Канал 5 денеска ги посети мештаните. Со очајни апели, молат за решение од надлежните. Велат, не само вчеравечер, секоја ноќ дишеме тешко. Најмногу стравуваат за здравјето на своите најмили . Пред камерата на Канал 5 раскажува како е да се живее во близина на Дрисла.

Канал 5 се обиде да ја посети и депонијата, но наидовме на затворени врати. Влезот не ни беше овозможен, со образложение дека е викенд и таму освен чуварите, нема никој од менаџментот.

-Портите на Дриса денеска затворени за посетители, меѓутоа депонијата си работи. Граѓанските организации во неколку наврати преку протести, токму оваа депонија ја обвинуваат како најголем виновник за загадениот воздух кој го дишеме. Бараат законски измени, како и поголеми контроли од државните институции.

Директорот на депонијата Ангелов во неколку наврати ги побива нападите од граѓанските организации со тврдење дека Дрисла работи согласно своите капацитети и нема ништо незаконско. Во телефонски разговор тврди дека синоќа црниот чад не бил од Дрисла, туку пожар во нејзина близина. Се запалила сува трева.

Командирот на пожарна Владимир Симоновски, потврди дека вчера попладне со 3 противпожарни возила се гасел пожарот над Дрисла. Причината за избувнувањето не е позната.

За овој случај - од министерството за животна средина за Канал 5 велат дека кај нив до сега нема никаква дојава.Демократскиот сојуз пак, ги повика институциите на почести вонредни инспекции во депонијата.

Се поставува прашањето - Дали синоќешниот пожар е уште еден немил настан, за кој јавноста нема да добие одговор?!