Здравје

Симптом на Паркинсонова болест што се појавува пред треморот на раката!

Паркинсоновата болест (Паркинсонизам) се јавува кога мозочните клетки кои произведуваат допамин, супстанца одговорна за движење на мускулите и одредени емоционални реакции, престануваат да функционираат или умираат.

Овој процес најчесто доведува до симптоми како што се тремор, вкочанетост на мускулите, побавно движење или проблеми со говорот. Оваа болест го нарушува системот во мозокот одговорен за движење и координација и напредува со текот на времето, а симптомите се влошуваат. Причината за оваа болест е непозната и сè уште нема лек за неа.

- Не умираш од оваа болест, туку умираш со неа. Не може да се излечи, но може да се залечи - велат оние што боледуваат од Паркинсонова болест.

Додека треморот и бавното движење се главните знаци на болеста, научниците открија симптом кој може да се појави многу порано пред дијагнозата на болеста. Научниците откриле поврзаност помеѓу генот за Паркинсонова болест и проблемите со гласот, што доведува до „мек монотон глас“. Овие симптоми често се појавуваат многу порано, понекогаш и децении порано пред да се појават проблемите со движењето. Ова го покажала студијата спроведена врз птици песнопојки, а ја спровел научникот Џули И. Милер, доцент на Универзитетот во Аризона.

What I took from this is you infected a being with the Parkinsons gene = cruel
Also tells me that people can be purposely infected https://t.co/NdXIbwhgsr
— Bantz (@Bantz13401243) May 11, 2023

-Со проучување на птиците ѕвингалки, чијшто мозок вклучува говор и е организиран слично како кај луѓето, научниците откриле дека генот влијае врз создавањето на песната. Птиците што го примиле генот пееле помалку после два-три месеци. Нивните вокализации биле помеки и пократки. Наодите биле слични како кај лицата со Паркинсоновата болест – се наведува во студијата, а пренесува Дејли рекорд.

Ова истражување е поддржано од неодамнешното истражување кое развило автоматизиран скрининг метод кој може да направи разлика помеѓу гласовите на пациентите со Паркинсонова болест и здравите поединци. Научниците од здравствениот центар „Провиденс Сент Џонс“ во Санта Моника, Калифорнија, откриле дека нивниот модел ги препознава гласовите на пациентите со Паркинсонова болест со точност од 80 до 90 %.

Американското здружение за Паркинсонова болест (АПДА) наведува дека постојат 4 примарни моторни симптоми на оваа состојба, од кои еден е брадикинезија (бавно движење). Навлегувајќи во брадикинезија, овој вообичаен симптом на Паркинсоновата болест може да влијае на начинот на кој звучи една личност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го нарече Ормускиот теснец американска територија

Американскиот претседател Доналд Трамп го нарече Ормускиот теснец американска територија, додека САД продолжуваат со воената блокада на иранските пристаништа и поморскиот сообраќај.

Обраќајќи се пред собир во Јужна Каролина во рамки на кампањата за сенаторката Дарлин Греам, која се кандидира за местото на нејзиниот покоен брат Линдзи Греам, Трамп изјави дека теснецот во моментов го гледа како американска територија и додаде дека сè уште не знаат дали победиле. Во текот на говорот, тој се пошегува и околу нападите врз Иран, велејќи дека е петок навечер и дека имаат многу време.

Американската централна команда соопшти на социјалните мрежи дека воените сили досега пренасочиле 68 комерцијални бродови со цел почитување на блокадата. Администрацијата на Трамп врши финансиски притисок врз Иран преку ограничување на пристапот до водниот пат кој граничи со Иран и Оман и низ кој вообичаено минува околу една петтина од светската нафта што се пренесува по морски пат.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претреси на повеќе локации на подрачјето на СВР Битола, пронајдени дрога, оружје и муниција

Лишени од слобода пет лица.

На 21.08.2026 во 15:35 часот, полициски службеници од СВР Битола го лишија од слобода А.Д.(20) од с.Долно Оризари, битолско.. При претрес во неговиот дом, извршен со наредба од Основен суд Битола била пронајдена марихуана.

На 21.08.2026 во 15:35 часот во с.Брезница, општина Македонски Брод, полициски службеницни од ОВР Македонски Брод го лишија од слобода Б.М.(46) од с.Брезница. При претрес во неговиот дом, извршен со наредба од Основен суд Кичево биле пронајдени куршуми.

На 21.08.2026 во 10:35 часот во с.Евла, ресенско, полициски службеници од ОВР Ресен го лишија од слобода П.Т.(55) од Ресен. При претреси во неговиот дом во Ресен и во с.Евла, извршени со судска наредба, биле пронајдени 28 куршуми, испукани чаури и ловечка пушка .

На 21.08.2026 во с.Светомитрани, крушевско, со судска наредба, полициски службеници од ОВР Крушево извршија претрес во домот на К.Т.(38) од с.Светомитрани, при што биле пронајдени и одземени ловечка пушка, ловечки патрони, пиштол и две рамки за пиштол.

На 21.08.2026 во Крушево, полициски службеници од ОВР Крушево, со судска наредба извршија претрес во домот на ВН.(48) од Крушево, при што била пронајдена и одземена ловечка пушка.

По целосно расчистување и документирање на случаите, против лицат ќе бидат поднесени соодветни кривични пријави.

Тагови: СВР Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Пет награди за македонските филмови на Сараево филм фестивал

Македонската кинематографија забележа значаен успех на 32. издание на Сараевскиот филмски фестивал, на кој два македонски филма освоија вкупно пет награди.

Филмот „17“ во режија на Косара Митиќ освои четири признанија – Митиќ ја доби специјалната награда за промоција на родовата рамноправност, наградата за најдобра актерка ѝ припадна на Ева Костиќ за одличната изведба на улогата на Сара – нејзина прва улога на филм, а филмот ги доби и наградата на „Синеуропа“ и наградата од публиката.

Успех оствари и филмот „Скејтбордингот не е за девојчиња“ на режисерката Дина Дума, кој ја освои специјалната награда „Младински перспективи“.

Од Агенцијата за филм истакнаа дека петте признанија уште еднаш ги потврдуваат квалитетот, авторската сила и меѓународниот потенцијал на современата македонска кинематографија, како и значењето на континуираната поддршка за развојот и меѓународната видливост на македонскиот филм.

Тагови: Сараево филм фестивал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.