Здравје

Сигурни знаци дека имате хормонално нарушување

11 предупредувачки симптоми на голем проблем кои често ги игнорираме  

Ви изостанува месечниот циклус, претерано сте раздразливи и чувствителни, а лицето ви изгубило сјај? Сето ова укажува на неправилно функционирање на вашиот организам. Хормоналниот дисбаланс кај жените се случува кога хормоните во крвотокот ќе се покачат или ќе паднат под нормалното ниво. Хормоните се произведуваат во жлездите на ендокриниот систем и тие ја регулираат работата на различни органи, ткива, клетки. Хормоналниот дисбаланс доколку не се лекува доведува до низа здравствени состојби, како што се неплодност, остеопороза, па дури и срцеви заболувања. Симптомите може да бидат од благи, така што да не ги чувствувате, но може да бидат и сериозни и да ви го нарушат здравјето.

Нивото на хормони кај жените обично варира во зависност од тоа во која фаза на менструалниот циклус се наоѓа, дали е бремена или е во менопауза. Можеби не сте знаеле дека околу 50 проценти од жените, барем еднаш во животот, доживуваат хормонална нерамнотежа, што влијае на нивното целокупно здравје.

Ако вашиот менструален циклус е неправилен или ако имате нетипични промени во расположението поради кои се чувствувате раздразливо, време е да го посетите вашиот лекар. Тој ќе ве испрати да го проверите вашиот хормонален статус, особено естрогенот и прогестеронот, што се произведуваат во јајниците. Нивната нерамнотежа предизвикува:

појава на акни на лицето, грбот, градите, опаѓање на косата, тешки менструални циклуси, претерано растење на влакна по телото, „жешки бранови“, репродуктивни проблеми, неправилен месечен циклус, намалено либидо, вагинална атрофија, сувост на вагината.

Метаболизмот се состои од хемиски реакции во клетките на телото кои ја претвораат храната во енергија. Во него се вклучени различни хормони и процеси.

Ова се следните симптоми кои укажуваат на дисбаланс на хормоните кои го регулираат метаболизмот: бавно или брзо чукање на срцето, необјасниво зголемување или губење на тежината, замор, запек или дијареа, вкочанетост и пецкање во рацете, нивото на холестерол е повисоко од нормалното, депресија или анксиозност, неможност да се толерира ниска или висока температура, сува, груба кожа и коса, неправилна распределба на телесните масти, екстремна жед и често мокрење.

Како да ги ублажите симптомите на хормонален дисбаланс

Иако многу нарушувања на рамнотежата на хормоните не може да се избегнат, постојат одредени работи што можете да ги направите за да го подобрите вашето целокупно здравје и да си помогнете во одржувањето на вашите хормони во рамнотежа.

Усвојување на урамнотежена, здрава исхрана

Редовни физички вежби

Управување со стресот

Квалитетен сон

Откажување од пушењето

НБА

Бостон избори четвртфинале, Далас поведе против ЛА клиперс во плејофот на НБА

 Екипата на Бостон селтикс ноќеска го победи Мајами хит со 118:84 и со вкупно 4:1 ја доби серијата во првото коло од плејофот на НБА-лигата.

Противник на Селтикс во четвртфиналето ќе биде поуспешниот од пресметката Кливленд кавалирс – Орлано меџик (3:2 по пет натпревари).

На вториот натпревар одигран ноќта среда кон четврток, Далас маверикс убедливо го совлада Лос Анџелес клиперс со 123:93. Далас до третата победа во серијата прв до четири дојде најмногу по заслуга на Лука Дончиќ кој постигна 35 поени.

Во четвртфиналето победникот од двојката Далас – ЛА клиперс ќе игра со Оклахома Сити. /МИА

Македонија

СДСМ: Со глас за СДСМ на 8 мај ги чуваме темелите на државата

​Враќање на режимот на ДПМНЕ во најава, би значела сигурна блокада на Македонија и внатрешни етнички тензии, што би и нанело огромна штета на иднината на државата.

Преголема моќ за десничарска партија како ДПМНЕ која воопшто не е променете, ќе претставува сериозна закана од враќање на заробена држава, поделби, уцени и закани.

Гласот ЗА СДСМ е глас за чување на темелите на државноста, демократските вредности, внатрешната кохезија, стабилни етнички односи, безбедна и европска иднина на Македонија.

Центар за комуникации на СДСМ

Свет

САД ја обвинуваат Русија за употреба на хемиско оружје во Украина

Стејт департментот ја обвини Русија дека го користела хемиското оружје „хлорпикрин“ против украинските сили со што ја прекршува Конвенцијата за забрана за употреба на хемиско оружје.

„Употребата на тие хемикалии не е изолиран инцидент и најверојатно е мотивирана од желбата на руските сили да ги отстранат украинските сили од зацврстените позиции и да постигнат тактички напредок на бојното поле“, соопшти Стејт департментот.

Вашингтон вчера објави нов бран санкции насочени кон руски и странски компании и поединци обвинети за вмешаност во руските воени напори за инвазија врз Украина. Покрај руски одбранбени компании и кинески субјекти, санкциите се и на неколку истражувачки единици и компании вклучени во руски програми за хемиско и биолошко оружје. Воведени се санкции за речиси 200 субјекти, а Стејт департментот таргетираше повеќе од 80 во една од најобемните акции против кинески компании досега во санкциите на Вашингтон насочени кон Русија, јавија американските медиуми.

Канцеларијата за контрола на странски средства соопшти дека санкционирала компании со седиште во Кина, Хонг Конг, по повеќекратните предупредувања од Вашингтон за поддршка на руската војска.

Министерството за финансии санкционираше речиси 60 субјекти лоцирани во Азербејџан, Белгија, Кина, Русија, Турција, Обединетите Арапски Емирати и Словачка, бидејќи и овозможија на Русија да ја набави потребната технологија и опрема од странство, заобиколувајќи ги санкциите.

„Министерството постојано предупредуваше дека компаниите ќе се соочат со значителни последици за обезбедување материјална поддршка за Русија во војната во Украина, а САД ги воведуваат денеска за речиси 300 субјекти“, рече министерката за финансии на САД, Џенет Јелен./МИА

притисни ентер