Швајцарската јавност бара одговорност по трагедијата во Кран-Монтана - Канал 5

Европа

Швајцарската јавност бара одговорност по трагедијата во Кран-Монтана

Се зголемува јавниот притисок за одговори од истрагата по пожарот во бар во швајцарскиот скијачки центар Кран-Монтана, во кој загинаа 40 лица, откако властите соопштија дека сите жртви се идентификувани Поголемиот дел од загинатите се тинејџери.

Швајцарската јавност бара одговорност по трагедијата во Кран-Монтана

Според обвинителството, пожарот избувнал во првите часови на 1 јануари, а најверојатна причина е употреба на бенгалски оган или свеќи, кои го запалиле таванот на угостителскиот објект.

Властите ги истражуваат двајцата управители на барот по неколку основи, вклучително и за предизвикување смрт од небрежност. Полицијата вчера соопшти дека засега нема основи тие да бидат приведени и дека не се смета оти постои ризик од бегство.

Швајцарскиот весник „Блик“ утринава објави дека расте јавното незадоволство. „Зошто двајцата управители на барот се на слобода?“, гласи насловот на насловната страница, поставен над фотографија од ожалостени граѓани и новинари собрани околу големата купчина цвеќиња пред барот „Констелацион“.

Најмладите жртви од пожарот, во кој беа повредени повеќе од 100 лица, имале само 14 години. Загинатите се од повеќе европски земји, меѓу кои и неколку од Франција и Италија. Швајцарските власти не ги објавија имињата на жртвите.

Италијанскиот вицепремиер Матео Салвини напиша на социјалните мрежи дека „во цивилизирана земја како Швајцарија, доста луѓе ќе треба да завршат во затвор“. Тој оцени дека имало пропусти во осигурувањето на безбедноста во подрумот на барот, доведувајќи ги во прашање системите за противпожарна заштита и дали биле спроведувани доволно инспекции.

Ајка Шапаз, која учествуваше во вчерашниот тивок марш во градот, изјави дека мора да има правда во име на идните генерации. „Клучно е никогаш повеќе да не дојде до ваква трагедија. Истрагата мора да биде темелна“, рече таа.

Друг водечки швајцарски весник, „Тагес-Анцајгер“, објави дека мора да се дадат одговори на прашањата за проверката на возраста на посетителите, употребените материјали за звучна изолација во подрумот и стандардите што ја регулираат употребата на пиротехника.

Еден од управителите на барот, Жак Морети, изјави за швајцарските медиуми дека „Констелацион“ бил проверуван трипати во изминатите 10 години и дека сè било во согласност со прописите.

Властите во кантонот Вале соопштија дека истражителите проверуваат дали барот ги поминувал задолжителните годишни инспекции, додавајќи дека општината досега не изразила загриженост ниту пријавила неправилности.

Тагови: Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарите се шират на југот на Франција, стотици пожарникари на терен

Пожарите и натаму се шират во неколку француски департмани, особено на југот од земјата, каде што стотици пожарникари продолжуваат да се борат со огнената стихија.

Пожарите се шират на југот на Франција, стотици пожарникари на терен

Во департманот Буш Ди Рон околу 150 пожарникари и денес интервенираат на повеќе локации, а противпожарната служба предупреди дека ризикот од нови пожари останува исклучително висок.

Поради сериозната опасност, властите целосно го забранија пристапот, движењето и работата во 11 шумски подрачја. Префектот на регионот Прованса-Алпи-Азурен Брег соопшти дека мерката е воведена поради „многу висок ризик“ од избувнување и ширење на пожари.

Ситуацијата дополнително ја отежнува силниот ветер, кој во областите Алпи, Камарг и Кро достигнува брзина до 65 километри на час

Францускиот министер за внатрешни работи, Лоран Нунјез, изрази сериозна загриженост, истакнувајќи дека сезоната на пожари започнала околу еден месец порано од вообичаено.

Тагови: пожари Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Пејачката Тејлор Свифт официјално му кажа „да“ на Тревис Келси, а целиот настан беше организиран во најголема тајност.

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Селена Гомез, Џиџи Хадид и Бредли Купер беа меѓу последните гости што ја напуштија церемонијата на двојката во Медисон Сквер Гарден околу 1 часот по полноќ, објавува Page Six.

Најблиските пријатели на пејачката - вклучувајќи ја нејзината најдобра пријателка од детството Абигејл Андерсон, Селена Гомез, Џиџи Хадид и Ед Ширан - исто така беа дел од овој гламурозен настан.

Познатите личности го напуштаа „Медисон Сквер Гарден“ во различни периоди во текот на вечерта. Том Брејди беше еден од првите славни гости што си заминаа порано, а по него замина и Џорџ Стефанопулос.

Една од најголемите мистерии поврзани со свадбата на Тејлор Свифт и Тревис Келси беше разрешена веднаш откако тие го кажаа судбоносното „да“, а таа се однесуваше на изборот на венчаницата и костумите за младенците.

Списанието „Пипл“ дознава дека и невестата и младоженецот носеле уникатни креации од модната куќа „Кристијан Диор Хаутр“ за нивниот голем ден.

Нивните свадбени фустани биле дизајнирани од Џонатан Андерсон, кој тесно соработувал со двојката на нивниот изглед.

Венчаницата на Тејлор е особено значајна бидејќи претставува прва високомодна венчаница што Андерсон ја создал за светски позната ѕвезда.

Своите свадбени комбинации ги заокружија со чевли изработени по мерка од модната куќа „Кристијан Лубутен“, додека Тејлор го комплетираше изгледот со накит од куќата „Картије“. Иако обожавателите со месеци шпекулираа каква венчаница ќе носи Тејлор, одговорот конечно пристигна од една од најпрестижните модни куќи во светот, преку уникатна креација на „Диор“, изработена специјално за најочекуваниот моден момент во нејзиниот живот.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Побезбедни и поуредени населби – се обновуваат детските и спортските игралишта во Општина Аеродром

Општина Аеродром продолжува со засилено темпо да ги обновува детските и спортските игралишта низ сите населби, со што се добиваат безбедни, уредени и современи простори за игра, рекреација и дружење.

Побезбедни и поуредени населби – се обновуваат детските и спортските игралишта во Општина Аеродром

Паралелно со санацијата на игралиштата, се реализира и обнова на урбаната опрема, со што јавните површини стануваат пофункционални, поуредени и попријатни за користење од страна на сите генерации.

Со секој реализиран проект, Општина Аеродром создава подобри услови за секојдневниот живот на граѓаните, инвестирајќи во јавна инфраструктура што придонесува за поквалитетно и побезбедно урбано живеење.

Целта е Аеродром да биде општина во која децата безгрижно играат, младите активно спортуваат, а семејствата уживаат во чиста, уредена и современа животна средина.

Општина Аеродром останува посветена на континуирано унапредување на јавниот простор и ќе продолжи со реализација на вакви проекти во секоја населба, затоа што грижата за јавниот простор претставува инвестиција во квалитетот на животот на сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер