуална злоупотреба на деца.

Скандал во Данска: Поранешен министер е осуден поради детска порнографија, тврдел дека тој е жртвата

Тој ги негираше обвиненијата, тврдејќи дека го имал материјалот бидејќи се обидувал да открие кој го злоупотребил како дете, објави „Еурактив“.

Сас Ларсен, поранешен социјалдемократ кој беше министер за индустрија, призна дека имал повеќе од 6.000 фотографии и 2.000 видеа од сексуална злоупотреба на деца на својот компјутер.

Обвинителката Марија Цингари изјави дека е задоволна од пресудата, но додаде дека е тажно што некој што успеал да го постигне максимумот во животот и покрај тешкото детство, ќе се најде во таква ситуација.

„Никогаш не треба да поседувате детска порнографија, без разлика која е причината“, додаде таа.

За време на судењето, 59-годишниот поранешен министер, кој бил сместен во згрижувачко семејство како дете пред да биде посвоен, рече дека во 2018 година добил линк што го довел до 50-годишно видео на кое се гледа како е сексуално злоупотребен кога имал три години.

Тој сведочеше дека потоа добил уште еден видео клип од истиот период во 2020 година, на кој тригодишно девојче е силувано во негово присуство.

Според него, две од видеата исчезнале откако ги гледал.

Тој изразил жалење на судот што не ја контактирал полицијата кога ги добил видеата.

Адвокатката на Сас Ларсен, Берит Ернст, им изјавила на новинарите дека сепак ќе види дали ќе поднесе жалба на пресудата.

Скандалот беше откриен во март, по што поранешниот министер беше исклучен од неговата Социјалдемократска партија, а премиерката на Данска, Мете Фредериксен, од истата партија, во тоа време изјави дека е шокирана од целиот случај.

Тагови: Данска детска порнографија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Нестабилно време со дожд, грмежи и засилен ветер

Под влијание на циклонска активност од југоисток денес ќе имаме нестабилно време со дожд, грмежи и засилен ветер.

Нестабилно време со дожд, грмежи и засилен ветер

Локално процесите ќе бидат поинтензивни со пообилен пороен дожд, грмежи, силен ветер и појава на град. Минималната температура ќе биде во интервал од 14 до 20, а максималната ќе достигне од 27 до 35 степени.

Во Скопје времето ќе биде нестабилно со дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 17, а максималната ќе достигне до 32 степени.

Денес ќе се задржи нестабилно време со дожд, грмежи и засилен ветер. Поради големата енергија во атмосферата локално процесите ќе бидат поинтензивни со пообилен пороен дожд, силен ветер и појава на град. Во четврток и петок ќе има изолирана појава на нестабилност, а за време на викендот и почетокот на следната седмица времето ќе биде претежно сончево и топло.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Моника Зајкова и Бране Петрушевски во „Само вистина“

Вечерва во „Само вистина“ гости ќе бидат Моника Зајкова и Бране Петрушевски.

Моника Зајкова и Бране Петрушевски во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. јуни 2026 година

Дневен хороскоп за среда, 24. јуни 2026 година.

Дневен хороскоп за 24. јуни 2026 година

Рак 22.6-22.7.

Љубов

Тоа што во моментов има празнина или дистанца во вашите лични односи , денеска ќе биде заборавено по разговор со ваш близок пријател.

Кариера

Вашите колеги денеска ќе ве насмеат , зашто ќе ве натераат да решавате една загатка , а вие сакате да бидете детектив.

Здравје и совет

Тргнете се настрана и средете си ги мислите.

Лав 23.7-22.8.

Љубов

Во своето љубовно секојдневие ќе внесувате сосема оригинални идеи , а најверојатно со ручек или вечера за двајца.

Кариера

Оние кои работат креативна работа ќе бидат многу современи во својот израз и идеите. И натаму ве заморуваат шефовите.

Здравје и совет

Прифатете ги предизвиците.

Девица 23.8.-23.9.

Љубов

Вашата чувствителност денеска ќе биде зголемена , а другата страна ќе биде расположена за експериментирање во љубовта.

Кариера

Малку ќе недостига за да добиете алергија на шефот. Обидете се барем во мислите да се оддалечите од него.

Здравје и совет

Нервоза и замор.

Вага 24.9.-23.10

Љубов

Можеби саканата личност ќе ве изненади со еден предлог , кој на вас ќе делува како мал шок.

Кариера

Вашите надредени би можеле пред вас да претставатеден предлог што е малку чуден . Првин размислете , а потоа расправајте за него .

Здравје и совет

Победувате со издржливоста.

Шкорпија 24.10-22.11.

Љубов

Може да очекувате исполнет љубовен ден. Дури и ако сте сами , би можеле одлично да се забавувате.

Кариера

Можни се мали недоразбирања во соработката и при вербалните договарања. Фантазијата ќе ви овозможи да допрете до суштината.

Здравје и совет

Не морате се да откриете.

Стрелец 23.11.-21.12.

Љубов

Како што ќе минува денот , ќе забележувате дека вашиот личен живот добива нов сјај и се враќа во рамнотежа.

Кариера

Можно е да заминете на службено патување што не сте го очекувале , а кое ќе ви донесе радост.

Здравје и совет

Не треба да жалите по она што поминало.

Јарец 22.12.-20.1.

Љубов

Нервозата и напнатоста поради недоразбирањата во личните односи може да ги елиминирате со чиста есенција на љубов без зборови- со нежност.

Кариера

Во главата малку ќе ги проанализирате сите теми поврзани со работата , но нема да носите заклучоци.

Здравје и совет

Бидете пример за помладите од вас.

Водолија 21.1.-19.2.

Љубов

Веројатно е се подобро поврзување со спротивниот пол , а особено со некој кој не е од вашата околина.

Кариера

Се наоѓате во минлива фаза на зголемена чувствителност , па дури и редовните напори на кои сте навикнати , ќе ви предизвикаат тешкотии.

Здравје и совет

Потсетете се што е тоа што го сакате.

Риби 20.2.- 20.3.

Љубов

Не се знае кој денеска ќе биде потажен- вие или вашата најсакана личност. Не е ден за анализи , туку за утеха и толеранција.

Кариера

Ќе дојде до деловна кореспонденција , што ќе ве замори. Станува збор за многу напорен начин на изразување.

Здравје и совет

Потребна ви е релаксација.

Овен 21.3-20.4.

Љубов

Емотивност , нежност , чувство на препознавање на оние скриени суптилни нивоа во односите- Сето тоа ќе го доживеете денеска.

Кариера

Можни се проблеми во привршување на покуси фази при работењето. Ќе мора да бидете попрецизни.

Здравје и совет

Веќе ништо не може да ве изненади.

Бик 21.4- 20.5.

Љубов

Ги имате сите адути вос воите раце. Потребно е само да зборувате за она што ви лежи на срце.

Кариера

Некои ќе се затекнат на интересен состанок на кој ќе има сешто- од неморални понуди до морализирање и филозофирање.

Здравје и совет

И натаму чувствувате замор.

Близнаци 21.5.-21.6.

Љубов

Барањата за внимание од еден член на вашето семејство , накусо ќе ве оддалечи од саканата личност.

Кариера

Во работата денеска ќе внесете чувства. Некои ќе бидат наклонети и кон драматизирање.Направете исчекор и опуштете се.

Здравје и совет

Внимавајте на грлото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер