Синдромот нервозни црева почесто ги погодува жените од мажите, а може да ги активира оваа храна - Канал 5

Здравје

Синдромот нервозни црева почесто ги погодува жените од мажите, а може да ги активира оваа храна

Најчесто гастроинтестинално заболување е синдромот на иритабилно дебело црево или народски кажано, „нервозни црева“.

Синдромот нервозни црева почесто ги погодува жените од мажите, а може да ги активира оваа храна

Најчеста причина за ова заболување се стресот или напнатоста, иако пациентите најчесто првите симптоми ги поврзуваат со труење или алергија на одредена храна.

Оваа болест почесто ги погодува жените отколку мажите, а знаците на болеста кај половина од пациентите се појавуваат пред 35-тата година од животот.

Симптоми на нервозно дебело црево

Според гастроентерологот д-р Едвард Парендез, синдромот на иритабилно дебело црево е многу честа болест која влијае на квалитетот на животот на пациентот, но може да укажува и на други многу сериозни болести.

Оваа болест се манифестира како стомачна болка поради нарушено празнење на цревата. Тоа е нарушување во функционирањето на цревата или дебелото црево, кога нервите и мускулите стануваат многу почувствителни од нормално.

Како што објаснуваат лекарите, оваа состојба не е иста како воспалителна болест на цревата, која е многу посериозна и вклучува Кронова болест и улцеративен колитис.

Симптоми на нервозно дебело црево се: болки во стомакот, грчеви, гасови, надуеност, оток на стомакот, промени во функцијата на цревата - дијареа или запек, слуз во столицата.

Како што објасни д-р Едвард, доколку имате некој од овие симптоми подолго време, контактирајте го вашиот лекар.

- Доколку забележите крв во столицата или имате температура покрај другите симптоми, веднаш побарајте го вашиот лекар. Ова може да бидат знаци за посериозен проблем кој бара итна реакција – рече тој.

За овие пациенти е типично симптомите да се интензивираат во стресни ситуации. Нападот е проследен со чувство на слабост и гадење, бледило, но не и повраќање. Дијагнозата ја поставува лекар кој проценува дали треба да се направат дополнителни тестови.

Покрај стресот, храната, но и големината на оброкот се најчестите предизвикувачи на оваа болест.

- Големите оброци можат да предизвикаат посилни симптоми бидејќи цревата се мачат да сварат поголема количина на храна. Затоа на пациентите им се советува да имаат почести и помали оброци - додава д-р Едвард.

Исто така, одреден вид на храна може да биде причина за нервозни црева. Најчестите предизвикувачи се: млеко, млечни производи, особено сирење, сладолед, кофеин, газирани пијалоци, чоколадо, алкохол, масна и зачинета храна.

Не постои посебна терапија за раздразливи црева, најдобро е да се воведат промени во исхраната и да се избегнуваат стресни ситуации.

- Во зависност од симптомите, лекарот може да предложи терапија со лаксативи кои можат да го ублажат запекот или антиспазмодични лекови кои можат да ги забават цревните контракции за да се спречат дијареата и спазмите. Честопати, комбинацијата на третмани најдобро функционира за ублажување на симптомите - заклучил д-р Едвард Парендез за порталот Скрипс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Белата куќа повеќе нема да биде безбедна за Трамп“

Иранскиот пратеник Алаедин Боруџерди, член на Комитетот за национална безбедност на парламентот, изјави дека Белата куќа „веќе нема да биде безбедна“ за американскиот претседател Доналд Трамп.

„Белата куќа повеќе нема да биде безбедна за Трамп“

Боруџерди нагласи дека одмаздата за атентатот врз поранешниот врховен лидер Али Хамнеи станала „обврска“ за неговите следбеници и „сите слободни луѓе низ целиот свет“.

Тој додаде дека Трамп, израелскиот премиер Бенјамин Нетанјаху и „нивните агенти“ треба да очекуваат „слободните луѓе на светот да ја донесат раката на божествената одмазда“, додавајќи дека „ниту едно место во светот, дури ни Белата куќа, нема да биде безбедно“ за нив.

Тој исто така рече дека одмаздата станала „глобално движење“ наместо „ограничен одговор“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер