Сиљановска Давкова: „Хипокризија и цинизам е селективното реагирање“ - Канал 5

Македонија

Сиљановска Давкова: „Хипокризија и цинизам е селективното реагирање“

„Хипокризија и цинизам е селективното реагирање“ – напиша на фејсбук претседателката Гордана Силјановска Давкова за оние кои веќе втор ден остануваат тивки на националистичките скандирања за „Илирида“ на „Градски“,а го осудија навивањето во Куманово.

Сиљановска Давкова: „Хипокризија и цинизам е селективното реагирање“

„Хипокризија и цинизам е селективното реагирање“ – напиша на фејсбук претседателката Гордана Силјановска Давкова за оние кои веќе втор ден остануваат тивки на националистичките скандирања за „Илирида“ на „Градски“, а најгласно го осудија навивањето во Куманово. Освен вчерашната пофалба на собранискиот спикер Гаши за навивачите на Шкендија, друга реакција од неговите колеги нема. Според претседателката, сеопштата осудата за навивањето во Куманово првично влеала надеж во борбата со овој неспортски феномен, сепак леакцијата останала ненаучена, заклучи шефицата на државата во својата објава..

-Просветителски звучеа апелите за ставање крај на националистичките и шовинистички повици од трибините. Но, сцените од меѓународниот натпревар Шкендија – Карабах беа реприза на кумановската трагична приказна. Хипокризија и цинизам е селективното реагирање на неспортскиот вандализам. Само со заедничка доследна и бескопромисна битка со шовинистичките изблици, без оглед чии се, ќе градиме здраво општество.- Гордана Силјановска – Давкова – ФБ статус

Моделот „раздели, па владеј“ е донесен до совршенство, она што се случува на трибните е само „метастаза“ на „карциномот“ – односно политиката која ја креира таквата општествена атмосфера, смета политичкиот аналитичар Агим Јонуз. Ваквите случувања, кои за жал станале „нормалност“ во земјава и кои најчесто се во предизборен период, им одговараат токму на политичарите, кои кон туѓото и различното создаваат омраза, особено кај младите...

Никој во ова општество не зборува за „наша“ Македонија, туку сите зборуваат за „моја“ или „твоја“ Македонија. Се додека постои таква Македонија, ќе постојат и антагонизми. Политиката е влезена безмалку до бебешките колевки, таа ембибирана, толку е инфилтрирана и толку ги интоксинира младите, да тие единствениот модел на функционирање на пристап и на презентирање на тоа што го мислат е на таквите настани, бидејќи можат да го изнесат она што го носат како гнев.. Ова им одговара на оние кои ги водат стадата, кој е адекватен збор за маса која може тоа да го голта, ако ти можеш една маса да ја затруеш со нешто ирелевантно, ненормално, токсично- Агим Јонуз – Политички аналитичар

Инаку, моторџијата кој вееше знаме на „Голема Албанија“ со натпис „Автохтона“ пред натпреварот Шкендија –Карабах, кој е германски државјанин, во итна постапка доби условна казна затвор од две години, која би ја одлежал ако во следните пет години стори ново кривично дело, но има забрана за влез во земјава во следните пет години и е веќе протеран. Што се однесува до репрезентативниот кошаркарски натпревар во Куманово, обвинителството веќе поведе постапка, во која е уапсено едно лице.

Тагови: Сиљановска Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата снимка од Мараја Кери предизвика загриженост, фановите коментираат

Снимка од Мараја Кери во Бразил предизвика загриженост кај нејзините обожаватели.

Новата снимка од Мараја Кери предизвика загриженост, фановите коментираат

На социјалните мрежи, луѓето почнаа да се прашуваат дали сè е во ред со 57-годишната пејачка, откако видео од нејзино јавно појавување покажа дека таа се движи малку нестабилно додека излегува од автомобил.

За време на престојот во Бразил, пејачката делеше автограми и се фотографираше со фановите кои се собраа да ја поздрават, држејќи транспаренти. Иако изгледаше добро расположена, некои гледачи забележаа дека ѝ треперат рацете и дека чекори несигурно. Снимката беше објавена на „TikTok“.

Фановите се прашуваат дали сè е во ред

„Дали треба да се грижиме?“ – праша еден корисник на „TikTok“. „Изгледа како да чувствува болка“, напиша друг, додека трет ѝ посака добро здравје на пејачката: „Се молам за неа и ѝ испраќам убави желби на нашата Божиќна кралица“.

Сепак, не сите ја протолкуваа оваа ситуација како причина за загриженост. Некои укажаа на конкретните услови во кои се движеше пејачката: врнеше дожд, теренот беше закосен, а Кери носеше високи потпетици.

„Како прво, врне дожд. Второ, теренот е закосен. Трето, таа носи високи потпетици. Четврто, не сака да падне“, напиша еден корисник. На снимката се гледа и како нејзиниот асистент ја држи околу половината додека таа поминува покрај фановите. Засега нема информации кои укажуваат на тоа дека Мараја Кери има некакви здравствени проблеми, а самата снимка не е доволна за да се донесе таков заклучок.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ и големиот прекин – што навистина се случи?

Услугите на „Microsoft“ конечно работат правилно по повеќе од 24 часа –што навистина тргна наопаку?

„Microsoft“ и големиот прекин – што навистина се случи?

„Microsoft“ го реши големиот проблем што предизвика повеќе од 24 часа застој на „Microsoft 365“, тоа предизвика сериозни прекини во работењето на бизнисите и владините агенции низ целиот свет.

Проблемите започнаа на 12 ноември околу 17:17 часот по средноевропско време, кога услугата „Exchange Online“ падна. Малку повеќе од два часа подоцна, проблемите се проширија на остатокот од платформата „Microsoft 365“.

Што го предизвика тоа?

„Microsoft“ првично се сомневаше дека невообичаено големиот сообраќај е причина за проблемите. Сепак, последователната истрага покажа дека неколку серверски системи неочекувано престанаа да работат, оставајќи ги преостанатите сервери неспособни да се справат со зголеменото оптоварување.

Обидите за рестартирање на серверите беа неуспешни, бидејќи тие повторно престанаа да реагираат откако се врати сообраќајот. Компанијата на крајот утврди дека проблемот е поврзан со претходно надградување на капацитетот на мрежата, предизвикано од последователна промена во мрежната инфраструктура.

Потоа инженерите применија поправка на компонента одговорна за автентикација и насочување на сообраќајот. Обновувањето беше спроведено постепено, со обработка на заостанати е-пораки.

„Microsoft“ нагласи дека нема докази за злонамерна активност и дека вештачката интелигенција не е причина за проблемот.

Кој беше засегнат?

Покрај „Outlook“ и „Exchange Online“, прекините влијаеја на календарите на „Teams“, закажувањето состаноци, „Copilot“, „SharePoint“ и „Intune“. Некои функции продолжија да работат за време на прекинот.

Влијанието се почувствува надвор од технолошкиот сектор. Националната здравствена служба на Велика Британија (NHS) мораше да се потпре на алтернативни системи, додека индиските авиокомпании „Air India“, „IndiGo“ и „Akasa Air“ пријавија проблеми со поддршката за е-пошта.

Проблемите влијаеја и на финансиските институции. Една тајванска компанија дури мораше да користи факс за да ги потврди трансакциите со акции.

Според „Downdetector“, имало повеќе од 7,4 милиони пријави за проблеми низ целиот свет. Сепак, овој број не го претставува вкупниот број на индивидуални корисници погодени од прекинот.

Извор: Б92

Тагови: Microsoft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција на нозе: 200.000 луѓе на улиците

Француската полиција уапси 121 лице за време на протестите одржани низ целата земја, објави француското Министерство за внатрешни работи.

Франција на нозе: 200.000 луѓе на улиците

Според Министерството, околу 106.000 луѓе учествувале во демонстрациите, додека синдикатите проценуваат дека околу 200.000 граѓани се собрале на улиците.

22 лица се приведени во Париз, вклучувајќи тројца малолетници. Апсењата се главно за носење оружје од категорија Д, навреди и кршење на забраните за посетување одредени места или учество во демонстрации, објавува „BFMTV“.

Според полициските податоци, околу 24.000 луѓе протестираа во француската престолнина, додека младинските синдикати проценуваат дека на улиците имало близу 100.000 демонстранти.

Низ цела Франција се одржаа повеќе од 60 протестни собири. Во Париз истовремено се одржаа три одделни демонстрации - против предлог-закон за претпоставка за легална употреба на оружје од страна на безбедносните сили, меѓународен марш против насилството врз децата и протест на движењето „Жолти елеци“ против зголемувањето на трошоците за живот.

Тензии беа пријавени во Париз, Бордо, Нант, Лион и Руан. На Плоштадот на нацијата во Париз, полицијата употреби солзавец за да ја растера толпата, што предизвика први знаци на паника кај демонстрантите.

Во Нант, полицијата употреби водени топови, додека во Бордо беа пријавени судири за време на кои некои демонстранти фрлаа предмети кон полицијата.

Во Тулуз, според организаторите, протестираа 6.000 луѓе, додека полицијата соопшти дека имало 1.800. Собирот помина без инциденти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер