Сијарто: Унгарија е во центарот на вниманието на светот - Канал 5

Свет

Сијарто: Унгарија е во центарот на вниманието на светот

Унгарија е во центарот на вниманието на светот, западните лидери се обидуваат да ја изолираат.

Сијарто: Унгарија е во центарот на вниманието на светот

Унгарскиот министер за надворешни работи Петер Сијарто денеска изјави дека Унгарија ја посетиле сите европски лидери во последните два дена, и покрај тоа што западните власти тврдат дека земјата е изолирана во своите ставови.

- Всушност, ние сме толку изолирани што во последните два дена секој европски лидер не посети овде во Будимпешта. Со самитот на европската политичка заедница и состанокот на Европскиот совет ги организиравме најголемите дипломатски настани во историјата на Унгарија, вели Сијарто во авторскиот текст, пренесува Индекс. ху.

Тој додаде дека лидерите на западниот свет се собрале во Будимпешта само два дена по убедливата победа на Доналд Трамп на претседателските избори во САД.

„Лажат дека сме изолирани … Да се кажуваат такви глупости дури и во денешната меѓународна политичка дебата, која нема баш висок стандард, е подвиг. Толку сме изолирани што се осмелувам да кажам … денес само унгарскиот премиер може истовремено да разговара со лидерите на најсилните светски полови на моќ: претставниците на Обединетите нации, претседателите на Кина, Русија и Турција и премиерот на Израел“, рече Сијарто, додавајќи дека тоа значи и дека сме опкружени со нова реалност – „старите клишеа не функционираат, повторувањето познати позиции не води никаде“.

„Живееме во доба на опасност, светот пред нашите очи влегува во сосема нова економска и политичка ера. Во ера во која ништо не е (и нема да биде) исто … Во Европа се уште има војна, речиси една деценија живееме под притисок на илегалната миграција, европската политика е заглавена во политичката коректност, а меѓународниот либерален мејнстрим почна уште еден очајнички напад за да го премести стариот континент во пост-национална и постхристијанска ера“, наведе унгарскиот министер.

Тој нагласи дека Унгарија е една од ретките земји во Европа во последниве години која се осмелила отворено да „почне борба“ во согласност со трите цели на националната надворешна политика – зачувување на суверенитетот, унапредување на мирот и одржување на економската неутралност.

Тој додаде дека има впечаток „дека либералниот мејнстрим нема што друго да прави освен да ја поткопува унгарската надворешна политика секој ден“.

„Зошто зборуваме за мир, зошто ги одржуваме односите со Русија, зошто ги охрабруваме кинеските компании да инвестираат во Унгарија, зошто ставаме вето на резолуциите со кои се критикува Израел, зошто не ги осудуваме арапските земји по прашањето за спроведување на човековите права, зошто го напаѓаме Брисел поради илегалната миграција, зошто премиерот се среќава со 45-от претседател на САД“, нагласи Сијарто и оцени дека фактите не се во корист на бриселските власти и дека е докажано дека европската и американската воена стратегија „биле сериозно промашување“.

- Не ги интересираше фактот дека испораките на оружје не доведоа до напредок на Украинците на бојното поле, туку до смрт на многу повеќе луѓе, дека санкциите не функционираат, дека уништувањето се зголемува. Не можеа да разберат дека затворањето на каналите за комуникација значи целосно напуштање на надежта за мир“, предупреди Сијарто.

Тој додаде дека Брисел не го интересира тоа што Унгарија и во најтешкиот период немала проблем со снабдувањето со енергија, ниту дека во земјата се градат најмодерни германски и кинески фабрики и се отвораат десетици илјади работни места.

Со широк спектар на правни, политички, медиумски и финансиски напади, Брисел сака да ја вовлече Унгарија во „провоена политика“, да „го предаде суверенитетот, да ги прифати мигрантите, поклонувајќи се на агресивниот политички мејнстрим на родовата пропаганда“.

„Се спротивставивме: три години успешно ја држевме земјата надвор од војна, не се откажавме ниту од мал дел од нашиот суверенитет, тука нема мигранти, а ни ЛГБТ активистите не можат да им го збунат умот на нашите деца“, заклучува Сијарто.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

МВР: За пет часа санкционирани 221 прекршок на пешаци и возачи во однос на пешаците

Во текот на вчерашниот ден (11.11.2026 година), во периодот од 08:00 до 13:00 часот, Секторот за сообраќајни работи при Министерството за внатрешни работи спроведе засилена акциска контрола на територијата на целата држава.

МВР: За пет часа санкционирани 221 прекршок на пешаци и возачи во однос на пешаците

Во текот на вчерашниот ден (11.11.2026 година), во периодот од 08:00 до 13:00 часот, Секторот за сообраќајни работи при Министерството за внатрешни работи спроведе засилена акциска контрола на територијата на целата држава, насочена кон откривање и санкционирање на прекршоци што ги прават пешаците, како и прекршоци на возачите во однос на пешаците.

При контролата биле констатирани и санкционирани 221 прекршок, од кои 147 за небезбедно преминување на пешаци на коловозот надвор од обележан пешачки премин, додека 25 возачи биле санкционирани поради непропуштање пешаци на обележан пешачки премин.

Дополнително, за време на контролата биле санкционирани и 179 возачи за други видови сообраќајни прекршоци.

Сообраќајните контроли продолжуваат и во наредниот период.

Апелираме до пешаците да го преминуваат коловозот исклучиво на обележан пешачки премин, а до возачите да ја приспособат брзината на движење и да им овозможат непречено и безбедно преминување на пешаците.

Безбедноста на пешаците е заедничка одговорност. Само со доследно почитување на сообраќајните правила и прописи од страна на сите учесници можеме да придонесеме за побезбедни патишта и намалување на бројот на сообраќајни незгоди, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 14 загинати во верижен судар во Емиратите- телата ги идентификуваат со помош на ДНК (ВИДЕО)

Четиринаесет лица загинаа, а десетици се повредени во тешка сообраќајна несреќа во Фуџаира, Обединети Арапски Емирати. 

Најмалку 14 загинати во верижен судар во Емиратите- телата ги идентификуваат со помош на ДНК (ВИДЕО)

Министерството за внатрешни работи објави дека несреќата е предизвикана од возач на камион кој ја изгубил контролата врз возилото и удрил во неколку возила, јавува Би-Би-Си.

Во несреќата учествувале 23 возила, вклучувајќи пет камиони. Сударот се случил на влезот во источниот емират кратко пред полноќ, во време кога сообраќајот се движел бавно. Во официјалниот извештај се наведува дека силата на ударот „го запалила камионот, а пожарот се проширил на неколку други возила, што резултирало со голем број жртви“. Службениците појаснија дека камионот прво се судрил со едно возило, по што се превртел и удрил во другите автомобили што стоеле во колоната.

Идентификација на жртвите и третман на повредените

Полицијата во Фуџаира објави дека триесет лица се повредени и однесени во болница. Полицијата додаде дека се користат ДНК тестови за идентификација на телата на загинатите. Меѓу загинатите има граѓани на Емиратите, а индискиот конзулат во ОАЕ потврди дека загинале и нивни граѓани.

Конзулатот соопшти дека е во контакт со семејствата на жртвите и дека соработува со локалните власти за давање помош. Службите за итни случаи, вклучувајќи полиција, болничари и екипи за цивилна заштита, веднаш пристигнаа на местото на настанот. Тие го изгаснаа пожарот, ги пренесоа повредените во болници и го обезбедија подрачјето, каде што сè уште се наоѓаат специјализирани екипи.

Министерството за внатрешни работи и полицијата изразија сочувство до семејствата на загинатите и им посакаа брзо закрепнување на повредените. Половина од повредените беа пуштени од болница по лекувањето, додека другите беа задржани на понатамошно лекување. Властите објавија дека меѓу загинатите има државјани на Емиратите, Оман, Индија, Бразил, Пакистан, Јордан и Египет.

Тагови: Емиратите судар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Афера ја тресе украинската разузнувачка служба, Зеленски смета дека тоа е вознемирувачки и срамно

Украинскиот претседател Володимир Зеленски најави нови кадровски промени во Безбедносната служба на Украина (СБУ), откако високи функционери веќе беа отпуштени поради наводни врски со криминални групи.

Афера ја тресе украинската разузнувачка служба, Зеленски смета дека тоа е вознемирувачки и срамно

„За жал, оваа недела донесе сосема различни вести за СБУ, искрено вознемирувачки, навистина срамни и апсолутно неприфатливи работи. Поради ова, веќе имаше промени во рамките на Безбедносната служба на Украина, а ќе следат и нови кадровски одлуки“, потврди Зеленски.

„Ни треба поддршка од нашите партнери“

Минатиот четврток, украинските антикорупциски власти обвинија пет члена на наводна криминална група која била вклучена во заштитата на лажни кол-центри за измама, трговија со дрога и фалсификување на странски валути. Високи функционери на безбедносните и полициските служби се исто така вклучени во случајот.

Според Националното биро за борба против корупцијата на Украина (НАБУ), осомничените вклучуваат полициски службеници и високи офицери на СБУ. Нелегалните активности на групата вклучувале десетици кол-центри во кои биле вработени 2.700 луѓе кои ги измамиле украинските и странските граѓани. Групата била вклучена и во продажба на дрога и производство на фалсификувани цигари и фалсификување пари.

Зеленски истакна дека криминална мрежа поврзана со група позната како Химпром веќе започнала да работи во Полска и планира да започне со продажба на синтетички дроги во Германија. Тој додаде дека на Украина ѝ е потребна поддршката од своите сојузници за да го реши овој проблем и дека украинските претставници веќе разговарале за тоа со претставници на САД.

„Знам дека ни е потребна поддршката од нашите партнери за да го постигнеме ова, особено кога станува збор за таканаречената група Химпром. Веќе разговаравме за ова со Соединетите Американски Држави на соодветно ниво“, рече Зеленски.

Размислувале за физички напади врз украински новинари

Медиумите ги идентификуваа Андрије Осипов и Јегор Буркин како наводни водачи на криминални групи. На снимките објавени од НАБУ, двајцата се споменуваат под прекарите „Криминалец“ и „Мексиканец“. Буркин, кој е роден во Русија, се вели дека е основач на меѓународна мрежа за трговија со дрога.

НАБУ, исто така, објави снимки што покажуваат дека осомничените размислуваат за физички напади врз украинскиот новинар Денис Бихус, како одмазда за истрагата за нелегални активности објавени од неговите медиуми.

Генералниот обвинител неодамна поднесе оставка

Олександр Поклад, вршител на должноста шеф на СБУ, објави дека разузнувачката служба отпуштила двајца високи функционери поврзани со истрагата и дека „им дава целосна поддршка“ на истражителите. „Безбедносната служба очекува транспарентна, објективна и непристрасна истрага. СБУ работи исклучиво за Украина и ќе продолжи да го прави тоа“, рече Поклад во соопштение за медиумите.

Истрагата за корупција, првпат објавена во септември, доведе до оставка на поранешниот државен генерален обвинител Руслан Кравченко откако властите обвинија еден од неговите подредени дека е вмешан во водењето на кол-центрите. Кравченко не е обвинет за никакво кривично дело.

Тензии меѓу НАБУ и СБУ

Случајот, исто така, се заканува да го разгори долгогодишниот конфликт меѓу независната НАБУ и СБУ, моќната безбедносна служба која му поднесува извештаи на претседателот, а чии вработени НАБУ претходно ги обвинуваше за корупција и заплашување.

Борбата против корупцијата на највисоко ниво е клучна за обидот на Украина да се приклучи на Европската Унија и да продолжи да добива многу потребна финансиска помош од меѓународни донатори за да ѝ помогне да се одбрани од руска инвазија, која сега е во својата петта година.

НАБУ и нејзината партнерска институција, Специјализираното обвинителство за борба против корупцијата (САПО), покренаа постапки против високи функционери во случаи што ја потресоа украинската политичка сцена.

Тензиите меѓу НАБУ и СБУ се особено високи од минатата година, кога безбедносната служба уапси двајца антикорупциски истражители во акција што поддржувачите на НАБУ ја протолкуваа како изговор за ограничување на овластувањата на антикорупциските тела.

Тагови: Володимир Зеленски разузнувачка служба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер