Сијарто: Администрацијата на Бајден не успеа да го собори Орбан, нема да успее ни Брисел - Канал 5

Свет

Сијарто: Администрацијата на Бајден не успеа да го собори Орбан, нема да успее ни Брисел

Унгарскиот министер за надворешни работи, Петер Сијарто, изјави дека претходните обиди на Вашингтон да ја собори унгарската влада не успеале и дека истото ќе се случи и со сегашните обиди на Брисел.

Сијарто: Администрацијата на Бајден не успеа да го собори Орбан, нема да успее ни Брисел

Сијарто ја даде изјавата на состанокот на Конзервативната политичка акциона конференција (CPAC) во Будимпешта, објави унгарската новинска агенција MTI, пренесе Телеграф.

Како што изјави, Будимпешта е цел на „либералниот мејнстрим“ во Брисел, а тоа беше случај и со Вашингтон претходно, бидејќи претходната американска администрација го сметаше за непријател.

Според него, американскиот претседател Доналд Трамп сега, сепак, ги оневозможи изворите на финансирање за глобалната диктатура на либералниот мејнстрим.

„Ние Унгарците нема да толерираме мешање на странски сили, ниту ќе дозволиме да бидеме под влијание на странско политичко финансирање... Тоа се нарекува транспарентност“, рече Сијарто.

Како што додаде Сијарто, „лидерот на Европската народна партија, Манфред Вебер, би било подобро да разбере дека премиерот Виктор Орбан ја претставува иднината на Унгарија“.

Унгарскиот функционер нагласи дека 2025 година е пресвртница бидејќи досега унгарската влада мораше да вложи напори да го заштити својот национален идентитет, безбедноста на земјата и нејзините деца, но сега е време да се започне контранапад.

„Моравме да се заштитиме од војната во Украина во која бевме турнати три години. Успеавме да им се спротивставиме на овие обиди со тоа што не испраќавме оружје или пари за финансирање на изгубена војна“, рече Сијарто.

Во исто време, тој нагласи дека Будимпешта нема да дозволи Украина да биде турната во ЕУ и ги повика Унгарците да гласаат на владиниот референдум за членството на Киев во Унијата.

Сијарто додаде дека Унгарија, исто така, морала да се заштити од нелегална миграција во последните години, велејќи дека е апсурдно што оние кои се залагаат за демократија не го почитуваат меѓународното право.

Според него, врз основа на меѓународното право, мигрантите имаат право да останат во првата безбедна земја, „а не во втората, петтата или десеттата“.

„Унгарија сигурно не е во таа прва категорија за мигранти што доаѓаат од југ“, истакна Сијарто.

Тој рече дека неговата земја ќе продолжи да биде бранета од мигранти во иднина, и покрај тоа што беше казнета од Брисел за таква политика.

Тагови: Брисел сијарто

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФПРО тимот на годината без освојувачот на Златната топка Хари Кејн

Добитникот на „Златната топка“  капитенот на Англија, Хари Кејн, изненадувачки го нема во тимот на годината!

ФИФПРО тимот на годината без освојувачот на Златната топка Хари Кејн

Легендарниот Лео Меси повтормно е меѓу најдобрите 11-сетмина.

Добитникот на „Златната топка“, Хари Кејн, на изненадување на сите, не се најде во идеалниот тим на годината според ФИФПРО (FIFPRO).

Од друга страна, Лионел Меси по рекорден 18-ти пат е дел од најдобрите 11 во изборот на професионалните фудбалери.

Овогодинешниот добитник на „Златната топка“ (Ballon d'Or), капитенот на англиската репрезентација Хари Кејн, изненадувачки не се најде во идеалниот тим според изборот на ФИФПРО (FIFPRO).

Во гласањето учествуваа фудбалери од 73 земји, а Лионел Меси се најде меѓу најдобрите 11 по рекорден 18-ти пат.

Аргентинецот повторно е избран во најдобриот тим, откако во 2023 година не беше дел од него.

Во нападот, покрај него, се најдоа Ерлинг Халанд, Килијан Мбапе и Ламин Јамал.

Во идеалниот тим за сезоната 2025/26 се наоѓаат четворица шпански репрезентативци кои летово ја освоија светската шампионска титула: Родри, Пау Кубарси, Давид Раја и Ламин Јамал.

Неочекуван е и изборот на голманот.

Голманот на Арсенал која за време на Светското првенство му беше резерва на Унаи Симон е избран за прв голман во идеалниот тим, иако шпанската единивца, беше прогласена за најдобар голман на годината во изборот на списанието „Франс фудбал“.

FIFPRO Светски тим (World 11) за сезоната 2025/26.

ГОЛМАН: Давид Раја (Арсенал, Шпанија)

ОДБРАНА: Пау Кубарси (Барселона, Шпанија), Ашраф Хакими (Пари Сен Жермен, Мароко), Нуно Мендеш (Пари Сен Жермен, Португалија)

СРЕДЕН РЕД: Џуд Белингам (Реал Мадрид, Англија), Родри (Манчестер Сити/Барселона, Шпанија), Витиња (Пари Сен Жермен, Португалија)

НАПАД: Ерлинг Халанд (Манчестер Сити, Норвешка), Килијан Мбапе (Реал Мадрид, Франција), Лионел Меси (Интер Мајами, Аргентина), Ламин Јамал (Барселона, Шпанија).

Тагови: ФИФА Хари Кејн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Шпагети во сос

Во вторник (03.11.2026) во емисијата гостин ни бeше Игор Андреевски

„Гответе со Дракче“ - Шпагети во сос

Состојки за денешниот рецепт:

500 гр. шпагети

200 гр. мелено месо

2 главици кромид

2 чешниња лук

400 мл. доматен сос

масло

сол, бибер и др. зачини

малку свежо нане или магдонос

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

НАСА бара луѓе кои ќе живеат на Месечината: Конкурсот е отворен, но условите не се за секого

Американската вселенска агенција НАСА бара кандидати со високо образование во научни и технички области, додека договор вреден 10 милијарди долари ги очекува приватните компании.

НАСА бара луѓе кои ќе живеат на Месечината: Конкурсот е отворен, но условите не се за секого

Американската вселенска агенција, НАСА, објави повик за регрутирање нова класа на астронаути. Овој пат, целта е многу поамбициозна од самиот престој во орбитата: се бараат поединци кои ќе живеат и работат на површината на Месечината.

Овој процес на регрутирање е дел од програмата „Артемида“, а избраните кандидати ќе сочинуваат тим задолжен за поставување на темелите за постојана месечева база, како и за подготовка на теренот за првите мисии со екипаж до Марс. Обуката ќе опфаќа движење по предизвикувачкиот терен на Месечината и издржување долготраен престој во екстремни услови. Како што се очекуваше, критериумите за подобност се исклучително строги.

Право на пријавување имаат само државјани на САД кои поседуваат магистерска диплома од областите инженерство, биологија, физика или компјутерски науки.

Нема многу време за размислување, бидејќи крајниот рок за поднесување пријави преку официјалната веб-страница на агенцијата е 3 декември 2026 година, а имињата на новите астронаути ќе бидат објавени кон крајот на 2027 година.

Истовремено, НАСА го решава прашањето за логистиката, без која една база не може да опстане. Распшан е тендер во вредност од дури 10 милијарди долари за втората фаза од програмата „Комерцијални услуги за испорака на товар на Месечината“ (Commercial Lunar Payload Services – CLPS).

Станува збор за десетгодишен договор со приватни компании за изградба и управување со летала за слетување, наменети за испорака на инструменти, залихи и опрема директно на површината на Месечината.

За овие договори се натпреваруваат осум компании, меѓу кои „SpaceX“, „Blue Origin“ и „Lockheed Martin Space“. Впечатливо е отсуството на „Boeing“ од списокот; вселенската програма на оваа компанија, „Starliner“, веќе подолго време се соочува со технички проблеми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер