Сиљановска-Давкова го врачи признанието „Македонски квалитет“ за 2025 година - Канал 5

Македонија

Сиљановска-Давкова го врачи признанието „Македонски квалитет“ за 2025 година

Претседателката Гордана Сиљановска-Давкова, во својство на покровителка, заедно со претседателот на Сојузот на стопански комори, Горан Ѓорѓиевски, врачи признание „Македонски квалитет“ за 2025 година.

Сиљановска-Давкова го врачи признанието „Македонски квалитет“ за 2025 година

Претседателката Гордана Сиљановска-Давкова, во својство на покровителка, заедно со претседателот на Сојузот на стопански комори, Горан Ѓорѓиевски, им врачи признание „Македонски квалитет“ за 2025 година, на единаесет домашни компании за нивниот придонес во развојот на македонската економија и афирмацијата на македонскиот квалитет во земјава, регионот и пошироко.

Годинешни носители на признанието се: Комерцијална банка - Скопје, Пекабеско, Малиќи Груп, Кабтел, ГОЛДЕН АРТ, Еко Логистик Сервис - Скопје, ЛТХ Леарница - Охрид, Велидент Трејд, Дамипак, НЕТАМ и БОМИ 10 ЛОГИСТИК.

За Сиљановска-Давкова наградите не се само симболична, туку и суштинска верификација на македонскиот бренд. Таа истакна дека тие не се случаен подарок, туку логична последица на стратешко размислување, примена на современи техники и технологии и системско вложување во креативен човечки капитал.

Според неа, резултатите на најдобрите компании се доказ дека македонското стопанство располага со капацитет за конкурентност, иновативност и прогрес.

Во време на глобални геополитички и економски предизвици, претседателката посака во 2026 година да создадеме поповолна и поконкурентна бизнис-клима, којашто ќе резултира со стабилен раст и подобар животен стандард за граѓаните.

Во продолжение е интегралниот текст од обраќањето на претседателката Сиљановска-Давкова.

Почитувани членови на Сојузот на стопански комори,

Почитувани добитници на признанието „Македонски квалитет“,

Почитувани гости,

Дами и господа,

Со особено задоволство го поздравувам континуитетот на оваа значајна манифестација, бидејќи минатата година присуствував на неа - доделувањето на признанието „Македонски квалитет“. За мене тоа е симболична, но и суштинска верификација на македонскиот бренд.

Овој настан не е само свечен чин, туку и јасна порака дека препознаваме, афирмираме и наградуваме вредности како: стандард, квалитет, одговорност, посветеност.

На крајот на 2025 и во пресрет на 2026, имам и имаме пријатна задача на единаесет компании да им врачиме признанија доделени од вас, од Сојузот на стопански комори. За мене наградите не се случаен подарок, особено не новогодишен подарок, туку логична последица на стратегиско размислување, на системско вложување во креативен човечки капитал, но и во современи техники и технологии. Тие недвосмислено потврдуваат дека, исто како што е и во науката, така и во економијата, успехот е секогаш резултат на визија, на истрајност, на знаење, на храброст, а не на неочекуван среќен момент!

Компаниите што ги наградуваме персонифицираат и демонстрираат зрелост и потенцијал на македонското стопанство да креира одржливи модели на раст, да генерира иновации и да одржува динамична, но стабилна бизнис-клима.

Нивната адаптибилност на променливите услови, а никогаш не биле попроменливи чинам, нивната способност да ги надминуваат предизвиците и сепак да останат доследни на високите стандарди и критериуми за квалитет, дури и во тешки времиња и околности, ги издвојува како вистинска движечка сила на економскиот и општествениот напредок.

Резултатите што ги постигнале најдобрите компании за мене се јасен доказ дека македонското стопанство располага со капацитет за конкурентност, иновативност и прогрес. Тие покажуваат дека во амбиент во којшто се негува стабилна и предвидлива бизнис-клима, вложен труд и знаење, неминовно прераснуваат во триумф. Бидејќи за мене е ова своевиден триумф. Нивниот пример сведочи дека доследноста, истрајноста и решителноста да се остане посветен на борбата за повисок квалитет, водат кон поголема продуктивност, кон отворање нови можности и кон создавање долгорочни перспективи.

Мислам дека овие успеси имаат повеќеслојно значење. Имено, тие не се сведуваат само на висината на остварениот профит, туку подразбираат додадено знаење, иновативност, поттикнување и негување на претприемачкиот дух и се разбира нешто што е најважно - придонес кон општото добро, кон res publica и кон благосостојбата. Секоја наградена компанија не е само еден изолиран, уникатен индивидуален успех, туку е темел за идни слични и поголеми успеси, за нови дострели, се разбира, инспирирани и потпрени на овие, но и на претходните.

Смесни сме дека живееме во време на глобални геополитички и економски предизвици. Периодот на закрепнување по пандемијата на ковид-19, инфлациските притисоци, енергетската криза, сите тие оставија длабоки траги врз економиите низ светот, а нивното влијание, се разбира, не нè одмина ни нас.

Како дел од регионалниот, но и од европскиот и од глобалниот пазар, македонското стопанство, мене ми е јасно иако сум лаик во оваа област, е изложено на сите турбуленции. Токму затоа, улогата на државата е клучна во создавањето соодветни претпоставки,амбиент за брзо престројување, за развој и за нешто на коешто постојано се повикуваме - системска поддршка на бизнисот.

Искрено посакувам, и не само што посакувам и очекувам, 2026 година да биде насочена кон создавање, креирање поповолна и поконкурентна бизнис-клима којашто ќе резултира со стабилен раст, со подобар животен стандард за граѓаните и се надевам идната година со нови, заслужени награди.

На добитниците на денешните признанија дозволете ми да им упатувам искрени честитки, со желба за уште поголем компетитивен капацитет и за национална, регионална и меѓународна видливост и препознатливост.

На крајот, вашата работа и понатаму нека биде водена од јасната визија заснована врз професионализам, но и на духовна посветеност.

На новото раководство на Сојузот на стопански комори му посакувам успешно соочување со предизвиците и надминување на проблемите. Посакувам консолидирано членство, што ќе вроди со плодна работа и со меѓусебна соработка.

Како и минатата година, така и годинава, сите членки на Сојузот на стопански комори ги охрабрувам да продолжат да бидат незапирлива движечка сила на македонското стопанство.

Зошто? Затоа што длабоко верувам дека вашите успеси не се само деловни достигнувања, но многу повеќе од економски. Тие се државен, национален и општествен прогрес!

Затоа сакам да ви посакам сѐ најубаво во новата година и да ве охрабрам и следната година, умот, знаењето, решеноста да ги негувате и да ги вложувате за овде да видиме повторно нови заслужени награди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Во мртовечница заборавиле покојник и веќе 14 години е во ладилник- случајно е откриена морничавата вистина

Мишел Менар се сметал за осаменик во селото на југот на Франција каде што живеел. 

Во мртовечница заборавиле покојник и веќе 14 години е во ладилник- случајно е откриена морничавата вистина

Официјално бил невработен и поголемиот дел од времето го поминувал во трошна вила опкружена со лозја.

Неговата соседка го видела само кога поминувала покрај имотот. Потоа го забележала како неподвижно гледа низ прозорецот.

Никој не ги известил властите

Неговата смрт во 2012 година била подеднакво необична. Тогаш 58-годишен Французин бил пронајден во тоалетот на неговата вила, а неговото тело веќе било делумно распаднато.

Се верувало дека бил мртов со недели, без никој да забележи. После тоа, ништо повеќе не се слушнало од него - до сега, објавува HLN.

Имено, неговите останки биле пронајдени за време на инспекција на мртовечницата на Универзитетскиот медицински центар во Тулуз. Се покажало дека телото лежело во ладилник 14 години!

Во тој период, ниту еден член на семејството не се јавил да го згрижи покојникот. Во мртовечницата, се чини, со години никој не ги известил властите за присуството на телото на Мишел Менар.

Градоначалничката на градот каде што живеел, Вирџини Биспели-Беири, за француските медиуми изјави дека болницата ја контактирала уште во 2012 година. Во тоа време, прашале дали општината можеби знае за некој од неговите роднини кои би можеле да организираат погреб.

„Мислевме дека има семејство и им ги пренесовме тие информации. После тоа, не слушнавме ништо повеќе. Затоа претпоставивме дека останките се предадени на семејството“, рече таа.

„Бев без зборови од шок“

Сепак, тоа не се случи. Никој не се погрижи за телото на човекот, кое лежеше во мртовечницата.

Случајот беше откриен претходно оваа година, кога француското судство започна истрага за сомнителни неправилности во работата на мртовечницата. Таму, наводно, во вреќа за ѓубре биле пронајдени останки од два фетуса и две бебиња.

Истражителите отишле во објектот за да проверат што се случува таму. Тогаш го пронашле телото на Мишел Менар, кого француските медиуми го нарекоа „заборавениот починат“.

Пред две недели, градоначалничката добила телефонски повик од полицијата и дознала дека неговото тело е пронајдено во ладилник.

„Бев без зборови од шок. Некаде имало сериозна грешка, но каде? Кој ја направил грешката?“, рекла таа.

Француското судство го истражува бизарниот случај. Универзитетскиот медицински центар во Тулуз, во кој се наоѓа мртовечницата, вели дека ќе ги почека резултатите од истрагата и дотогаш нема да коментира за случајот.

Тагови: мртовечница покојник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелскиот министер за одбрана е под истрага во Италија- осомничен е за измачување

Италијанските обвинители објавија дека покренуваат истрага против израелскиот министер за одбрана Израел Кац и голем број високи воени, полициски и затворски службеници. 

Израелскиот министер за одбрана е под истрага во Италија- осомничен е за измачување

Истрагата се однесува на третманот на активистите од флотилата во Газа. Ова ја прошири истрагата, која досега беше фокусирана само на Итамар Бен-Гвир, израелскиот министер за национална безбедност, објави Ројтерс.

Канцеларијата на римскиот обвинител објави дека случајот се заснова на сомневања за тортура, киднапирање, нанесување телесни повреди, грабеж и штета. Горенаведените дела наводно се извршени во текот на 2025 и 2026 година, кога израелските сили пресретнале конвои со бродови на пат кон Газа.

Постапката е покрената врз основа на жалбите на 50 италијански граѓани. Тие беа приведени откако учествуваа во две мисии на Глобалната флотила Сумуд, едната помеѓу септември и октомври 2025 година, а другата помеѓу април и мај 2026 година. Кац сè уште не одговорил на барањето за коментар. Уште во јуни, Бен-Гвир ја отфрли веста за истрагата и рече дека „ќе продолжи гордо да стои со нашите борци“.

Детали за жалбите против израелските сили

Според обвинителството, активистите приведени по првата мисија пријавиле тепања, повреди, закани со смрт, навреди и обвинувања за тероризам. Учесниците во втората мисија, како што е наведено во соопштението за медиумите, пријавиле уште построг третман, што вклучувало тепања во темница и употреба на зашеметувачки пиштоли и гумени куршуми.

Истражителите идентификувале повеќе лица од воениот и полицискиот команден ланец кои биле вклучени во тие операции. Покрај Кац и Бен-Гвир, обвинителството именувало уште 12 високи израелски функционери од воениот, полицискиот и затворскиот систем како осомничени. Началникот на Генералштабот Ејал Замир е меѓу нив.

Меѓународна правна соработка

Обвинителите потврдија дека во јуни испратиле барање до Израел за правна помош. Тие побарале информации потребни за реконструкција на настаните и утврдување на индивидуалната одговорност. Не е наведено дали израелските власти одговориле на барањето.

Исто така, беше потврдено дека се водени разговори со Евроџаст, агенцијата на ЕУ за судска соработка. Причината е што слични истраги за истите две мисии се спроведуваат во други, неименувани европски земји. Италијанскиот закон дозволува злосторствата извршени во странство против италијански граѓани да бидат судени во Рим.

Статусот на осомничен во Италија не значи признавање на вината, ниту автоматски води до судење. Меѓутоа, ако истрагата покаже дека обвинувањата се основани, обвинителите можат да поднесат формално барање за покренување судска постапка. Организаторите на флотилата нагласуваат дека целта на мисијата била да се пробие израелската блокада на Газа и да се достави хуманитарна помош. Израел, од друга страна, ја смета својата поморска блокада на Газа за легална.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Британците забрануваат три вида екстремна порнографија: Опасната содржина ги загрозува жените и девојчињата

Велика Британија ќе забрани порнографска содржина што прикажува давење или задушување, сексуални односи меѓу луѓе кои се во сродство или се преправаат дека се во сродство .

Британците забрануваат три вида екстремна порнографија: Опасната содржина ги загрозува жените и девојчињата

Велика Британија ќе забрани порнографија што прикажува давење или задушување, сексуални односи меѓу луѓе кои се во сродство или се преправаат дека се во сродство и возрасни кои лажно се претставуваат како деца под 16 години од 6 ноември, објави владата.

Мерките беа објавени по меѓупартискиот притисок поради загриженоста за негативното влијание на таквата содржина врз жените и девојчињата, објави Скај њуз.

„Владата има обврска“

Британските пратеници рекоа дека новите правила би можеле да доведат до тоа земјата да воведе некои од најстрогите прописи за интернет порнографија во светот.

Министерката за правда на Велика Британија, Алекс Дејвис-Џонс, изјави дека владата има обврска да го преполови насилството врз жените и девојчињата во следните 10 години, нагласувајќи дека штетната порнографија сè уште е лесна за пристап преку интернет.

Таа нагласи дека целта не е да се криминализира безопасно сексуално однесување, туку да се спречи ширењето на содржина што може да влијае на перцепциите за здрави врски, особено кај младите луѓе.

„Може да ја замагли линијата...“

„Содржината што го нормализира или дури и го величи насилството врз жените е опасна и може да ја замагли линијата помеѓу она што е прифатливо во реалниот живот“, рече Дејвис-Џонс.

Според студија од 2024 година на Институтот за давење, повеќе од една третина од возрасните на возраст од 16 до 34 години изјавиле дека доживеале давење или задушување барем еднаш за време на консензуален сексуален однос.

Анкета спроведена од истата организација покажа дека 43 проценти од сексуално активните млади на возраст од 16 до 17 години изјавиле дека биле изложени на такво искуство.

Тагови: порнографија девојчињата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер