Забава

Синот на Слободан Милошевиќ, Марко и во Русија ужива во скапи автомобили и мотори!!

Синот на поранешниот претседател на Србија, Слободан Милошевиќ,кој почина во затворот во Хаг, контроверзниот Марко Милошевиќ, со децении живее во Русија, но неговиот живот се уште е обвиткан во тајност.

Марко кој со години медиумите го поврзуваат со руската мафија исчезна од јавноста пред речиси 25 години.

Сега руски портал објави информација дека Марко Милошевиќ бил во врска со Ирина Баглаи, ќерката на поранешниот претседател на рускиот Уставен суд, Марат Баглај.

Се зборуваше дека тој сè уште сака луксузни и скапи автомобили.

Рускиот портал „Саговорник“ (sobesednik.ru) неодамна откри нови детали за животот на Марко Милошевиќ во Русија.

Според нивните сознанија, тој е државјанин на Руската Федерација најмалку од 2014 година, кога му бил издаден важечки руски пасош.

Страста кон скапите возила и мотори , по кој беше познат додека живееше во Србија, кога неговиот татко владееше со оваа земја, според руските портали се уште не го напуштила Марко , тој сега поседува два мотоцикли „Харли Дејвидсон“ и „Хонда ЦБР600Ф“, како и два автомобили „ауди А4“ и „мицубиши лансер“.

Според нивните сознанија, синот на Слободан Милошевиќ прво живеел во близина на метро станицата „Проспект Мира“, што според нив е доказ дека тој е во врска со Ирина Баглај.

Имено, во тој период тој стан бил на Ирина, која поседува и недвижен имот во елитна викенд-населба, каде што бил регистриран Марко.

Врската на Милошевиќ со Ирина ја потврдуваат и податоците за паркирањето во главниот град: тој со мобилниот телефон плаќал паркинг за „ауди кју5“ (кросовер) во сопственост на Ирина Баглај, објави „Саговорник“.

Според достапните информации, Ирина Баглај поседува и 25 декари земјиште на Рубљовка - во туристичкото место Иљинское.

Покрај тоа, таа има стан од 92 метри квадратни во куќа на улицата Долгаруковскаја во Москва. Своевремено Марко Милошевиќ беше косопственик на Polar doo. Од 2015 година до крајот на 2019 година, тој имаше 50 отсто удел во оваа компанија.

Живот

Серена Вилијамс: Доколку јас бев на местото на Синер ќе ме казнеа 20 години

„Го сакам тој човек, ја сакам оваа игра“, изјави за магазинот Тајм легендарната Вилијамс.

Легендарната американска тенисерка Серена Вилијамс рече дека сигурно би добила 20 годишна суспензија и одземање на сите освоени грен слем титули доколку би била позитивна на допинг тест како во случајот со светскиот рекет број еден Јаник Синер минатата година.

Синер прифати тримесечна забрана во февруари по договорот со Светската антидопинг агенција, која ја оспори одлуката на независен суд да го ослободи од вината по двата позитивни теста за анаболниот агенс клостебол.

„Го сакам тој човек, ја сакам оваа игра“, изјави за магазинот Тајм легендарната Вилијамс, која се пензионираше во 2022 година откако освои 23 грен слем трофеи.

„Синер е одличен за овој спорт, потребен му е на машкиот тенис. Но, да го направев тоа јас, ќе добиев 20-годишна казна“, додаде таа.

Синер, чија забрана истекува на 4 мај, отсекогаш тврди дека е виновен, иако неговиот случај иницира прашања за тоа дали добил повластен третман од спортските федерации./МИА

Тагови: Серена Вилијамс

Фудбал

Медиуми: Анчелоти го напушта Реал, ќе биде селектор на Бразил

Се очекува тренерот на Реал Мадрид, Карло Анчелоти да ја напушти клупата на шпанскиот гигант по финалето на Купот на кралот, што ќе се одигра на 26 април против Барселона во Севиља, дознава „Скај Спорт“.

Анчелоти дополнително ги подгреа сомнежите околу неговата иднина во Реал вчерашната елиминација од Арсенал во четвртфиналето во Лигата на шампиони.

Според „Скај Спорт“, 65-годишниот италијански стратег ќе остане на клупата на Реал до финалето на домашниот Куп, но се очекува потоа да го напушти клубот.

Анчелоти сè почесто се споменува и како најсериозен кандидат за нов селектор на Бразил, а оваа вест би можела и официјално да биде потврдена пред крајот на сезоната.

Фото: ЕПА

Тагови: Бразил Карло Анчелоти Реал Мадрид

Свет

Нетанјаху: Израел нема да дозволи Иран да развие нуклеарно оружје

Израелскиот премиер Бенјамин Нетанјаху денеска изјави дека Израел нема да дозволи Иран да развие нуклеарно оружје, прецизирајќи дека извршил безброј „отворени и прикриени“ акции кои ја уназадиле иранската нуклеарна програма за „речиси една деценија“.

Ова е прва изјава на Нетанјаху за Иран откако администрацијата на американскиот претседател Доналд Трамп ги почна преговорите со Техеран во обид да склучи нов ирански нуклеарен договор.

- Како што многупати изјави премиерот – Израел нема да дозволи Иран да се здобие со нуклеарно оружје, се вели во соопштението од кабинетот на Нетанјаху.

- Премиерот предводеше безброј акции, отворени и прикриени, во борбата против иранската нуклеарна програма, без која Иран денес би имал нуклеарен арсенал. Тие акции ја вратија иранската нуклеарна програма речиси една деценија назад, се додава во соопштението.

Западните земји, предводени од САД, се сомневаат дека Иран сака да се здобие со нуклеарно оружје. Техеран ги отфрла тие обвинувања и го брани правото на нуклеарна енергија за цивилни цели, особено за енергија.

Иран и САД, кои немаат дипломатски односи од 1980 година, минатата сабота ги одржаа првите разговори, со посредство на властите во Оман, за иранската нуклеарна програма.

Втората средба на официјалните претставници на двете земји е закажана за в сабота во Рим./МИА

Тагови: Бенјамин Нетанјаху Иран