Симптоми што укажуваат на болест на црниот дроб - Канал 5

Забава

Симптоми што укажуваат на болест на црниот дроб

 Обрнете внимание на своето лице, оваа промена е алармантна!

Симптоми што укажуваат на болест на црниот дроб

Првата трансплантација на црн дроб од починат донор во нашата земја беше изведена во ноември 2022 г. на Клиниката за дигестивна хирургија.

Црниот дроб е вториот орган по големина, после кожата. Се наоѓа на десната страна под градите од каде што врши важна функција во човечкото тело. Имено, главната улога на црниот дроб е прочистување на крвта од токсини. Следно, апсорпција на хранливите материи неопходни за нормално функционирање, излачување на жолчните киселини кои се неопходни за варење, како и одржување на постојан проток и притисок на крвта. Црниот дроб го штити нашето тело од инфекции, и тој е еден од најважните органи во телото.

Секоја година во светот заболуваат најмалку 87.000 лица од карцином на црниот дроб, па раното откривање на оваа болест и нејзина превенција е од клучно значење.

Според официјалните податоци, досега во Македонија се направени три трансплантации на црн дроб, а за лечење на оваа болест во Европа се издвојуваат околу 4 милијарди евра, од кои 1,7 милијарди одат за директни трошоци.

Затоа, многу е важно да се препознаат раните симптоми на оваа болест особено ако е позната важноста на овој орган за нормално функционирање на целиот организам.

Предупредувања за развој на болеста на црниот дроб:

-Пожолтување на кожата или очите

Едно од предупредувањата за развој на болест кај црниот дроб е пожолтувањето на кожата или белките на очите, познато како жолтица. Оваа состојба укажува на дисфункција во процесот на создавање на жолчната киселина.

Болка во горниот десен дел на стомакот

Болката во горниот десен дел на стомакот може да биде знак за акутен напад или влошување на хроничната состојба на црниот дроб. Воспаление и растегнување на капсулата на црниот дроб може да ја предизвикаат оваа болка, која може да биде незгодна бидејќи истиот симптом може да биде предизвикан и од болест на жолчното кесе или камења во жолчката.

Замор и поспаност

Натрупувањето на токсичните нуспроизводи од оштетувањето на црниот дроб може да предизвика замор и поспаност. Кога отпадните материи не се метаболизираат и не се отстрануваат правилно, амонијакот може да се акумулира во крвотокот, што резултира со замор, поспаност и конфузија.

Овие предупредувања се важни за да се препознаат потенцијалните проблеми со црниот дроб. Ако забележите некој од горенаведените симптоми, важно е да побарате лекарска помош за да ја утврдите причината и да започнете со соодветен третман. Заболувањето на црниот дроб може да има сериозни последици, така што раното препознавање на симптомите е клучно за ефикасно лечење.

Некои од причините за заболување на црниот дроб вклучуваат:

- Акумулирање на масти во црниот дроб - неалкохолна болест на црниот дроб („замастен црн дроб“)

- Инфекции. Паразитите и вирусите можат да го заразат црниот дроб, предизвикувајќи воспаление што ја намалува неговата функција. Вирусите кои предизвикуваат оштетување на црниот дроб може да се шират преку крв или семена течност, контаминирана храна или вода или близок контакт со заразено лице. Најчести типови на инфекции на црниот дроб се вирусите на хепатитис, вклучувајќи: Хепатитис А, Б и Ц

- Заболување на црниот дроб предизвикано од хронична злоупотреба на алкохол

- Токсичен ефект на лекови, хербални лекови

- Наследни („вродени“) абнормалности на црниот дроб. Абнормален ген наследен од едниот или двајцата родители може да предизвика акумулација на различни супстанции во вашиот црн дроб, што доведува до негово оштетување. Генетските заболувања на црниот дроб вклучуваат: акумулирање на железо (хемохроматоза) и бакар (Вилсонова болест) во телото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Златко Далиќ си заминува од Хрватска: Веќе се појави името на новиот селектор

На денот кога хрватската репрезентација ќе се врати од Светското првенство, сосема е извесно дека Златко Далиќ ќе ја напушти селекторската позиција. 

Златко Далиќ си заминува од Хрватска: Веќе се појави името на новиот селектор

Најголем фаворит да го наследи е Славен Билиќ, објави порталот „24sata.hr“. Легендарниот хрватски дефанзивец, кој како играч освои бронзен медал на Светското првенство во 1998 година, веќе ги има предводено „Коцкестите“.

Во 2006 година, тој во првиот тим ги вклучи Лука Модриќ, Ведран Чорлука и Едуардо, со кои претходно соработуваше во младата селекција до 21 година.

Квалитетот, искуството и карактерот се издвојуваат како најголеми одлики на Билиќ, па се смета дека тој го поседува „целосниот пакет“ за да го преземе тимот што беше светски вицешампион во 2018 година и освојувач на бронза во Катар во 2022 година.

„Не помалку важно е тоа што Билиќ ја има поддршката од претседателот на Хрватскиот фудбалски сојуз, Маријан Кустиќ, и од директорот на репрезентацијата, Стипе Плетикоса“, се наведува во текстот.

Под водство на Билиќ, Хрватска двапати ја победи Англија во квалификациите на патот до ЕУРО 2008, а драматично загуби во продолжението од Турција на завршниот турнир.

Тој ја водеше репрезентацијата шест години, а потоа беше тренер на Локомотив Москва, Бешикташ, Вест Хем, каде што беше и играч и успешен менаџер, бидејќи го освои седмото место во Премиер лигата, победувајќи ги Ливерпул и Манчестер Сити.

Во претходните години, Билиќ се занимаваше и со новинарство и ја водеше популарната емисија „Неуспехот на шампионите“, во која ги беше домаќин на најголемите спортисти од регионот, пред сè Новак Ѓоковиќ, Златан Ибраховиќ, Жељко Обрадовиќ и Лука Модриќ.

Тагови: Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ивана Крол во „вратоврска и боди повторно ги „запали“ трибините,

На Светското првенство, најпознатата хрватска навивачка Ивана Кнол ги запали трибините со својот атрактивен изглед и минијатурна вратоврска. 

Фото: Ивана Крол во „вратоврска и боди повторно ги „запали“ трибините,

Хрватската фудбалска репрезентација со години ниже големи успеси, а на трибините секогаш ја следи најпознатата навивачка Ивана Кнол, која „освојуваше“ со својот стајлинг- вратоврска над намачканите бујни гради.

Но, вчера атрактивната Ивана не успеа да им помогне на своите соработници на зелениот терен да остварат успех во контроверзниот дуел во Португалија.

Хрватите доживеаја елиминација уште во осминафиналето на Светското првенство во САД, Мексико и Канада – и тоа на крајно болен начин – а на тој натпревар присуствуваше Ивана Кнол.

Фоторепортерите ја следеа уште од моментот кога пристигна на стадионот во Торонто, неколку часа пред почетокот на натпреварот, а таа, како и секогаш, со задоволство позираше пред нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џастин Бибер би можел да настапи на шоуто за време на полувремето на финалето на Светското првенство

Мегапопуларниот пејач Џастин Бибер би можел да настапи на полувремето од финалето на Светското првенство, преговорите меѓу претставниците на ФИФА и пејачот се во тек, објави денес TMZ. 

Џастин Бибер би можел да настапи на шоуто за време на полувремето на финалето на Светското првенство

Бибер би се придружил на низата ѕвезди кои учествуваат во големото финале на стадионот „МетЛајф“ во Њу Џерси на 19 јули, вклучувајќи ги Мадона, Шакира и поп-групата BTS.

Џастин и Хејли Бибер, исто така, беа во центарот на вниманието на церемонијата на отворањето на Светското првенство во Инглвуд, Калифорнија, каде што пејачот дури и ги изненади ВИП гостите со изведба зад сцената на неговиот хит „Јукон“.

Потенцијалното појавување на Бибер на финалето на Светското првенство следи по неговото неодамнешно враќање на настапите во живо по четиригодишна пауза направена за да се фокусира на неговото здравје, објави TMZ.

Се очекува спектаклот на финалето на Светското првенство да се продолжи надвор од стандардниот интервал од 15 минути на полувремето и да го поддржи Глобалниот фонд за граѓанско образование на ФИФА - иницијатива чија цел е да се соберат 100 милиони долари за образование и пристап до фудбал за децата ширум светот, објави Танјуг.

Тагови: Џастин Бибер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер