Синер во очекување на одлуката на ВАДА: Сè уште размислувам што ќе биде - Канал 5

Тенис

Синер во очекување на одлуката на ВАДА: Сè уште размислувам што ќе биде

Сè уште размислувам што ќе биде, но понекогаш животот нè соочува со тешкотии.

Синер во очекување на одлуката на ВАДА: Сè уште размислувам што ќе биде

Првиот светски рекет Јаник Синер се осврна на жалбата на ВАДА околу неговиот скандал со допинг.

Викендот селекцијата на Италија ја победи Холандија во финалето на Дејвис купот и ја одбрани титулата.

- Многу горд на целиот тим. Среќни сме што овој трофеј повторно го држиме во раце. Денот беше тежок, се можеше да се случи. Многу ми е драго што сум дел од ова. Се разбира, сè уште размислувам за жалбата на ВАДА. Но, најважно е да ми веруваат оние околу мене, оние кои ме познаваат. Така продолжив да играм на нивото на кое бев. Сум имал некои подеми и падови, сум бил малку депресивен, сум бил малку скршен. Но, понекогаш животот нè соочува со тешкотии, а ние само треба да истраеме, истакна Синер.

Синер се соочува со закана од суспензија откако Светската антидопинг агенција (ВАДА) ја обжали одлуката дека тој немал вина за двата позитивни допинг теста порано оваа година. ВАДА кажа дека пресудата на независен трибунал, со која Синер беше ослободен од секаква вина, не е во согласност со важечките правила.

ВАДА поднесе жалба во Светскиот арбитражен суд во Лозана и смета дека Синер треба да биде казнет меѓу една и две години.

На Синер во март имал два позитивни теста за користење недозволен стероид. Тој беше ослободен од вина откако Меѓународната агенција за интегритет во тенисот му го прифати тврдењето дека бил контаминиран ненамерно од неговиот физиотерапевт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Албин Курти е гаѓан со јајца во косовското собрание (ВИДЕО)

Претседателот на движењето Самоопределување и вршител на должноста премиер, Албин Курти, беше гаѓан со јајца за време на денешното продолжение на прекинатата конститутивна седница на собранието на Косово. 

Албин Курти е гаѓан со јајца во косовското собрание (ВИДЕО)

Кога Курти повторно побара дополнително време за консултации, пратеничката на Алијансата Тиме Кадријај го гаѓаше со јајца.

Ова доведе до прекин на седницата и влегување на телохранителите на Курти во салата.

Претседателот Авни Дехари најави дека пратениците ќе бидат информирани подоцна кога ќе продолжи седницата.

Тагови: Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се судрија товарен и патнички воз во Хрватска машиновозач е тешко повреден (ВИДЕО)

Се судрија патнички и товарен воз во близина на Крижевци, Хрватска.

Се судрија товарен и патнички воз во Хрватска машиновозач е тешко повреден (ВИДЕО)

Во несреќата има неколку повредени, а машиновозачот на патничкиот воз е тешко повреден.

Судирот се случил во 10:05 часот наутро меѓу товарен воз на ХЖ Карго и патнички воз на на Хрватски железници помеѓу станиците Свети Иван Жабно – Градец во близина на Крижевци.

Полицијата и брзата помош се на местото на настанот, а според неофицијални информации на хрватските медиуми, товарниот воз поминал на црвено светло.

Тагови: воз Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зеленски во прва посета на Белград, Киев повторно мета на руски ракетен напад

Зеленски, кој вчера пристигна во Белград, со највисоки државни почести беше пречекан од српскиот претседател Вучиќ.

Зеленски во прва посета на Белград, Киев повторно мета на руски ракетен напад

По официјалната церемонија стартуваше разговорот меѓу Вучиќ и Зеленски, соопшти службата за соработка со медиумите на претседателот на Србија.

Посетата на Зеленски на Белград, која е прва откако тој е на чело на Украина, и разговорите со српскиот претседател се во фокусот на јавноста поради блиските релации на Србија со Русија – владата предводена од СНС на Александар Вучиќ не се приклучи кон санкциите кои ЕУ и ги наметна на Москва по стартот на инвазијата врз Украина.

Додека Зеленски е во Србија, утрово Киев повторно беше мета на жесток ракетен напад во кој загинале најмалку тројца луѓе загинаа, вклучувајќи дете. Властите кажаа дека се запалени станбени згради, автомобили и гаражи, а точниот број жртви се утврдува.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер