Скандал: Се степаа Мисици, претставничката од Панама го напушти изборот на Мис Универзум (ФОТО) - Канал 5

Забава

Скандал: Се степаа Мисици, претставничката од Панама го напушти изборот на Мис Универзум (ФОТО)

Претставничката на Панама за Мис Универзум, Итали Мора официјално се повлече од овогодинешниот избор.

Скандал: Се степаа Мисици, претставничката од Панама го напушти изборот на Мис Универзум (ФОТО)

Претставничката на Панама за Мис Универзум, Италија Мора официјално се повлече од овогодинешниот избор по темелна проценка на дисциплинската комисија, која заклучи дека нејзиното повлекување од изборот е „најсоодветната процедура во сегашните околности“.

„Дисциплинската комисија, задолжена за одржување на интегритетот и вредноста на натпреварот, спроведе целосен преглед на случајот и, врз основа на собраните и разгледани информации, заклучи дека повлекувањето е најсоодветниот начин на дејствување во сегашните околности“, се вели во соопштението на Организацијата во петокот, додавајќи дека „одлуката е донесена со најголема почит за сите вклучени страни“.

Организацијата, исто така, ја истакна важноста од одржување на доверливост и почит во текот на целиот процес.

„Доверливоста е основен столб на секоја дисциплинска постапка. Со заштита на чувствителните и лични податоци, ние не само што обезбедуваме правичност и еднаквост во нашите одлуки, туку и достоинство на сите вклучени“, додаваат тие и побарале да се почитува приватноста на Мис Панама за да се избегнат непотребни шпекулации кои можат негативно да влијаат на сите инволвирани страни.

На страниците и социјалните мрежи посветени на изборот се појавија гласини дека Мис Универзум Панама не ги почитувала правилата на натпреварот и се степала со својата цимерка од Доминиканската Република, Селине Сантос Фриас.

„Тие се скараа и Мис Панама ја удри Мис Доминиканска Република, која ѝ го возврати ударот. Откако Мис Панама удри прва, таа беше означена како агресор“, напишаа на Фејсбук страницата „Pageant Aficionado“, која има 467.000 следбеници.

„Мис Панама го напушти хотелот со нејзиниот директор на националниот натпревар, не поради некаков романтичен или сексуален контекст, туку затоа што не можеа да се справат со однесувањето на Мис Доминиканска Република кон неа.

„Ова е за нивна безбедност и мир. Организацијата ја искористи оваа техничност како причина да ја дисквалификува бидејќи на натпреварувачките не им беше дозволено да го напуштат хотелот. Има „големи шефови“ кои навиваат за победа на Мис Доминиканска Република. Дали е ова прв пат во историјата на Мис Универзум да избрка жена кандидат поради наводно лошо однесување?“ пишува на страната.

Се јави и директорот на националното натпреварување на Панама, Цезар Анел Родригез.

„Италија Мора е многу млада жена, направи грешка која организацијата Мис Универзум не може да ја дозволи и организацијата донесе одлука утринава да ја повлече од натпреварот. Не сакам да давам детали за грешката што беше направена. Имавме договор да ја заштитиме натпреварувачката и сепак имаме почит кон неа. “, рече тој.

„Искрено ги молам сите да ја почитуваат. Ве молам, не ја осудувајте, не ја напаѓајте бидејќи тоа низ што поминува не е лесно. Таа ќе има светла иднина пред неа бидејќи е млада и брилијантна“, додаде тој. .

За потсетување, изборот се одржува во Мексико, а новата кралица на Мис Универзум ќе биде крунисана на 16 ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мал авион со осум лица се урнал на Алјаска

Мал авион се урнал на Алјаска, нема преживеани.

Мал авион со осум лица се урнал на Алјаска

Нема преживеани Мал авион со осум лица се урна во оддалечен дел на Алјаска и, според последните информации, никој не преживеал.

Командата за Алјаска ја потврди несреќата на авионот и соопшти дека нема преживеани, пренесува Ројтерс.

Раководителот на Националниот одбор за безбедност во транспортот за регионот на Алјаска, Клинт Џонсон, претходно изјави дека во авионот имало двајца пилоти и шестмина патници.

Според Федералната управа за авијација на САД (FAA), авионот „Цесна 441“, кој полетал од Анкориџ, бил на пат кон радарската станица Кејп Њуенхам и се урнал западно од аеродромот.

Во објава на социјалните мрежи, гувернерот на Алјаска, Мајк Данливи, изјави дека Националната гарда на Алјаска спроведува операција за пребарување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Повеќе од 12 милиони евра се инвестираат во Општина Прилеп за капитални проекти

-Би сакал да ја искористам оваа можност да потенцирам дека овие проекти се многу значајни за сите општини во Македонија. 

Мицкоски: Повеќе од 12 милиони евра се инвестираат во Општина Прилеп за капитални проекти

„Добар ден и од мене.

Би сакал да ја искористам оваа можност да потенцирам дека овие проекти се многу значајни за сите општини во Македонија. Ова што го кажа градоначалникот на Прилеп, но и потпретседателот на Владата и министер за транспорт дека со овие проекти додаваме вредност и го зголемуваме квалитетот на живот е вистина бидејќи имаме повеќе од 1.200 градилишта коишто се резултат на проектот за децентрализација на средства од централниот буџет кон општините. Во оној неврзан муабет со градоначалникот бев информиран дека повеќе од 12 милиони евра се проектите коишто од страна на Владата се финансираат во Прилеп преку оваа програма. И кога на тоа ќе се додадат и средствата коишто Општина Прилеп ги издвојува како средства за капитални инвестиции, плус други програми коишто доаѓаат од другите министерства надвор од оваа програма, тогаш доаѓаме до една огромна бројка и огромна бројка на проекти коишто ќе имаат за задача да го подобрат квалитетот на живот во Прилеп.

Би сакал да ја искористам оваа можност да се заблагодарам на градоначалникот и да честитам за посветената работа којашто ја прави изминатиов период, на советниците коишто ја поддржуваат неговата работа како градоначалник, на пратениците коишто се од Прилеп и коишто се борат за проект повеќе за Прилеп и овој дел од Македонија. Да се заблагодарам се разбира тука и на колегите од Владата, на сите оние коишто учествуваат во реализацијата на овие проекти бидејќи нашата цел како Влада уште на самиот почеток беше да испорачаме што е можно повеќе проекти во рамките на нашите можности со коишто ќе го подобриме онолку колку што можеме квалитетот на живот на нашите сограѓани.

Така што уште еднаш еве честитам на сите и би посакал да се движиме во рамките на роковите коишто се зададени за да овие проекти бидат пуштени во употреба и ја имаат својата полна намена.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дали руски „Иљушин“ влегол во воздушниот простор на Финска?

 Финската гранична служба денес соопшти дека во четвртокот руски извидувачки авион „Иљушин-20“ наводно го нарушил воздушниот простор.

Дали руски „Иљушин“ влегол во воздушниот простор на Финска?

Како што беше соопштено, постои сомневање дека руски извидувачки авион го нарушил финскиот воздушен простор јужно од Уто, во Финскиот Залив, пренесува Yle.

Според финската гранична служба, наводното нарушување на финскиот воздушен простор траело околу три минути.

Во својата најдлабока точка, авионот навлегол околу 4,7 наутички милји во финска територија, во Финскиот Залив.

Граничната служба покрена прелиминарна истрага за случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер