Синдикатот во М-НАВ најавува претставка до врховен и жалба до судот во стразбур откако апелација им го забрани штрајкот - Канал 5

Македонија

Синдикатот во М-НАВ најавува претставка до врховен и жалба до судот во стразбур откако апелација им го забрани штрајкот

Претставка до Врховен суд и жалба пред СЧП во Стразбур – синдикатот на контролорите на летање при М-НАВ не се откажува од битката, откако Апелација му стави „точка“ на штрајкот кој го најавуваа .

Синдикатот во М-НАВ најавува претставка до врховен и жалба до судот во стразбур откако апелација им го забрани штрајкот

Претставка до Врховен суд и жалба пред СЧП во Стразбур – синдикатот на контролорите на летање при М-НАВ не се откажува од битката, откако Апелација му стави „точка“ на штрајкот кој го најавуваа и со тоа ја потврди првостепената пресуда на Основниот граѓански суд – Скопје. Првиот човек на ССКЛ – Александар Тасевски, кој изрази сомнежи за објективноста на пресудата, вели дека истата ќе влијае и на останатите синдикални организации, забранувајќи им го Уставно загарантираното право да го дигнат својот глас. Тој оцени, дека на прв поглед станува збор за пресуда за штрајк, но последиците вели ќе бидат многу поголеми.

-Знаеме дека сме исправни и дека сме ја запазиле постапката и нема да дозволиме да бидеме задушени од страна на еден менаџмент, и од страна на еден директор, покрај што е директор во М-НАВ, истовремено е и претседател на синдикатот во Компанија, што е спротивност. Судот при документи се прави слеп дека не ги гледа и дека сите оние работи што требаше законски да ги направат се исполнети од наша страна. Сите синдикални организации во државата да знаат дека сите проблемите кои во иднина ќе ги имаат ради нашиот проблем, се поттикнати од УО на М-НАВ, кои што верувам дека на свој начин ги има добиено овие пресуди како што ги има добиено,- Александар Тасевски – Синдикат на контрола на летање при М-НАВ.

Според адвокатот на М-НАВ, со правосилноста на пресудатата прифатени се трите клучни аргументи на Компанијата, односно дека штрајкот не произлегува од заштита на правото на работен однос, бил најавен без да се испочитува законската процедура – односно без задолжително посредување, воедно и дека синдикатот нема правен легитимитет да организира штрајк, оти е синдикална подружница.

-Со ваквата пресуда се отвораат неколку прашања, но и се даваат одговори на истите прашања. Се поставува прашањето и дали претходно организираните штрајкови на ССКЛ биле законски, односно биле легални. Самата пресуда на Основниот граѓански суд Скопје, потврдена со пресудата на Апелациониот суд – Скопје го дава одговорот на тоа прашање дека и претходно организираните штрајкови на ССКЛ биле организирани, спроведени и реализирани надвор од законските прописи на Македонија,- - Горан Николоски – Адвокат на М-НАВ АД Скопје (09.06.2026).

Доколку ССКЛ сака повторно да штрајкува, треба да отвори нова постапка и да ги исполни законските услови, кои судот смета дека недостигале. Од синдикатот, кои во изминатиот период често реагираа против партиски вработувања во компанијата, недостаток на стручна анализа и лоши услови за работа, побараа од ССМ и КСС да се ангажираат за промени кои на синдикалните организации ќе им овозможат дејствување без „амин“ од гранковиот синдикат на кој припаѓаат.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Демократите за прв пат се сериозна закана за републиканците

Демократот Џејмс Таларико и републиканецот Кен Пакстон се изедначени во трката за американскиот Сенат во Тексас, покажува нова анкета, што укажува на една од најнеизвесните изборни трки во земјата.

Демократите за прв пат се сериозна закана за републиканците

Според резултатите од анкетата, спроведена од Њујорк Тајмс и Универзитетот Сиена, двајцата кандидати имаат 47 проценти поддршка од гласачите.

Анкетата е спроведена од партнерска организација која, според веб-страницата „FiveThirtyEight“, била најточна во Соединетите Држави за време на изборите во 2024 година.

Резултатот од анкетата би можел дополнително да ги зголеми надежите на демократите дека Тексас би можел да стане навистина конкурентно изборно бојно поле во ноември, и покрај долгата доминација на републиканците на изборите низ целата држава.

Новата анкета сугерира дека Таларико успеал да ја претвори трката што многумина првично ја сметаа за речиси невозможна за демократите во целосно неизвесен натпревар.

Ова ги прави претстојните избори важен тест за тоа дали демократите конечно можат да ја прекинат децениската доминација на Републиканската партија во Тексас.

Извор: Б92

Тагови: демократите републиканците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Европа погодена од топлотен бран: Температурите достигнуваат 44 степени, уривајќи историски рекорди

Во Словенија, највисокото, црвено предупредување е прогласено за југозападните, централните и југоисточните делови од земјата поради екстремна топлина.

Европа погодена од топлотен бран: Температурите достигнуваат 44 степени, уривајќи историски рекорди

Делови од источна и јужна Европа денес се соочуваат со екстремна топлина, откако таканаречената „топлотна купола“, која минатата недела донесе рекордни температури во западниот дел од континентот, се помести кон исток и предизвика опасни временски услови.

Поради високите температури, црвени временски предупредувања се на сила во Унгарија, Романија и неколку балкански земји, додека властите препорачуваат граѓаните да избегнуваат престој на отворено во најжешкиот дел од денот.

Во Словенија, највисокото, црвено предупредување е прогласено за југозападните, централните и југоисточните делови од земјата поради екстремна топлина.

Словенечката агенција за животна средина (ARSO) предупредува дека топлотното оптоварување ќе остане многу изразено барем до среда, особено во крајбрежните области, во поголемите градови и во југоисточна Словенија.

Во исто време, метеоролозите најавуваат можност за локални бури придружени со обилни врнежи од дожд и град, особено во вечерните часови.

Романија е најтешко погодена

Романија е меѓу најтешко погодените земји, со очекувани температури кои во некои делови ќе достигнат 44 степени Целзиусови. Поради екстремните временски услови, романското Министерство за образование одлучи да ги одложи испитите за државна матура.

„Ова не се услови за полагање испити. Кога надвор е 40 степени, невозможно е да се размислува“, рече жител на Букурешт.

Топлинскиот бран донесе и нови температурни рекорди во другите земји во регионот.

Унгарија предупредува на топлотен бран

Унгарските власти отворија повеќе од 2.000 климатизирани центри за ладење на граѓаните, а премиерот Петер Маѓар рече дека претстојат „двата најтешки дена од топлотниот бран“ и ги повика граѓаните да покажат солидарност и да си помагаат едни на други.

Во исто време, унгарскиот министер за енергетика одобри привремено ослободување за нуклеарната централа Пакш од прописите што ја ограничуваат температурата на водата за ладење, со цел да се спречи пад на производството на електрична енергија за време на периоди на екстремна топлина.

Балтичките земји исто така се борат со последиците од високите температури, додека Балканот се соочува со дополнителен проблем - зголемен ризик од шумски пожари.

Температурен рекорд и во Сплит

Нов температурен рекорд е забележан и во Сплит, каде што се измерени 39,5 степени Целзиусови, со што е соборен претходниот апсолутен рекорд од 38,6 степени.

Мерењата се вршат на метеоролошката станица Марјан од 1926 година.

Извор: Б92

Тагови: Европа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хорор во Египет: Девет деца загинаа кога минибус падна во канал (ВИДЕО)

Девет деца загинаа, а две беа повредени кога патнички минибус падна во канал во областа Абу Тиг во покраината Асиут во јужен Египет, соопштија денес локалните власти.

Хорор во Египет: Девет деца загинаа кога минибус падна во канал (ВИДЕО)

Возилото паднало во водата на локација околу 320 километри јужно од Каиро, во покраина позната по своите историски места, пренесува АП.

Локалните медиуми објавија дека дефект на управувачот предизвикал превртување на возилото во кое биле децата кои се враќале дома од работа на блиските фарми.

Локалниот информативен канал Каиро 24 соопшти дека децата биле на возраст меѓу 10 и 17 години.

Фотографиите објавени од канцеларијата на гувернерот покажаа десетици луѓе собрани во близина на каналот и обучени нуркачи кои го пребаруваат каналот за тела.

Гувернерот на Асиут, Мохамед Елван, им нареди на властите да спроведат безбедносни мерки, вклучително и поставување бетонски бариери по бреговите на каналот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер