Сите зборуваат за момачкото на Џеф Безос, а еве што правеше Лорен Санчез во меѓувреме - Канал 5

Забава

Сите зборуваат за момачкото на Џеф Безос, а еве што правеше Лорен Санчез во меѓувреме

Свадбата на Џеф Безос и Лорен Санчез е за еден месец, па минатиот викенд решиле да го прослават момачкото и девојачкото вечерно излегување со своите пријатели.

Сите зборуваат за момачкото на Џеф Безос, а еве што правеше Лорен Санчез во меѓувреме

Основачот на „Амазон“ ги повел своите најблиски пријатели на дружење во Мадрид, додека новинарката се забавувала во Париз со познати пријателки.

Безос со пријателите излегол во ресторанот „Ten con Ten“ во Мадрид. Бил опуштен и насмеан, уживал во друштвото и специјалитетите на ресторанот, вклучувајќи рижото со гриз и тартуфи и печена хоботница.

Потоа вечерта продолжила во клуб, каде што, според магазинот Hola!, уживале во музиката, атмосферата и пијалаците.

Иако од третиот најбогат човек на светот можеше да се очекува поекстравагантна прослава, очигледно решил да ја помине вечерта во лежерна атмосфера и во град кој инаку го сака. Ова му била втора посета на Шпанија во последниве три месеци.

Гламурозно дружење во Париз

Санчез, пак, се одлучила за многу поелегантна прослава. Своите најблиски пријателки, меѓу кои и познатите дами Ким Кардашијан, Кејти Пери и Ева Лонгорија, ги однела во Франција.

Ручале во прочуениот ресторан L'Avenue, вечерале во Lafayette, а потоа заминале на приватно крстарење по Сена, од каде што уживале во совршен поглед на Париз за време на зајдисонцето.

Врвот на викендот бил во понеделник во Кан, каде Санчез добила награда за оснажување на жените на настанот Global Gift Gala, чиј домаќин била Ева Лонгорија. Наградата ѝ била доделена како признание за нејзиниот општествен ангажман преку Bezos Earth Foundation.

Свадба следниот месец на приватен остров

Безос и Санчез ќе го кажат судбоносното „да“ од 24 до 26 јуни во Венеција, откако својата врска ја објавија во 2019 година, а се свршија во 2023. Главната церемонија ќе се одржи на приватниот остров Сан Џорџо Маџоре.

На свадбата се очекуваат околу 200 славни гости, а дел од тридневната прослава ќе се одржи на нивната суперјахта вредна 500 милиони долари. Парот наводно ги замолил своите гости да донираат во хуманитарни цели наместо да носат подароци.

Тагови: Лорен Санчез Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер