Сијарто: Европската политичка елита не е заинтересирана за мир во Украина - Канал 5

Сијарто: Европската политичка елита не е заинтересирана за мир во Украина

Сијарто наведе дека либералните европски политичари се обземени од воен фанатизам.

Сијарто: Европската политичка елита не е заинтересирана за мир во Украина

Европската политичка елита изгледа категорично е незаинтересирана за мир во Украина и треба да се направи се што е возможно за да не биде поткопано едно дипломатско решение, изјави шефот на унгарската дипломатија Петер Сијарто во поткастот „Час на вистината“.

Тој наведе дека либералните европски политичари се обземени од воен фанатизам.

Сијарто тврди дека на последната средба на министрите за надворешни работи на земјите-членки на НАТО, западноевропските, северните и балтичките држави зборувале за подготовки за непријателски односи со Русија дури и ако се постигне мир.

Тој посочи дека е возменирен од обидите на европските држави да се мешаат во дипломатските напори помеѓу САД и Русија.

- Се надевам дека разговорите помеѓу САД и Русија ќе бидат посилни од европските обиди да ги поткопаат истите. Од тоа зависи мирот, посочи Сијарто.

Тој додаде дека на вчерашниот состанок на министрите за надворешни работи на ЕУ станало јасно дека некои политичари се подготвени да ги прекршат правилата на ЕУ со користење на замрзнати руски средства за финансирање на Украина.

Сијарто потенцира дека таквите дејствија се против интересите на Унгарија и оти неговата земја не е подготвена да ги троши парите на унгарските граѓани за Украина.

Според него „една од најдрските лаги во европската политичка историја“ е тврдењето дека Украина се бори за Европа.

- Украина се бори за себе … херојски и против многу поголема земја и воена сила … Но, Европејците немаат морални или правни обврски кон оваа борба. Европа и трансатлантската заедница можат да се одбранат затоа што го имаме НАТО – најефикасниот, најсилниот и најголемиот одбранбен сојуз во историјата на човештвото, наведе Сијарто.

Тој потенцира дека 58 проценти од увозот на гас во Украина и 44 отсто од увозот на електрична енергија минуваат низ унгарска територија.

- Додека многу европски земји зборуваат за поддршка на Украина, Унгарија најмногу придонесува за да се обезбеди украинските семејства да не се смрзнуваат и да имаат електрична енергија и топла вода, истакна Сијарто.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Скандал во Франција: Протекоа податоци од Министерството за внатрешни работи

На 9 ноември бил извршен претрес во седиштето на „Национален собир“ во рамките на истрага за наводно протекување информации од Министерството за внатрешни работи.

Скандал во Франција: Протекоа податоци од Министерството за внатрешни работи

Францускиот министер за внатрешни работи, Лоран Нуњез, денеска го повика на разговор раководителот на департманот Лоара, Иг Муту, по наводите дека доверливи информации од Министерството за внатрешни работи биле пренесени на партијата „Национален собир“.

Нуњез додаде дека ситуацијата би била исклучително сериозна доколку наводите се потврдат.

Како што објави денеска телевизијата БФМ, на 9 ноември бил извршен претрес во седиштето на „Национален собир“ во рамките на истрага за наводно протекување информации од Министерството за внатрешни работи.

Иг Муту, поранешен високорангиран функционер во француското Министерство за внатрешни работи и актуелен раководител на департманот Лоара, е осомничен дека учествувал во доставувањето доверливи информации до „Национален собир“ во врска со истрагите што се водат против оваа партија.

Во изјава за телевизијата БФМ и радиото РМЦ, Нуњез потврди дека го повикал Муту на разговор.

„Доколку фактите се потврдат, тоа, се разбира, е многу сериозна работа“, изјави францускиот министер за внатрешни работи.

Тој напомена дека во моментов се води судска истрага.

„Утрово ќе се сретнам со предметното лице, но во овој момент немам други информации што би можел да ги соопштам“, рече Нуњез.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Селекторот на кошаркарите Берокал го избра составот за ноемврискиот ФИБА „прозорец“

Селекторот на машката сениорска репрезентација на Македонија, Жозеп Марија Берокал, го објави списокот на кошаркари на кои ќе смета за претстојниот ноемвриски ФИБА „прозорец“.

Селекторот на кошаркарите Берокал го избра составот за ноемврискиот ФИБА „прозорец“

Селекторот на машката сениорска репрезентација на Македонија, Жозеп Марија Берокал, го објави списокот на кошаркари на кои ќе смета за претстојниот ноемвриски ФИБА „прозорец“, во кој продолжуваат натпреварите од втората фаза на претквалификациите за пласман на Европското првенство во 2029 година.

Според календарот на натпреварување, нашата најдобра селекција во овој циклус ќе одигра еден натпревар. Македонија ќе биде домаќин на репрезентацијата на Кипар, во дуелот од второто коло на групата „Ф“, закажан за 26 ноември (четврток), со почеток од 18:00 часот, во спортската сала „Лазар Лечиќ“ во Скопје.

Подготовките на репрезентацијата ќе се реализираат во Скопје и ќе започнат на 23 ноември, во спортската сала „Лазар Лечиќ“, со почеток од 11:30 часот.

Селекторот Берокал и неговиот стручен штаб го објавија следниот список на кошаркари за овој репрезентативен собир.

СПИСОК НА КОШАРКАРИ

Ненад Димитријевиќ

Виктор Ташовски

Виктор Ефремовски

Војдан Стојановски

Лука Стојановски

Адем Мекиќ

Стојан Ѓуроски

Лејсон Зеќири

Валмир Какруки

Резарт Мемед

Тома Стојаноски

Андреј Маслинко

Петар Бошалески

Андреј Андоноски

Мозес Рајт

Селектор: Жозеп Марија Берокал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Спасовски: СДСМ со 225 амандмани за Буџетот, за 600 евра минимална плата, поголем студентски оброк и поддршка за граѓаните

Пратеничката група на СДСМ и Коалицијата има поднесено 225 амандмани на Предлог-буџетот за 2027 година, со конкретни решенија за подобрување на животниот стандард, поддршка на младите, унапредување на здравството, образованието ....

Спасовски: СДСМ со 225 амандмани за Буџетот, за 600 евра минимална плата, поголем студентски оброк и поддршка за граѓаните
Пратеничката група на СДСМ и Коалицијата има поднесено 225 амандмани на Предлог-буџетот за 2027 година, со конкретни решенија за подобрување на животниот стандард, поддршка на младите, унапредување на здравството, образованието и социјалната заштита, како и рамномерен развој на општините.
Координаторот на пратеничката група на СДСМ, Оливер Спасовски, на денешната прес - конференција, посочи дека амандманите се одговор на потребите на граѓаните, наспроти буџетот на власта кој не нуди развој, туку продолжува со погрешни економски приоритети.
Спасовски, рече дека клучен приоритет на СДСМ е зголемувањето на минималната плата на 600 евра, вклучително и обезбедувањето средства за зголемување на платите на вработените кај буџетските корисници. СДСМ предлага и конкретна финансиска поддршка за студентите, младите и образовните институции.
„Меѓу клучните амандмани коишто ги поднесе СДСМ и Коалицијата е амандманот којшто се однесува на минималната плата на вработените кај буџетските корисници. Во образованието побаравме средства за зголемување на студентскиот оброк за 2.500 денари месечно, зголемување на стипендиите од 6.050 на 8.000 денари, финансиска поддршка на студентите, за регионалните центри за стручно образование и за врсничкото насилство во училиштата“, рече Спасовски.
Тој додаде дека со дел од амандманите се бара и повеќе средства за тековно одржување на основните и средните училишта, посочувајќи дека недостигот од средства веќе предизвикува сериозни проблеми во образованието.
„И секако за тековното одржување на основните и средните училишта, заради тоа што се покажува дека имаме сериозен недостаток на средства коишто се однесуваат на блок-дотациите. Впрочем, она што се случуваше изминатиот период, исклучување на струјата на факултетите, на Ректоратот, на некои од училиштата, не смееме како држава да го дозволиме“, рече Спасовски.
Меѓу амандманите се и мерки за поголема заштита на жртвите на семејно насилство преку воведување електронски нараквици за следење на сторителите, поддршка на културните институции и културното наследство, како и зајакнување на здравствената заштита.
„Во областа на МВР, за воведување електронски нараквици за следење на сторителите на семејно насилство, со цел поголема заштита на жртвите и превенција од насилството. Во културата, за поддршка на проектите од културата, заштита на културното наследство, реконструкција на безистенот и објектот Парк во Битола, поддршка за целосна реконструкција на театарот во Куманово, Агенцијата за филм и подобрување на материјалниот статус на вработените во културата и судството, како и целосно опремување на истражните центри при јавните обвинителства. Амандмани за унапредување на здравствената заштита, вклучително и обезбедување средства за набавка на мамографски апарати и проширување на можностите за рано откривање на малигните заболувања преку мамографски прегледи“, рече Спасовски.
Дополнително, СДСМ предлага електронска апликација за проверка на возраста и родителска контрола на пристапот на децата до социјалните мрежи, како и поддршка за лицата со попреченост, борците, жртвите на семејно насилство, малите и средните претпријатија и научно-истражувачката дејност.
Посебен дел од амандманите се однесува на општините. СДСМ поднесува 161 амандман за конкретни инфраструктурни проекти, изградба на старечки домови, детски градинки, катни гаражи, спортски објекти, локални патишта, водоводни и канализациски мрежи, паркови и зелени површини.
Спасовски посочи дека предложениот Буџет за 2027 година не носи развој и не одговара на реалните потреби на граѓаните. Наместо инвестиции и економски раст, повторно се планираат доминантно тековни расходи, што отвора простор за нови ребаланси и дополнително задолжување.
YouTube video

Скопје, 20.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер