Синдикатите утре на протест - бараат 600 евра минимална плата и линеарно зголемување на платите - Канал 5

Македонија

Синдикатите утре на протест - бараат 600 евра минимална плата и линеарно зголемување на платите

Со барање за 600 евра минимална плата и линеарно зголемување од 100 евра на сите останати плати, ССМ утре организира протест под мотото „Денот кога зборуваат работниците“.

Синдикатите утре на протест - бараат 600 евра минимална плата и линеарно зголемување на платите

Збирното место ќе биде пред работничкиот дом во 17 часот, по што, протестот ќе продолжи пред Собранието и Стопанската комора, се до Владата.

Првиот човек на синдикатот Слободан Трендафилов повика на масовност, зашто како што посочи, 200.000 граѓани земаат плата под 30.000 денари, која не стасува да се врзе крај со крај.

Тој воедно најави и јавно објавување на работодавачите што вршеле притисоци да не се присуствува на протестот, но и продолжување на блокадите и можен генерален штрајк доколку нема одговор на нивните барања.

- Облечете се топло, ставете капа, шал и дојдете на улица во мракот со работниците за да не ве препознае никој доколку ви се заканува. Ве молам да разберете дека другите не бројат и дека другите сметаат дека ако не дојдете им давате огромна подршка да не ви ја зголемат платата и дека вие добро живеете и дека вие зборувате само за убави работи, но реалноста е друга, не ги симнаа розовите наочари и затоа се гледаме на улица,- Слободан Трендафилов – претседател на ССМ.

Од Бизнис-конфедерацијата сметаат дека приватниот сектор не може да издржи зголемување на платите за 100 евра без олеснувања на придонесите. Според претседателот на конфедерацијата Миле Бошков, секое зголемување над законското усогласување би било тежок удар за стопанството и предлага евентуалното покачување од 6.000 денари, да биде ослободено од социјални придонеси во сите сектори.

-Очекуваме и размслуваме дека треба да биде олеснето, не да биде субвенционирано, туку олеснето за социјалните придонеси. И тоа може да го направиме заедно со Владата доколку се одвојат средства, односно доколку се испланира дека тие средства може да се наплатат за период од 1 година, таков би ни бил и предлогот,- Миле Бошков – претседател на Бизнис – конфедерација.

Прашан за утрешниот протест, премиерот Христијан Мицкоски вели дека секој има такво демократско право. Тој нагласи дека ќе биде подржано секое решение помеѓу синдикатите и работодавците, постигнато со двепартитен дијалог.

YouTube video

Тагови: минимална плата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ја нападна одлуката на Конгресот за ограничени овластувања против Иран: Не сте патриоти

Американскиот претседател Доналд Трамп остро ја нападна резолуцијата на Претставничкиот дом со која се бара ограничување на неговите овластувања за започнување воена акција против Иран, нарекувајќи го гласањето „бесмислено“, а потегот „непатриотски“.

Трамп ја нападна одлуката на Конгресот за ограничени овластувања против Иран: Не сте патриоти

Резолуцијата, усвоена од Претставничкиот дом, контролиран од републиканците, ја ограничува можноста на Трамп да започне понатамошни напади врз Иран, освен ако Конгресот не објави војна или формално не одобри употреба на воена сила.

Трамп: Непатриотски потег среде преговорите

Во објава на социјалната мрежа Truth Social, Трамп рече: „Вчера Претставничкиот дом гласаше со бесмислено гласање за ограничување на моите воени овластувања, а четворица лоши републиканци и сите „глупави и поглупави“ гласаа за тоа.

И ова во средината на моите последни преговори за завршување на војната со Исламската Република Иран“. „Кој би направил нешто толку непатриотско? Тие знаат каде се преговорите“, додаде тој. Тој ги обвини своите политички ривали дека дејствуваат од лична нетрпеливост.

„Демократите се водени од синдромот на Трампово растројство. Тие би сакале нашата земја да пропадне отколку јас да забележам уште една победа, од многуте“, тврдеше тој, осврнувајќи се на своите сопартијци кои гласаа против него: „Четирите републиканци, тоа е сосема друга приказна - тие бараат внимание! Треба да се засрамат. МАГА!!!“

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Словенија доби нова влада, по четврти пат Јанша е премиер

Словенечкиот парламент на вонредна седница го потврди министерскиот тим на премиерот Јанез Јанша, со што ја избра новата словенечка влада.

Словенија доби нова влада, по четврти пат Јанша е премиер

Дебатата, која започна во 9 часот наутро, требаше да трае осум часа.

Сепак, на самиот почеток на седницата се случи пресврт: движењето Свобода побара претседателот на Парламентот Зоран Стевановиќ да се извини, што тој го одби. После тоа, седницата беше накратко прекината, објавува 24ur.com.

Од присутните 79 пратеници, 49 гласаа „за“, а 30 „против“, објавува Дело.

Новиот владин тим, предложен од лидерот на Словенечката демократска партија (СДС) Јанез Јанша, вклучува 15 министри. Меѓу коалициските партнери, најмногу министерски позиции, седум, доби СДС, четири Нова Словенија (НСи), три Демократите, една Фокус, додека Словенечката народна партија (СЛС) остана без својот министерски кандидат.

На првата седница на владата се очекуваат и првите потези на новата извршна власт. Судејќи според практиката од претходните години, може да се очекува дека на седницата ќе се случат и одредени кадровски промени, на пример на позицијата директор на Словенечката разузнавачка и безбедносна агенција (СОВА), на владината служба за комуникации, а можеби и на директорот на полицијата. Се очекува Јанез Стушек да се врати на чело на СОВА, додека Себастјан Јеретич ќе ја преземе владината комуникација. Според медиумските извештаи, Дамир Иванчиќ се споменува како наследник на Дамјан Петрич на врвот на полицијата.

Тагови: Јанез Јанша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата денес, на колегиум, постапувајќи согласно своите надлежности утврдени со Законот за спречување на корупцијата и судирот на интереси, по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Предметот е отворен поради потребата од проверка на наводите изнесени во јавноста и медиумите, како и согледување на евентуални ризици од корупција, судир на интереси, злоупотреба на службена положба или други неправилности во работењето, во рамките на надлежностите на ДКСК.

ДКСК ќе ги преземе сите потребни дејствија за прибирање и анализа на релевантната документација и информации од надлежните институции, со цел утврдување на фактичката состојба.

За понатамошниот тек на постапувањето, јавноста ќе биде навремено информирана.

Државна комисија за спречување на корупцијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер