Повеќе од 1.300 лица за неколку дена побарале медицинска помош, а забраната за пиење на водата останува во сила.

Утринава на терен беше и министерот за здравство Сашо Клековски, кој даде оценка за состојбата и најави натамошни мерки.

Во живо од Гостивар е Дејан Трајкоски. Дејан, каква е моменталната состојба а што велат граѓаните, како се снаоѓаат со забраната за користење на водата во летните горештини?

Во видеото погледнете го целиот извештај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според премиерот Мицкоски ова не е документ којшто ЕК го објавува за напредокот на државата, туку, како што вели, е редовен извештај за земјите членки и земјите кандидатки. Оцени дека извештајот содржи и пофалби и критики, коментирајќи ги како главни забелешки загриженостите за политичкиот притисок врз правосудството, барањата за поголем буџет и критиките за работата на судиите и обвинителите, што според него се контрадикторни. И покрај забелешките Мицкоски најави дека ќе продолжи јавно да испраќа пораки и да бара подобри резултати од правосудството, а Владата беше дециден дека нема да даде повеќе пари за судството и обвинителството иако, како што рече, постојат законски барања за поголем буџет.

- Од сите споредено со претходно, ова е најдобар извештај за нас како држава. Дали е одличен? Не е одличен. Се констатираат забелешките. Има многу пофалби, има многу констатирани проекти и политики што испорачуваат, но има и критика. Мене ми е тоа работа, јас јавно да ги повикувам судиите и обвинителите да испорачуваат правда и ќе продолжам во таа насока да коментирам колку сакаат извештаи нека се објавуваат. Пари повеќе нема да добијат. Пари нема да добијат, иако се бара и во Законот за јавно обвинителство да се стави сума од 0,5 проценти од буџетот. Нема да добијат, затоа што не ги заслужиле. Затоа што очекуваме правдата да ја донесат. Се што побараа-добија. Ако некој мисли дека на овој начин ќе врши притисок врз Владата, нема Владата да го прифати. Бидејќи независноста со пари не се обезбедува, туку се обезбедува со работа, изјави Мицкоски.

Според СДСМ извештајот на Европската комисија нотира притисок на власта врз судството и високо раширена корупција, за кои, како што велат, јавноста секојднево сведочи.

- Она што Европската комисија го забележува како системски проблем, ние го гледаме секојдневно во конкретни постапки и одлуки на премиерот Христијан Мицкоски и неговата организирана криминална група. Постапувањето на луѓе блиски до ВМРО во клучни позиции во правосудството е веќе системска практика. Сопруга на екс градоначалник на ВМРО беше избрана за Судскиот совет на пример. Обвинителка поврзана со Сашо Мијалков беше избрана, што покажува дека старата мрежа на криминал и контрола врз институциите повторно се враќа на власт, изјави Богданка Кузеска – портпаролка на СДСМ.

Инаку, во новиот Извештај на ЕК за состојбите во правосудството, меѓудругото се нотира дека независноста на судството во Македонија е загрозена од притисок и мешање на други државни инстанци кои, како што се вели, продолжуваат да предизвикуваат сериозни загрижености во врска со почитувањето на судската независност. Како дел од позитивните забелешки на ЕК, се забележува усогласувањето на новиот закон за Судски совет со европските стандарди, а се нотира и подобрена ефикасност кај кривичните предмети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заканите кон новинари не се личен конфликт, туку директен напад врз слободата на медиумите и демократскиот поредок. Политичката комуникација мора да биде пример за достоинство и одговорност, затоа што кога носителите на јавни функции го нормализираат говорот на омраза, користат навреди како: “кокошко”, “копито” “мекотели” и други изрази на деградацијата, тие создаваат амбиент во кој насилството станува прифатлив начин на пресметка со неистомислениците.

Бараме од надлежните институции итно да ги идентификуваат и санкционираат одговорните за заканите и да обезбедат ефикасна заштита за новинарот Видиновски. Демократијата не се брани со молк, туку со јасна и еднаква примена на законот кон секој што повикува на насилство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.