Сиљановска Давкова: Нашето авионче е најмало и најстаро, колегите го нарекуваат авиончето на браќата Рајт - Канал 5

Македонија

Сиљановска Давкова: Нашето авионче е најмало и најстаро, колегите го нарекуваат авиончето на браќата Рајт

Владиниот авион и натаму е предмет на политички турбиленции – овој пат го фати и радарот на претседателката на Македонија – Гордана Силјановска Давкова која го користела воздухопловот десетина пати. 

Сиљановска Давкова: Нашето авионче е најмало и најстаро, колегите го нарекуваат авиончето на браќата Рајт

Таа вели дека владиното, како што го нарече, „авионче“ е предмет на потсмев од страна на нејзините колеги претседатели од регионот кои го оцениле како произведен кон почетокот на 20тиот век. Според нејзе, соодветен авион би бил поевтин и попрактичен отколку користењето на комерцијалните летови.

-Ај, да ве насмеам. Владиното авионче моите колеги претседатели во регионот го нарекуваат авиончето на браќата Рајт- бидејќи е најмало и најстаро. Јас можам да кажам за себе. Употревата на владиното авионче понекогаш овозможува функционална извршување на државната работа ама и поевтина отколку користењето на комерцијалниот лет. Е сега, не е многу пријатно, и самата кажувам дека самата имам дилема кога немам друг избор, бидејќи знам дека е старо 25 години и купено на старо,- - Гордана Силјановска – Давкова – Претседателка на Македонија.

По наводите на опозициската СДСМ дека премиерот Мицкоски го злоупотребувал владиниот авион за семејни патувања во Хрватска, реакција пристигна од Владата. За нив ваквите тврдења се неточни, а семејството на премиерот велат никогаш не патувало со овој воздухоплов. Уверуваат дека во две годни авионот е искористен само за четири службени посети во регионот.

-Лицемерно е однесувањето на СДСМ и лидерот Венко Филипче, кој во затворени разговори се согласува за наваква на нов владин авион, а во јавност сосема спротивно истото го критикува. Додека СДСМ и Венко самите се договорат со себе, апелираме информациите кои произлегуваат од оваа партија да се земаат со голема претпазливост поради нејзините шпекулативни намери– Влада на Република Македонија.

Од СДСМ пак сметаат дека се прави обид за оправдување, за како што велат, на луксузирањето на премиерот со владиниот авион на Јадранот. Доколку владата тврди дека авионот бил користен согласно прописите и актите и дека секое користење е евидентирано, тогаш владата нека го докаже тоа, додаваат од опозициската партија.

-Во ред ако е така, СДСМ, односно граѓаните, го бараат одговорот - кои се патници во владиниот авион заедно со премиерот Мицкоски? – Андреј Жерновски – СДСМ.

Премиерот Мицкоски, по критиките околу набавката на нов авион, вчера посочи дека Владата се повлекува од таа намера, со надеж дека при некое патување нема да се сруши и да дојде до смртни последици.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На 14 септември камионџиите од Западен Балкан ќе ги блокираат границите кон ЕУ

Проблемот за превозниците се засили со воведувањето на електронскиот систем за влез/излез (EES), со кој автоматски се евидентира престојот на патниците од земји надвор од Шенген-зоната.

На 14 септември камионџиите од Западен Балкан ќе ги блокираат границите кон ЕУ

На 14 септември, професионалните возачи на камиони од Западен Балкан ќе ги блокираат сите гранични премини кон земјите од ЕУ, по потврдената потврда на Европската комисија дека правилото за престој од 90 дена во период од 180 дена во шенген зоната нема да биде променето..

Проблемот за превозниците се засили со воведувањето на електронскиот систем за влез/излез (EES), со кој автоматски се евидентира престојот на патниците од земји надвор од Шенген-зоната. Системот за земјите од Западен Балкан почна да се применува на 12 октомври 2025 година, а по завршувањето на преодниот период следеше целосна имплементација. Според информациите, возачите кои ќе го надминат дозволениот престој од 90 дена во рамките на 180 дена може да бидат вратени во земјата на живеење, додека товарните возила остануваат на местото каде што се наоѓале во моментот на проверката. Превозниците предупредуваат дека ваквите ограничувања создаваат сериозни проблеми за меѓународниот транспорт, бидејќи професионалните возачи, поради природата на работата, често мораат да престојуваат во земјите од ЕУ подолг период.

Тагови: камионџии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Загина возач на патот Охрид – Кичево, удрил во глутница кучиња и изгубил контрола на возилото

Загина возач на магистралниот пат Охрид- Кичево.

Загина возач на патот Охрид – Кичево, удрил во глутница кучиња и изгубил контрола на возилото

Несреќата се случила ноќеса кога возачот најпрвило удрил во кучиња скитници изгубил контрола на возилото и удрил во металните оградни браници покрај патот и возилото се запалило.

Во возилото било пронајдено телото на починатиот возач. На местото интервенирала екипа на територијалната противпожарна единица Охрид, која го локализирала и изгаснала пожарот. По наредба на јавен обвинител, телото било предадено на судска медицина за обдукција, како и за утврдување на идентитетот на починатото лице.

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни се пожарите во Маврово и ростуше и гори депонијата кај Шуто Оризари

Активни се два пожари на отворен простор, информираат од ЦУК.

Активни се пожарите во Маврово и ростуше и гори депонијата кај Шуто Оризари

Три пожари се ставени под контрола, а 22 се целосно изгаснати.

Активни се пожарите во општина Маврово и Ростуше, на месноста Голем Брдаш, каде што гори шума, како и во Шуто Оризари, во Визбегово, зад хотелот „New Star“, каде што гори депонија. Под контрола се пожарите над селото Палиград – Преслап во општина Зелениково, во мешана шума, во селото Копаница во општина Сарај, каде што гори нискостеблеста шума и ниска вегетација, како и пожарот кај селата Пискупштина, Буринец и Локов во Струга, каде што е зафатена нискостеблеста шума.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер