Синот на Шумахер: Знам дека сум доволно добар за Формула 1 - Канал 5

Формула

Синот на Шумахер: Знам дека сум доволно добар за Формула 1

Резервниот возач на Мерцедес, Мик Шумахер се надева дека ќе си го врати постојаното место во некој од тимовите кои се натпреваруваат во трките во Формула 1.

Синот на Шумахер: Знам дека сум доволно добар за Формула 1

Тој смета на голема активност на пазарот по завршувањето на новата сезона, кога ќе им завршат договорите на четиринаесет од дваесетте возачи.

„Може да ми биде предност што пазарот на возачи е веќе доста активен и ќе продолжи да расте во наредните месеци. Ќе се случи многу. Не само што ќе има промени во тимовите, туку еден или двајца возачи би можеле да ја завршат својата кариера. - рече Шумахер за неделникот Sport Bild.

Синот на поранешниот седумкратен светски шампион Михаел Шумахер се натпреваруваше во Формула 1 во 2021 и 2022 година и возеше за тимот на Хаас. Учествуваше на 43 трки и освои вкупно 12 бода. Лани и за оваа сезона не доби постојано возачко место, но Мерцедес го ангажираше како тест и резервен возач. Но, 24-годишниот Мик верува дека ќе се врати како возач со полно работно време.

„Знам дека имам вештини за да го направам тоа. Доволно сум добар, докажав дека можам да возам и да се справам со притисокот, а Формула 1 не е толку различна“, рече Шумахер.

За оваа сезона тој има термин со алпскиот тим во Светскиот шампионат во издржливост, што ќе му овозможи да настапи на легендарната трка „24 часа Ле Ман“, каде што настапи и неговиот славен татко пред да ја започне својата блескава Ф1 кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони најави ограничување на бројот на странски ученици и забрана за бурки и никаби во училиштата

Италијанската премиерка Џорџа Мелони најави дека наскоро до владата ќе предложи мерка со који ќе се ограничи бројот на странски ученици во училишните одделенија и ќе се забрани носењето бурки и никаби во училиштата.

Мелони најави ограничување на бројот на странски ученици и забрана за бурки и никаби во училиштата

Мелони ова го соопштила пред младинската организација на нејзината партија „Италијански браќа“, додавајќи и дека со мерката исто така ќе стане задолжително изучувањето на италијанскиот јазик за родителите на странските ученици кои имаат „сериозни тешкотии при интеграцијата во училишниот систем“.

– За нас, секој што доаѓа во Италија и сака да ја гради својата иднина тука, мора да го научи нашиот јазик, да ја разбере нашата култура и да ги почитува нашите правила. Тоа е единствениот сериозен начин да ги пречекаме – изјавила Мелони.

Откако ќе биде одобрена од владата, мерката ќе треба да помине и во парламентот во рок од 60 дена за да стапи на сила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

По драмата околу борбата за децата, Лука Дончиќ ја отвори душата- Каде и да е тато ...

Еден од најдобрите светски кошаркари, НБА ѕвездата на ЛА Лејкерс, Лука Дончиќ повторно ја покажа својата емотивна страна.

По драмата околу борбата за децата, Лука Дончиќ ја отвори душата- Каде и да е тато ...

По драмата околу борбата за децата, еден од најдобрите светски кошаркари, Словенецот Лука Дончиќ ја отвори душата како никогаш досега.

Лука Дончиќ повторно ја покажа својата емотивна страна, а неговата најнова објава на Инстаграм привлече големо внимание во јавноста.

Словенечкиот кошаркарски ас објави серија фотографии од своите ќерки Габриела и Оливија, придружени со порака што кај многумина предизвика солзи во очите.

„Г и О, без оглед на тоа каде во светот се наоѓа тато, не поминува ден а да не сте во моето срце. Каде и да одам, вие сте секогаш со мене. Ве сакам!“ – напиша Лука Дончиќ покрај фотографиите од своите девојчиња.

Овој пост на Лука доаѓа по исклучително бурен период во неговиот приватен живот.

Дончиќ раскина со мајката на Габриела и Оливија, Анамарија Голтес, неговата долгогодишна партнерка и свршеница.

Нивната љубовна приказна со години го привлекуваше вниманието на јавноста, поради што нивното раскинување предизвика бројни реакции. Лука и Анамарија се запознале уште како тинејџери, а нивната врска траела со години.

По бројни подеми и падови, тие се свршиле во 2023 година, а потоа добиле две ќерки. Сепак, нивната љубовна приказна немаше среќен крај.

Тагови: Лука Дончиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Единствена Русија“ на Путун со убедлива победа на изборите

„Единствена Русија“ на Владимир Путин оствари убедлива победа на парламентарните избори во Русија.

„Единствена Русија“ на Путун со убедлива победа на изборите

Со пребројани над 71 отсто од гласовите, како што објавуваат руските новински агенции, Единствна Русија освоила 57,5 отсто, Комунистичката партија и Националистичката либерално демократска партија имале 14 и 8,7 отсто од гласовите..

Според прогнозите на ТАСС, владејачката партија е на добар пат да го задржи двотретинското мнозинство во Државната Дума со 450 места..

Изборите се одржаа и на окупираните териториии во Украина, анектирани од Русија и ова се први избори по руската инвазија во Украина.. Ниту една од партиите кои беа против војната не добија дозвола да влезат во изборната трка..

Вчера на последниот ден од гласањето Украина лансираше беспилотни летала кон Москва, при што загинаа две лица а беше запалена рафинерија за нафта

Русија најави интензивирање на нападите кон Киев, и ја обвини Украина дека се обидела да „ја потисне демократската волја на руските граѓани“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер