Сиљановска-Давкова се обрати на свеченоста по повод заклетвата на 29. класа на питомци и слушатели на Воената академија „Генерал Михаило Апостолски - Канал 5

Македонија

Сиљановска-Давкова се обрати на свеченоста по повод заклетвата на 29. класа на питомци и слушатели на Воената академија „Генерал Михаило Апостолски

​Претседателката Гордана Сиљановска-Давкова се обрати на свечената заклетва на питомците од 29. класа и слушателите на Курсот за офицери и штабни службеници на Воената академија „Генерал Михајло Апостолски“.

Сиљановска-Давкова се обрати на свеченоста по повод заклетвата на 29. класа на питомци и слушатели на Воената академија „Генерал Михаило Апостолски

Таа истакна дека со денешниот чин младите питомци стануваат чувари и гаранти на македонската слобода, сигурност и безбедност. За неа, заклетвата е не само збир на патриотски зборови, туку и израз на решеност, истрајност, одлучност и верност.

Во своето обраќање, претседателката се осврна на современите безбедносни предизвици, нагласувајќи дека идните офицери, како дел од македонската, но и од НАТО-армијата, имаат обврска да ги негуваат највисоките професионални и морални стандарди во справувањето со сите видови закани: традиционални, асиметрични и хибридни.

Сиљановска-Давкова потсети дека униформата е симбол на одговорност и доверба, додавајќи дека да се биде дел од македонската армија е посебна привилегија што обврзува на чесна и посветена служба и порарвен

Според неа, Воената академија е водечка образовна институција од областа на одбраната, а ликот и делото на генерал Михаило Апостолски се симбол на знаење, скромност, храброст и посветеност, извонредност.

На претседателката и беше врачена плакета во знак на признание за нејзината посветеност во развојот и афирмацијата на Воената академија.

Во продолжение е интегралниот текст од обраќање на претседателката Гордана Сиљановска-Давкова.

Почитувани припадници на Армијата,

Почитуван Министер за одбрана,

Почитуван Началник на Генералштабот,

Почитуван заменик-началник на Генералштабот,

Почитувани питомци и слушатели на Воената академија „Генерал Михаило

Апостолски“,

Почитуван Ректор на Универзитетот „Гоце Делчев“,

Почитуван Декане,

Почитувани претставници на дипломатскиот кор,

Почитувани претставници на НАТО,

Почитувани родители,

Денешниов ден е голем за вас и свечен за сите: за вас, младите питомци и слушатели на курсот за офицери, македонски бранителки и бранители, во служба на слободата и независноста на татковината, но и на правото, правдата и мирот, во регионот, во Европа но и пошироко.

Вие, преку свечената заклетва влегувате во големото и сплотено армиско семејство, ветувајќи пред сите дека совесно, одговорно и бескомпромисно ќе ги браните македонските уставно загарантирани: самостојност и независност, сувереност и територијален интегритет!

Знам дека и за вас, како и за мене, заклетвата не е само одбран збир на патриотски зборови, туку цврст израз на решеност, истрајност, одлучност и верност.

Денеска, пред вашите најблиски и најсакани, но и пред учителите и колегите: содружници во добро и во лошо, вашата генерација, гордо исправена пред знамето, станува заколнат чувар и гарант на македонската слобода, сигурност и безбедност.

Од денес, униформата ве открива како едуцирани и квалификувани дипломци.

Знам дека доаѓате од различни географски простори, дека потекнувате од различен социјален амбиент, дека имате различна етничка, верска, јазична и друга припадност. Но, сиве овие белези, во моментот се ирелевантни, не само за вас, туку и за мене, оти јас во вас гледам внимателно построени питомци на кои, како врховна командантка на Армијата сум особено горда, им верувам и ги охрабрувам на патот што го одбрале.

Почитувани питомци,

Почитувани присутни,

Стапувате во редовите на армијата кога сте најпотребни, во време-невреме на растечки непријателства и тензии, разгорени воени конфликти, длабоки геополитички бранувања и промени.

Како идни офицери на македонската, но и на НАТО-армијата, од вас се очекува да почитувате и да практикувате највисоки професионални и морални стандарди во справувањето со сите видови закани: традиционални, но и асиметрични и хибридни, во различен простор: физички и сајбер. Но, не смеете да ги занемарите или да ги заборавите етичките и моралните вредности, ако сакате да останете луѓе и да бидете личности.

Во животот и во работата, не заборавајте го името на вашата образовна и професионална институција ̶ Воената академија „Генерал Михаило Апостолски“, оти таа персонифицира знаење и извонредност на личност ‒ доктор на историски науки, од една страна, но и личност за која се врзуваат скромноста, едноставноста, храброста, вештината и посветеноста, од друга страна. Генералот е еден од стратезите на доктрината на автохтоната и автентична антифашистичка народноослободителна борба, водена и извојувана со сопствени сили, меѓу кои доминираа младите како вас, коишто се бореа за идеали. Михаило е легендарниот командант на Македонско-косовската ударна бригада, во чиишто подвизи учествуваше и мојот татко, како нејзин млад, но посветен припадник. Ордените за храброст го покажуваат тоа. Ви го посакувам истото.

Тука, на ова место, во вашиот втор дом, се образуваа и обучуваа сегашните, вашите воени старешини и ќе се образуваат и обучуваат идните воени старешини на македонската армија, вклучувајќи и некои од вас. А, верувам дека и вие може да образувате други, еден ден, ако верувате, како мене, дека знаењето е огромна моќ!

Веројатно сте забележале дека при секоја смотра, не случајно, со гордост ја употребувам синтагмата „почитувани војници и офицери“! Значи, не изговарам фраза, туку изразувам должно и заслужено внимание.

Добро е што академијата е отворена не само за домашните апликанти, туку и за питомците на НАТО и на партнерските држави. За мене, регионалното разбирање и соработка се важни претпоставки на регионалниот развој, но и на регионалната стабилност. Споделувањето знаења, вештини и искуства, ја подобрува колективната одбрана и безбедност, а усогласената надворешна и безбедносна политика со ЕУ го зајакнува европскиот и нашиот имунитет!

Почитувани,

Важниот јубилеј е потврда на децениската традиција на извонредност на Академијата и продолжувањето на мисијата на Академијата да биде темелна институција на одбранбеното образование во регионот, но и пошироко.

Почитуван Декане, почитувани професори, почитувани студенти, припадници на Воената академија, ви честитам на заслугите за тоа.

Почитувани идни офицери,

Вашата улога е клучна за колективната безбедност и одбрана: преку учеството во важни мировни мисии, воени вежби и цврсти партнерства со стратешките партнери и сојузниците.

Тоа ме прави горда на вас и среќна што сум со вас. Тоа ги прави вашите семејства, вашите пријатели, но и сите наши сограѓани, горди на вас, без оглед од каде доаѓате или на кој етнос и вера им припаѓате.

Заклетвата којашто денес ја полагате не е само обврска кон државата, туку обврска кон вас или кон сите нас: вие гласно ветувате дека ќе ѝ се спротивставувате на неправдата, ќе ја браните вистината, чесно ќе ја носите униформата секаде и секогаш!

На крајот, почитувани присутни, почитувани питомци, почитувани офицери, подофицери, особено родители, уште еднаш, ви благодарам за тешкиот, но инспиративен и почитуван пат по којшто тргнавте! Покрај вас сум.

Ви благодарам.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Три години штедел за да си купи скутер- влегол во продавницата со вреќа монети, продавачите ги броеле со часови (ВИДЕО)

Невообичаена приказна за трпение и упорност доаѓа од индиската држава Телангана, каде што 51-годишниот Б. Рави Џозеф успеал да ја оствари својата желба .

Три години штедел за да си купи скутер- влегол во продавницата со вреќа монети, продавачите ги броеле со часови (ВИДЕО)

Невообичаена приказна за трпение и упорност доаѓа од индиската држава Телангана, каде што 51-годишниот Б. Рави Џозеф успеал да ја оствари својата желба на прилично необичен начин - купил нова Хонда Актива со пари што ги штедел исклучиво во монети три години.

Џозеф, кој работи како пастор во црква, живее во округот Манчеријал. Почнал да штеди на 10 октомври 2023 година, кога решил дека секој пат кога ќе добие кусур во монети од 10 рупии (околу девет евро центи), ќе ги штеди.

Не секогаш имал поддршка

Па, малку по малку, за време на неговите дневни патувања до продавницата и други активности, успеал да собере 123.000 рупии, или околу 1.158 евра.

„Во текот на изминатите три години, од парите што ги трошев, вклучувајќи купување намирници и други трошоци, каде и да одев, успеав да издвојам нешто. Така штедев“, рече тој.

Сепак, неговиот план не секогаш наидувал на поддршка. Во еден момент се појавија гласини дека монетата од 10 рупии може да биде повлечена од оптек или да го изгуби статусот на законско средство за плаќање.

Поради ова, некои членови на неговото семејство почнаа да го одвраќаат од понатамошно собирање пари.

На почетокот, тие самите беа скептични во врска со необичниот начин на штедење, но со текот на времето ја прифатија идејата и го поддржаа во остварувањето на својата цел, објавува Индија Тудеј.

Тој имаше и поскапа желба

Џозеф првично размислуваше да ги искористи заштедите за да купи нешто корисно за домаќинството, но подоцна се предомисли и реши да ги инвестира парите во ново превозно средство. Неговиот претходен мотоцикл почна да се расипува и повеќе не работеше правилно, па затоа одлучи дека е време да го замени.

Тој исто така призна дека има уште една, многу поскапа желба - би сакал да може да купи мотоцикл Royal Enfield Bullet, но неговите финансиски можности не му го дозволуваа тоа.

Кога конечно одлучи да купи Honda Activa, се соочи со уште еден предизвик - да најде продавница што ќе ја прифати целата сума во монети.

Според менаџерот на салонот во Луксетипет, Џозеф прво се обратил кај продавачот 15 дена пред купувањето за да провери дали е можно да го плати скутерот исклучиво со монети од 10 рупии.

Вработените се согласиле да ја прифатат понудата, а потоа Џозеф се појавил во салонот со парите што внимателно ги штедел три години и го зел скутерот.

Тагови: монети скутер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Наставничка призна вина, откако роди дете чиј татко е нејзин 13 – годишен ученик (ВИДЕО)

Сега веќе поранешна наставничка за петто одделение се изјасни за виновна во Њу Џерси откако роди дете за кое обвинителите велат дека било зачнато од ученик кој во тоа време имал 13 години!

Наставничка призна вина, откако роди дете чиј татко е нејзин 13 – годишен ученик (ВИДЕО)

Лора Карон, 36, се изјасни за виновна за кривично дело од втор степен за загрозување на благосостојбата на дете преку сексуално однесување, како дел од спогодбата за признавање на вина што бара од неа да се откаже од лиценцата за наставник и од секое идно јавно вработување, објави Пипл.

Карон првично беше обвинета за тешка сексуална злоупотреба, сексуален напад и загрозување на благосостојбата на дете откако обвинителите рекоа дека таа била во врска со ученикот со години, почнувајќи од кога тој имал 11 години и бил во нејзиното петто одделение.

Според наводите на обвинителите на рочиштето за старателство во 2025 година, сексуалниот контакт со ученикот започнал во 2016 година и траел четири години, што резултирало со раѓање на дете во 2019 година, наводно чиј татко бил тогаш 13-годишно момче.

Обвинителите рекоа дека Карон била пријателка на семејството на жртвата и договорила детето да остане во нејзиниот дом. Ова на крајот доведе до тоа момчето да живее со неа, сè додека полицијата не интервенираше во случајот.

Случајот излезе на виделина по објава на Фејсбук. Таткото на жртвата објави на социјалните мрежи во 2024 година дека неговото дете, кое сега има пет години, личи на неговиот син.

Директорот на училиштето ја видел објавата, го привлекол вниманието на неа и започнал истрага. Кога детективите разговарале со жртвата, тој потврдил дека имал сексуален однос со Карон и дека е татко на нејзиното дете.

На рочиштето за изрекување на пресудата во 2025 година, обвинителите рекоа дека го пресметале бројот на сексуални напади врз основа на интервјуа со жртвата и процениле дека тој бил сексуално нападнат вкупно 416 пати.

Во соопштението за медиумите во кое се објавува признавањето на вината од Карон, обвинителите рекоа дека таа се согласила на петгодишна казна во државен затвор.

Сепак, пред да може да почне да ја издржува казната, таа ќе биде подложена на проценка за да се утврди дали е „склона да го повторува таквото однесување и/или има компулсивни тенденции“, што би можело да влијае на нејзината казна.

По отслужувањето на затворската казна, Карон ќе биде должна да се регистрира во регистарот на сексуални престапници на Меганс Ло и да биде под условна казна до крајот на животот.

Казната на Лаура Карон е закажана за 8 јануари 2027 година.

Тагови: наставничка ученик

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Каде завршија танкерите со со руски дизел за САД?

Договорот меѓу претседателите на САД и Русија, Доналд Трамп и Владимир Путин, за испорака на руски дизел во Соединетите Американски Држави се соочува со сериозни пречки.

Каде завршија танкерите со со руски дизел за САД?

Договорот меѓу претседателите на САД и Русија, Доналд Трамп и Владимир Путин, за испорака на руски дизел во Соединетите Американски Држави се соочува со сериозни пречки, откако два од првите три танкери што го носат руското гориво ги сменија своите првични дестинации.

Танкерот „Талисман“, кој е под санкции од САД, Велика Британија и ЕУ, се пренасочи од својата рута кон американскиот атлантски брег и влезе во Средоземното Море, објави „Фајненшл тајмс“ (FT). Бродот е во близина на брегот на Алжир и испраќа сигнал „чекајќи инструкции“, што укажува дека сè уште не потврдил купувач или пристаниште каде што ќе го истовари својот товар.

Вториот танкер, „Леруо“, кој е под знамето на Сиера Леоне и е во сопственост на компанија од Хонг Конг, ја смени својата дестинација во Бразил. Тој брод е исто така под санкции наметнати од ЕУ, Велика Британија и Канада.

Регулаторните и санкциите ризикуваат да ги запрат испораките

Третиот танкер, „Агиои Фанедес“, кој првично го сигнализираше Њујорк како своја дестинација, сè уште плови кон североисточниот брег на САД, но ниту тој нема потврдено пристаниште за истовар. Неговиот сопственик, грчката компанија „Истерн Медитеран Маритим“, изјави дека бродот продолжува со своето патување во исчекување на инструкции, бидејќи пристаништето каде што ќе се истовари товарот сè уште не е одредено.

Мат Смит, аналитичар во „Кплер“, рече дека не би било изненадувачки ако и тој танкер го промени курсот и го напушти американското пристаниште, со оглед на претпазливоста на потенцијалните купувачи поради регулаторни, правни и санкциони ризици.

Во меѓувреме, друг танкер, „Бист“, исто така плови кон американскиот атлантски брег. Овој брод натоварил дизел во руското пристаниште Приморск на 27 октомври.

Според податоците што ги цитира „Фајненшл тајмс“, првите три танкери требало да транспортираат вкупно околу 140.000 тони руски дизел. Ова се првите пратки опфатени со привремена дозвола од американските власти, издадена откако Трамп објави договор со Путин на 9 октомври за ублажување на ограничувањата за извоз на руски дизел.

Тагови: Дизел Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер