Свет

Сириското претседателство тврди дека на сила е примирје и ги повикува страните да го почитуваат

Владата на Сирија, предводена од исламисти, соопшти дека нејзините внатрешни безбедносни сили денес почнале да се распоредуваат во Свеида.

Владата на Сирија, предводена од исламисти, соопшти дека нејзините внатрешни безбедносни сили денес почнале да се распоредуваат во Свеида, додека претседателството ги повика сите страни да го почитуваат прекинот на огнот откако крвопролевањето во областа претежно населена со друзи однесе стотици жртви.

Сириското претседателство објави итен и сеопфатен прекин на огнот и ги повика сите страни да се обврзат на него и веднаш да ги прекинат непријателствата во сите области.

Портпаролот на сириското Министерство за внатрешни работи изјави претходно денес дека внатрешните безбедносни сили почнале да се распоредуваат во Свеида, покраина на југот од земјата. Израел интервенираше во конфликтот претходно оваа недела, таргетирајќи ги владините сили и зградата на Министерството за одбрана во Дамаск, во знак на поддршка на друзите.

„Прекинот на огнот е поддржан од Турција, Јордан и соседите“

Том Барак, амбасадорот на САД во Турција и претставник на Вашингтон во Сирија, изјави дека двете земји се согласиле на примирјето поддржано од Турција, Јордан и нејзините соседи.

Сириската покраина Свеида е зафатена од насилство кое започна со судири меѓу бедуинските борци и друзските фракции, пред да се вклучат владините безбедносни сили испратени од Дамаск во областа.

Барак ги повика Друзите, Бедуините и Сунитите да го положат оружјето и „да изградат нов и обединет сириски идентитет заедно со другите малцинства“.

Израел вели дека неговата цел е да го заштити друзското малцинство во Сирија и да ги држи областите долж јужната граница на Сирија демилитаризирани. Привремениот претседател Ахмед ал-Шара го обвини Израел дека се обидува да посее поделба меѓу Сиријците.

Израелски функционер вчера изјави дека Израел се согласил да им дозволи на сириските сили ограничен пристап до областа Свеида во следните два дена.

Тагови: претседателството примирје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: ЗНАМ повторно ја брани изолацијата на Македонија, Мицкоски и неговата криминална група

ЗНАМ денеска излезе со соопштение во кое вели дека ЕУ интеграцијата мора да се темели на реформи, а не на „нови условувања“.

Ова е класична манипулација.

Нема нови условувања.

Уставните измени се дел од европската преговарачка рамка уште од самиот почеток. Тоа не е „уцена“, туку основен услов за отворање на преговорите - што вчера јасно го потврди и претседателот на Европскиот совет, Антонио Кошта.

Реформи оваа власт не спроведува.

Нека го прочитаат извештајот на Вајц и Комитетот на Европскиот парламент.

Таму јасно се вели дека нема напредок, нема владеење на правото и дека постои странско мешање.

ЗНАМ, партијата создадена и финансирана од Мицкоски за да ја разбие опозицијата, повторно ја брани политиката на изолација.

Наместо да им кажат на граѓаните дека без уставни измени нема напредок, тие повторно играат на картата на лаги - „национално достоинство“ и „уцени“.

Ова е истата приказна што ја турка и ВМРО-ОКГ со месеци.

Целта е јасна: да се спречи Македонија да влезе во ЕУ, за да може криминалната група на Мицкоски и Максим Димитриевски да продолжат да работат без контрола и без одговорност.

СДСМ уште одамна рече: поддржуваме само една работа - внесување на малцинствата во Уставот. За сè друго - не сме и нема да бидеме дел од оваа криминална структура.

Доста е со лаги и манипулации.

Реформи сега. Малцинства во Уставот сега. Европа сега.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби околу тендер за чистење на граничните премини и терминалите, во периодот од јули 2023 до март 2024 година.

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.