Синдикалната кошничка за месец јуни изнесува 68 654 денари, најголема е ставката за трошоците за храна - Канал 5

Економија

Синдикалната кошничка за месец јуни изнесува 68 654 денари, најголема е ставката за трошоците за храна

Синдикалната кошничка за јуни изнесува 68 654,00 денари..Трошоците за храната се најголема ставка, што според Синдикатот ја отвора итноста на мерки за заштита на стандардот.. 

Синдикалната кошничка за месец јуни изнесува 68 654 денари, најголема е ставката за трошоците за храна

На едно четиричлено семејство му се потребни 68 654 денари за да ги покрие основните трошоци ако не живее под кирија. Ова го покажуваат најновите податоци од синдикалната минимални кошничка која се пресметува од ССМ секој месец. Иако во овој период има пад на сезонското овошје и зеленчук сепак трошоците за храна и нааму се најголемата ставка само за која се троши една просечна плата додека за да се поркирјат сите трошоци не стигаат ниту две и пол просечни плати. Овие показатели според синдикатот покажуваат дека народот осиромашува и укажуваат дека е потребен итен состанок на социо економскиот совет за да се преземат мерки за задржвање на стандардот на граѓаните

Од друга страна и владата за 10 до 15 јули ја најавува својата пресметка на трошоците за живот кои според министерството за економија не се прават за да бидат пандан на синдикалната кошничка туку за да се добијат реални показатели за идните политики и мерки кои би ги носела владата.

„Таа едноставно ќе биде врз база на релевантни показатели, не само од Државниот завод за статистика, туку и од сите други институции во државата – од маркетите, пазарите… Таа ќе ни биде потребна кога имаме економски кризи или одредени економски политики, да ни дава насоки во креирање нови законски решенија, економски стратегии, одлуки“, истакна заменик-министерот Ристески.

Синдикалната кошничка се изработува од 2010 година кога изнесуваше 29 199 денари и во која влегуваа седум групи на производи. Од 2023 година таа е проширена на 11 групи на производи. Ако се спореди пресметката според новиот модел само за последните три години трошоците за живот се пораснати за 14% односно за 8 329 денари.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Иран побара продолжување на преговорите и се согласивме, но примирјето заврши

Американскиот претседател Доналд Трамп изјави дека САД се согласиле да продолжат со разговорите со Иран, но повтори дека Вашингтон јасно му ставил до знаење на Техеран дека прекинот на огнот повеќе не е на сила.

Трамп: Иран побара продолжување на преговорите и се согласивме, но примирјето заврши

„Исламската Република Иран побара да продолжи со разговорите. Ние се согласивме со тоа“, напиша Трамп на мрежата Truth Social.

„Но, САД им ставија до знаење дека прекинот на огнот е завршен“, додаде американскиот претседател.

Дипломат: Катарските преговарачи патуваат во Иран

САД извршија повеќекратни напади врз Иран оваа недела откако Техеран нападна неколку бродови во Ормутскиот теснец. Сепак, Трамп не нареди нови воени напади синоќа.

Дипломат изјави за CNN дека катарските преговарачи, во координација со САД, отпатуваа во Иран за да се сретнат со тамошните функционери.

Американски функционер претходно изјави за CNN дека стратегијата на администрацијата на Трамп е да изврши воени напади, а потоа привремено да ги запре операциите за да избегне понатамошна ескалација на конфликтот и да остави простор за продолжување на дипломатијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците објавија нови досиеја за вонземјани, има и снимки (ВИДЕО)

Министерството за одбрана на САД денес го објави четвртиот пакет декласифицирани записи за неидентификувани аномални феномени, или UAP, попознати во јавноста како НЛО или вонземјани. 

Американците објавија нови досиеја за вонземјани, има и снимки (ВИДЕО)

Новиот пакет беше објавен како дел од системот PURSUE, иницијативата на САД за објавување на владини записи за средби со неидентификувани феномени.

На официјалната веб-страница се наведува дека четвртиот пакет е објавен на 10 јули 2026 година, додека првиот пакет е објавен на 8 мај. Во новото издание се достапни пакет документи од 227 мегабајти и пакет видео од 1,4 гигабајти.

Што е објавено?

Меѓу материјалите истакнати во најновото соопштение се декласифицирани документи, фотографии, скици и инфрацрвени видео снимки. Страницата, меѓу другото, прикажува декласифицирано тајно мотивационо писмо од Комисијата за атомска енергија на САД од 22 март 1949 година, кое се однесува на конференција за воздушни феномени.

Исто така, објавена е страница од декласифициран документ со рачно нацртана скица на цилиндричен објект, означена како „Сл. 8“, како и црно-бела фотографија од голем прототип на авион со делта крила, означена како класифицирана.

Слики од инфрацрвени снимки

Публикацијата, исто така, вклучува слики од инфрацрвени видео снимки. Едната покажува контрастна област што личи на шесткрака ѕвезда, друга контрастна област над облаците, трета две контрастни области до елементите за прикажување на сензорската платформа и четврта контрастна област над површината на водата.

Меѓу објавените материјали се три фотографии од неидентификуван објект во ниска Земјина орбита, направени од вселенскиот шатл Колумбија во 1996 година.

На страницата се појавува и запис означен како PR-011, кој се однесува на случај од Европа од 2021 година. Според претходно објавениот опис на AARO, станува збор за инфрацрвено снимање од две минути и осум секунди од американска воена платформа. Сликата покажува контрастна област што сугерира присуство на физички објект, а анализата на неговите карактеристики сè уште е во тек.

Пентагон: Ова се нерешени случаи

Пентагон вели дека нерешените случаи се објавуваат во архивата, што значи дека американската влада не може да донесе конечен заклучок за природата на набљудуваните феномени. Меѓу другото, недостатокот на податоци се наведува како можна причина.

Во соопштението за медиумите се наведува дека новите материјали ќе бидат објавени постепено, како што ќе бидат пронајдени, прегледани, декласифицирани и подготвени за јавно објавување.

Министерот за одбрана на САД, Пит Хегсет, рече дека објавувањето на документите ја покажува посветеноста на администрацијата на Трамп кон транспарентност во врска со разбирањето на владата за неидентификувани аномални феномени.

„Овие досиеја, скриени зад класифицирани информации, долго време поттикнуваат легитимни шпекулации и време е американскиот народ самиот да ги види“, рече Хегсет.

Тагови: вонземјани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Насилство низ Европа по натпреварот меѓу Мароко и Франција- полицајци спасуваат жива глава (ВИДЕО)

Фудбалската репрезентација на Франција го победи Мароко со 2:0 во четвртфиналето на Светското првенство. 

Насилство низ Европа по натпреварот меѓу Мароко и Франција- полицајци спасуваат жива глава (ВИДЕО)

Французите славеа со головите на Килијан Мбапе и Усман Дембеле. Во полуфиналето, Франција го чека подобриот од Шпанија и Белгија, кои ќе играат вечерва во 21:00 часот.

По победата на Франција, низ цела Европа избувнаа немири, главно предизвикани од Мароканци. Беше многу интензивно во Лондон, каде што полицајци беа снимени како бегаат од група демонстранти во претежно муслиманска населба. Еден полицаец беше повреден. Некој го удрил со шише во главата.

Демонстрантите, исто така, се побунија во Париз, каде што беа измешани навивачи на Франција и Мароко. Ова видео покажува како тие нападнаа полициско возило. Француската влада мобилизираше 20 илјади полицајци низ целата земја, од кои осум илјади само во Париз.

Напади врз полицајци низ Европа

Странските медиуми известуваат за немирите во холандските градови Амстердам, Ротердам, Хаг и германскиот Дизелдорф. Во Хаг, навивачите на Мароко фрлаа стаклени шишиња кон полицијата, а Амстердам објави дека се уапсени најмалку осум лица. Во Диселдорф, тројца полицајци беа повредени од пиротехнички средства фрлени кон нив од страна на мароканските навивачи.

Тагови: полицајци Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер