Силен ветер за малку ќе превртеше крузер во Бока Которска (ВИДЕО) - Канал 5

Балкан

Силен ветер за малку ќе превртеше крузер во Бока Которска (ВИДЕО)

Крузерот „Амадеа“, кој е во сопственост на германска компанија, го привлече вниманието на мештаните кога утринава опасно се навали додека пловел во заливот Бока Которска во црногорските води.

Силен ветер за малку ќе превртеше крузер во Бока Которска (ВИДЕО)

Од Дирекцијата за поморска безбедност и управување со пристаништа за РТВ на Црна Гора велат дека се информирани за настанот, но дека немало закана по безбедноста.

На социјалните мрежи е објавено видео на кое се гледа како силен ветер удира на страна, го навалува и го носи бродот кон градот Ораховац на север од заливот.

Очевидци коментирале дека крузерот не требало да влезе во заливот поради невремето.

Амадеа е еден од помалите бродови за крстарење што до сега пловел во Бока. Долг е 192 метри. Патниците се на 14-дневно патување кое завршува на 4 декември. Амадеа содржи 40 апартмани, од кои два се кралски, како и 254 кабини.

МВР на Црна Гора вчера предупреди за невреме. Метеоролозите најавија силен ветер југо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нови еколошки алатки за почист и уреден град

Денес беа промовирани новите еколошки алатки на ЈП „Комуналец“, наменети за поефикасно и современо одржување на градските зелени површини.

Јанчев: Нови еколошки алатки за почист и уреден град

Новата опрема ќе придонесе за полесно, побрзо и поеколошко одржување на Градскиот парк „Љупчо Шкартов“, создавајќи почисто и поубаво место за сите граѓани, соопшти градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва: Подготвени сме за нови идеи за мир во Украина, но само ако ја одразуваат реалноста на терен

Русија е подготвена да разгледа нови американски предлози за прекин на војната во Украина, но тие мора да ја земат предвид состојбата на терен и руските барања, изјави заменик-министерот за надворешни работи Сергеј Рјабков.

Москва: Подготвени сме за нови идеи за мир во Украина, но само ако ја одразуваат реалноста на терен

Според него, комуникацијата меѓу Москва и Вашингтон продолжува на повеќе нивоа, вклучително и меѓу владините структури и безбедносните служби.

Тој оцени дека американската страна во одредени моменти покажала „конструктивен пристап“ и поголемо разбирање за руските позиции, но додаде дека напредокот ќе зависи и од влијанието на Вашингтон врз Киев и европските сојузници. Русија во моментов контролира околу една петтина од украинската територија, а Москва инсистира секој мировен договор да ја земе предвид сегашната состојба на фронтот.

Украина, пак, останува на ставот дека договор кој би ја легализирал руската окупација е неприфатлив..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Министерството за Европа и надворешни работи на Албанија реагира по културниот настан одржан вчера во Пустец на кој присуствуваше премиерот Христијан Мицкоски, поради тоа што не била интонирана химната на Албанија, покрај македонската.

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Албанското МНР го опиша ова како сериозен недостаток на почитување на националните симболи и правилата на институционалниот протокол.

- Почитувањето на националните симболи не треба да биде прашање на политика или толкување. Тоа е дел од институционалната етика, протоколот и, пред сè, меѓусебно почитување, особено во простор каде што коегзистираат различни заедници и идентитети. “, пишува во реакцијата на албанското минстерство.

Премиерот Христијан Мицкоски вчера објави дека ја посетил Мала Преспа и присуствувал на Фолклорниот фестивал „Преспа 2026“ посветен на македонската традиција, култура и фолклор, што се одржал под негово покровителство.

Оттаму порача дека границите може да ги поделат териториите, но не може да ги избришат јазикот, културата и чувството на припадност.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер