Сите мостови кон Северодонецк се уништени

Сите мостови кон Северодонецк се уништени испораката на залихи и евакуацијата на цивилите сега се невозможни.

Сите мостови кон украински град Северодонецк сега се уништени, изјави локалниот гувернер.

Според него бидејќи градот е отсечен, испораката на залихи и евакуацијата на цивилите сега се невозможни.

Жестоки борби се водат во источниот град каде што украинските власти соопштија дека руската артилерија ги протерала нејзините сили од центарот.

Со недели заземањето на Северодонецк беше главна воена цел за Русија.

Преземањето на северодонецк и блискиот град Лисичанск ќе ѝ даде на Москва контрола врз целиот регион Луганск, од кој голем дел веќе е контролиран од сепаратистите поддржани од Русија.

Оние жители кои останаа во градот беа принудени да преживеат во „исклучително тешки услови“, додаде тој.

Украинскиот претседател Володомир Зеленски рече дека битката за град Северодонецк била „застрашувачка“. Украинските војници, рече тој, се бореле со руските сили „буквално на секој метар“.

Извештаите сугерираат дека околу 70% од градот сега е под руска контрола.

Вест Хем потврди разделба со Мојс на лето

Тренерот на Вест Хем, Дејвид Мојс ќе го напушти тимот на крајот од актуелната сезона, објави вечерва лондонскиот клуб на својот официјален сајт.

Неговиот договор со клубот истекува на лето, а според информациите, заминувањето на 61-годишниот Шкотланѓанец е резултат на меѓусебен договор.

Мојс е на чело на Вест Хем од декември 2019 година. Во сезоната 2022/23, тимот ја освои Конференциската лига. Шпанецот Хулен Лопетеги е фаворит за наследник на Мојс.

Шолц: Приходите од замрзнатите руски средства треба да се вложат во воена помош за Украина

Германскиот канцелар Олаф Шолц денеска изјави дека околу 90 отсто од приходите остварени од замрзнатите руски средства треба да се потрошат за купување оружје за Украина.

„Важно е да се согласиме дека овие пари може да се користат за купување оружје не само во ЕУ, туку и ширум светот“, изјави Шолц за новинарите по состанокот со членовите на владите на трите балтички земји во Рига.

Тој изјави дека Германија и трите балтички земји се посветени на брзото проширување на производството на оружје во Европа и додаде дека производството на муниција и системи за противвоздушна одбрана веќе е зголемено.

Тенис

Четворица македонски тенисери утре на фјучерс во Србија

Четворица македонски тенисери утре ќе настапат на фјучерс турнирот М25 во српскиот град Куршумлиска бања.

Тројца од нив, Обрад Марковски, Шендрит Деари и Стефан Мицов, ќе ги играат финалните дуели од квалификациите и со победи ќе обезбедат пласман на главниот турнир.

Директен пласман има само Горазд Србљак, кој, пак, утре ќе го игра мечот од првото коло против Никола Јовиќ од Србија.

На женскиот дел од турнирот во Куршумлијска Бања настап во првото коло ќе има Магдалена Стоилковска, чија противничка в среда ќе биде третата носителка Пемра Озген од Турција (37 години, 658 ВТА место).

Најдобрата македонска Лина Ѓорческа е дел од фјучерс турнир во словачкиот град Трнава.

Ѓорческа во првото коло утре ќе игра против младата тенисерка од Русија, Полина Кудерметова (20 години, 178 ВТА место).

Свет