Забава

Сидни Свини објасни зошто не ѝ било проблем да ги снима разголените сцени во „Еуфорија“

Актерката Сидни Свини отворено проговори зошто снимањето разголени сцени како Кеси Хауард во хит ТВ серијата „Еуфорија“ не ѝ било проблем.

Нејзиниот лик во првите две сезони често беше прикажан на начин што многумина го сметаа за објективизирачки, но Свини не се плаши од контроверзии, и на екранот и во реалниот живот.

28-годишната актерка се соочи со критики во последните години, прво за сапун наводно направен од водата во која се бањала, а потоа и за кампања за фармерки што некои ја сметаа за проблематична. И покрај ова, нејзината кариера е во пораст, со улоги во филмови како што се „Слугинката“ и „Онлај ти“.

Во третата сезона на „Еуфорија“, ликот Кеси наоѓа слава на платформа слична на OnlyFans, која вклучува уште поексплицитни сцени. Една од нив, во која позира во изгужвана детска облека и со цуцла, предизвика бројни негативни реакции. Сепак, актерката истакнува дека токму улогата на Кеси ѝ помогнала да се чувствува поудобно во сопствената кожа.

Самодоверба преку ликот на Кеси

Во интервју за списанието W, Свини го објасни својот пристап кон ваквите сцени. „Мислам дека стекнав толку многу самодоверба и самосвест преку Кеси. Мислам дека женското тело е многу моќна работа“, рече таа. „Што се однесува до мене, јас ја раскажувам приказната за мојот лик, па затоа им должам да ја раскажам правилно и да го направам она што треба да се направи.“

Додека некои веруваат дека серијата е само фиктивно дело кое може да се потсмева на глобалната опсесија со сексот, други тврдат дека привлечноста на актерката веројатно придонесува за популарноста на серијата.

„Преместена“ трета сезона

Пред објавувањето на новите епизоди, Свини откри за списанието Empire повеќе за нејзиниот лик и „преместената“ трета сезона, која веќе привлече критики надвор од нејзините сцени.

„Кеси има посебно место во моето срце, таа е многу блиска до мене. Таа е луда. Прави толку многу грешки. Има многу недостатоци, но сè го прави од љубов. Понекогаш е тажен вид љубов. Многу е забавно да се игра толку луд лик“, рече Свини.

Таа исто така додаде дека ужива во соработката со авторот на серијата, Сем Левинсон. „Брилијантно е да се работи со Сем затоа што кога ќе прочитам нешто, го повикувам и му велам: „Ајде да бидеме уште полуди“. А тој одговара: „Апсолутно сум за“. И оваа сезона навистина се движеше напред“, заклучи актерката.

Тагови: Сидни Свини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Битола: Спортска Битола го наполни стадионот на натпреварот Македонија против Црна Гора

Синоќа спортот и верната публика на фудбалот, покажа и докажаа дека Битола е спортски град.

Под рефлектори на стадионот „Петар Милошевски“ се играше меѓународниот натпревар меѓу младите селекции на Македонија и Црна Гора. Натпреварот заврши со резултат 1:1.

Градоначалникот на Битола Тони Коњановски и секретарот на Општината Борче Димитровски, како и бројни спортски работници беа на трибините на стадионот.

„Задоволство беше да бидам дел од многубројната публика на стадионот „Петар Милошевски“ во Битола, на натпреварот меѓу младата селекција на Македонија која со реми ги заврши настапите на домашен терен во квалификациите за младинското Европско првенство, откако во Битола одигра 1-1 против младата селекцијата на Црна Гора.

Ова беше голем ден за спортска Битола, многубројната публика покажа и докажа дека Битола го сака, живее за спортот и за вакви големи настани под рефлектори на стадионот кој ги има сите услови и за меѓународни натпревари.

Верувам дека и во иднина трибините на стадионот ќе бидат полни како вечерва, особено и со млади гледачи, кои вистински знаат да се радуваат на вакви големи натпревари“ вели градоначалникот на Битола.

Во два дена, два големи спортски настани беа одиграни во Битола, пред два дена ракометен, а синоќа фудбалски спектакл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Салата со песто

Во петок (25.09.2026) во емисијата гостин ни бeше Александра Илиевска.

Состојки за денешниот рецепт:

2 - 3 домати

свежа рукола една кеса

1 кромид

тегличка песто

100 гр. сирење

малку сусам

Омлет

4 јајца

100 гр. сирење

маслиново масло

малку сусам

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо ја напушта репрезентацијата, дебатата се проширува: Се вклучи и селекторот на Белгија

Заминувањето на легендарниот капитен Кристијано Роналдо од португалската репрезентација стана тема и на прес-конференцијата што ја одржа селекторот на Белгија, Марк ван Бомел.

Холандскиот стратег ги коментираше постапките на Жорже Жезус, конкретно прашањето околу ветувањето дадено на играч дека ќе добие шанса за настап.

Ван Бомел смета дека тренерот не треба однапред да гарантира минутажа, бидејќи начинот на кој се одвива натпреварот може да наметне потреба од поинакви одлуки.

„Ако дадете такво ветување, мора да го исполните. Никогаш не сум му ветил на играч дека ќе игра, бидејќи никогаш не се знае што може да се случи. Мора да ги оставите опциите отворени, дури и ако му кажете на играчот дека постои голема веројатност да влезе во игра. Тоа е она што можете да го направите“, истакна селекторот на Белгија.

Неговата порака се однесува на разликата меѓу најавување на евентуален настап и давање цврсто ветување за кое играчот очекува дека тренерот ќе го исполни.

Ван Бомел остави простор за можноста португалскиот тренер да имал свои причини за таквиот потег, но повтори дека таков пристап не е дел од неговиот начин на работа.

– Жорж Жесус веројатно имал свои причини, но на пријателски натпревар е полесно да се вети дека некој ќе одигра 40 или 60 минути. Да се ветуваат такви работи, да се размислува... Мислам дека никогаш не сум го направил тоа – додаде тој.

Роналдо го напушти собирот по изјавите на Жесус и разговорите со претседателот на португалската федерација. Претходно, тој се загреваше на натпреварот против Норвешка, но не доби шанса да заигра. Капитенот најави дека во соодветно време детално ќе ја изнесе својата верзија за причините за заминувањето.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.