Сите верувале дека бебето е грабнато, а тогаш дошло до шокантен пресврт- родителите се појавиле на ТВ и лажеле - Канал 5

Живот

Сите верувале дека бебето е грабнато, а тогаш дошло до шокантен пресврт- родителите се појавиле на ТВ и лажеле

Случајот со исчезнато седуммесечно бебе во Калифорнија доби шокантен пресврт, а нејзините родители се уапсени и обвинети за нејзиното убиство.

Сите верувале дека бебето е грабнато, а тогаш дошло до шокантен пресврт- родителите се појавиле на ТВ и лажеле

Џејк Харо, 32, и Ребека Харо, 41, се појавија вчера на суд, обвинети за убиство и поднесување лажна полициска пријава.

Родителите се обвинети дека лажеле за исчезнувањето на нивниот седуммесечен син, Емануел, откако излегле на телевизија да ги замолат локалните жители за помош во пронаоѓањето на нивното дете.

Ребека тврдела дека била нападната одзади пред продавница на 14 август.

Таа им кажала на полицајците дека се разбудила со модринка на окото и дека не се сеќавала што се случило пред да сфати дека нејзиниот син е исчезнат. Сепак, недоследностите во нејзината приказна ја навеле полицијата да заклучи дека немало киднапирање на бебето. Наместо тоа, канцеларијата на шерифот на округот Сан Бернардино верува дека малиот Емануел е мртов.

Судските документи што ги видел медиумот сугерираат дека Емануел можеби бил мртов дури девет дена пред неговата мајка да тврди дека е киднапиран.

Според сведоците, Ребека била видена во продавницата каде што, според неа, момчето било киднапирано неколку дена пред да биде пријавено како исчезнато.

Обвинителите, исто така, фрлаат сомнеж врз нивната приказна откако сведоците изјавија дека ја виделе Ребека со модринка денот пред наводниот напад.

Двојката е уапсена во нивниот дом во петокот наутро. Ребека, сепак, продолжува да инсистира дека ја кажува вистината за својот син и сака да биде ослободена за да може да продолжи да го бара.

Таа, исто така, рече дека има одличен однос со својот сопруг и дека тој е одличен татко.

Телото на момчето сè уште не е пронајдено, а полицијата продолжува да истражува.

Тагови: бебето родителите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер