Свет

Скај Њуз: САД и Иран следната недела ги продолжуваат преговорите во Исламабад

САД и Иран веројатно следната недела ќе ги продолжат преговорите за прекин на конфликтот, а нова средба би можела да се одржи во Пакистан, дознава денеска Скај Њуз, повикувајќи се на извори.

Според извештаите, нова рунда разговори ќе се одржи во Исламабад, по претходната средба одржана во пакистанскиот главен град минатата недела.

Слични информации објави и „Волстрит Џурнал“, во кои се наведува дека Вашингтон и Техеран постигнале принципиелен договор за продолжување на преговорите, но дека точниот датум и место сè уште не се утврдени.

Американскиот претседател, Доналд Трамп, претходно за „Њујоркл Пост“ телефонски изјави дека „нешто би можело да се случи во следните два дена“, одговарајќи на прашање за можни нови разговори со Иран.

Во конфликтот меѓу САД и Израел со Иран, што започна на 28 февруари, откако пропаднаа преговорите за иранската нуклеарна програма, на 8 април беше постигнат договор за двонеделен прекин на огнот, што му овозможи на Пакистан да посредува во разговорите во Исламабад.

На 11 април во Исламабад се одржаа разговори меѓу американската делегација, предводена од американскиот потпретседател, Џеј Д. Венс, и иранската делегација, предводена од претседателот на иранскиот Парламент, Мохамед Багер Калибаф, но не беше постигнат договор за траен мир.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Шведска убедлива на првиот меч на Светското првенство!

Фудбалерите на Шведска убедливо ја победија репрезентацијата на Тунис со резултат од 5:1 (2:1) во натпреварот од првото коло од Групата Ф на Светското првенство.

Со три бода, скандинавската репрезентација го зазеде првото место на табелата, откако Холандија и Јапонија одиграа нерешено 2:2.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на трибина посветена на Органодарителството и значењето на трансплантацијата

Мицкоски ќе присуствува и свое обраќање ќе има на трибина посветена на органодарителството и значењето на трансплантацијата.

Денес во 15:00 часот претседателот на Владата на Република Македонија Христијан Мицкоски ќе присуствува и свое обраќање ќе има на трибина посветена на органодарителството и значењето на трансплантацијата во амфитеатарот на Медицинскиот факултет во Скопје.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ќе избира член на Судскиот совет

Денеска Собранието на РМ треба да ја продолжи 104. седница на која на дневен ред се останати неколку точки.

Пратениците треба да гласаат за Предлог за избор на член на Судскиот совет на Република Македонија што го избира Собранието. Комисијата за прашања на изборите и именувањата на пленумот му предлага изборот да биде извршен помеѓу Артим Ислами, дипломиран правник со положен правосуден испит од Струга и Феузи Џафери, дипломиран правник со положен правосуден испит од село Чајле, Гостивар.

На дневен ред се и Предлог на закон за соодветна и правична застапеност – Прво читање на предлог на Владата, како и Предлог на закон за соодветна и правична застапеност – Прво читање, предложен од пратениците Зијадин Села, Илире Даути и Елми Азири од Албанската Лига.

Пратениците треба да се изјаснат и за Предлог на закон за изменување на Законот за судовите, по скратена постапка, и за Предлог на кодекс за етичко однесување на пратениците во Собранието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.