Швајцарска вечер на „Охридско лето“ со уметниците Ботвинов, Борен и Деменга - Канал 5

Култура

Швајцарска вечер на „Охридско лето“ со уметниците Ботвинов, Борен и Деменга

 Триесетата вечер од годинешната програма на Фестивалот „Охридско лето“ е резервирана за камерното трио од Швајцарија, со уметниците Алексеј Ботвинов на пијано, Себастиан Борен на виолина и Патрик Деменга на виолончело.

Швајцарска вечер на „Охридско лето“ со уметниците Ботвинов, Борен и Деменга

Алексеј Ботвинов е исклучителен пијанист, музички иноватор и продуцент. Тој е еден од најзначајните украински пијанисти и се смета за еден од најдобрите интерпретатори на музиката на Сергеј Рахмањинов. Ботвинов, истовремено е и единствениот пијанист во светот кој на сцена ги има изведено „Голдберг варијации“ на Бах повеќе од триста пати.

Ботвинов настапувал во повеќе од 46 земји ширум светот, а неговите неодамнешни настапи вклучуваат концерти во салите на Берлинската филхармонија, во „Гевандхаус“ во Лајпциг, „Тонхале“ во Цирих, во салата на филхармонијата во Хамбург, во „Бетовен хаус“ Бон и многу други.

Во ноември 2015 година, Ботвинов е прогласен за Народен уметник на Украина – највисоко уметничко признание во Украина, а истата година го основа Меѓународниот фестивал „Одеса класикс“ чиј претседател и уметнички директор е токму тој. Од неговото основање, па до денес, фестивалот има сензационален успех и станува еден од најзначајните фестивали во Украина, и еден од водечките фестивали во Европа.

Во 2020 година Алексеј Ботвинов е одликуван со орденот „Ѕвезда на Италија“ со одлука на Претседателот на Италија, а истата година ја добива и наградата „Вилијам Тел“ која му ја доделува Швајцарската влада. Во 2021 година Ботвинов започнува соработка со виолинистот Даниел Хоуп со кој сними ЦД за продукциската куќа „Дојче Грамофон“ со музика на Алфред Шнитке. По успехот на ова издание, овие двајца уметници повторно соработуваат во 2022 година снимајќи ЦД во добротворни цели со наслов „Музика за Украина“, а подоцна, истата година снимаат и издание посветено на музиката на украинскиот композитор Валентин Силвестров. Последното снимено издание на Ботвинов ги содржи третиот концерт на Филип Глас и Двојниот концерт на композиторот Тан Дун.

Себастиан Борен е виолинист кој внимателно му приоѓа на репертоарот избирајќи најчесто интерпретации на дела од класичната и романтична ера, дела од ХХ век и нови, современи композиции. Во 2022 година Швајцарската фондација на школите за виолина му ја додели наградата „Златно гудало“, а германскиот печат го опишува како „ еден од најсериозните, директни музичари на неговата генерација“. Настапува во неговата родна Швајцарија со симфониските оркестри во Базел и Луцерн, со оркестарот „Свицера-Италијана“, Музик колегиум Винтертур, Филхармонијата Арговија, Камерните оркестри од Цирих и Базел, Фестивалскиот гудачки оркестар од Луцерн, а интернационално настапува со Кралскиот филхармониски оркестар на Ливерпул, Државната капела на Санкт Петерсбург, Камерниот оркестар „Анима музика“, Симфонискиот оркестар на Солун, Камерните оркестри од Минхен, Келн и Штутгарт, оркестрите од Хајлброн и Гетинген, Романскиот камерен оркестар, оркестарот во Падова и др.

Посветен на камерната музика, Борен настапува со виолинистите Даниел Хоуп, Хансхајнц Шнебергер и Дмитри Ситковетски, пијанистот Андреас Хефлигер, виолистот Антоан Таместит, виолончелистите Томас и Патрик Деменга, Анастасија Кобекина, Кристијан Полтера и со кларинетистот Рето Биери. Себастиан Борен е уметнички раководител на фестивалот „Стрета концертс“ и на фестивалот во Бруг, Швајцарија. Свири на инструмент изработен во 1761 година од Џовани Батиста Гуадагини со име „ Екс -Ванамејкер-Харт“.

Роден во 1962 година, Патрик Деменга студира на конзерваториумите во Берн и во Келн со Борис Пергаменшчиков, и со Харви Шапиро во Њујорк. Деменга редовно настапува на најпознатите фестивали и во музичките центри ширум Европа, Јужна Африка, САД, Јужна Америка, Австралија и Азија. Често соработува со уметници како: Хајнц Холигер, Марио Вензаго, Денис Расел-Дејвис, Леиф Сегерстам, Хесус Лопес-Кобос, Хауард Грифит, Кристоф Попен, Леонидас Кавакос, Александар Локвих, Изабел Фауст, Наталија Гутман и др, како и со Циришкиот „Тонхале“ оркестар, Симфонискиот оркестар во Базел, Радио-симфонискиот оркестар во Виена, Камерата Берн, Минхенскиот камерен оркестар, оркестарот „Суис-Роман“, камерниот оркестар од Лозана, „Кремерата Балтика“, ансамблот „Модерн“ и др.

Неговите бројни аудио изданија го презентираат на светската публика, а тој премиерно изведува дела од Исанг Јун, Герхард Шедл, Хајнц Холигер и др. Патрик Деменга предава на Конзерваториумот во Лозана, а редовно одржува семинари низ Европа и светот.

Неколку години делува како раководител на Чело-фестивалот „Вива чело“ во Базел, а уметнички раководител е на серијата концерти со име „Четири годишни времиња“ во Блуменштајн, како и на фестивалот во Меиринген. Добитник е на наградата „Златно гудало“ во 2001 година, а особен афинитет има кон современата музика

Концертот ќе се одржи во катедралната црква „Света Софија“ од 21 часот, а на програмата се дела на Моцарт, Брамс, Шостакович./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Шок на лет кон Грција: Мали стаорци се пронајдени во количка за служење храна на патниците

Необичен и вознемирувачки инцидент беше откриен на летот на „Аркија ерлајнс“ од Тел Авив до грчкиот град Превеза по слетувањето на авионот.

Шок на лет кон Грција: Мали стаорци се пронајдени во количка за служење храна на патниците

Според неколку израелски медиуми, членовите на екипажот пронашле мртви бебиња стаорци запечатени во проѕирна пластична кеса во количка за служење храна. Количката содржела вода и чаши за еднократна употреба наменети за повратниот лет за Израел.

Сомневањата се појавија за време на летот, кога стјуардесата забележала траги од угриз на некои од чашите за еднократна употреба. По слетувањето, детална инспекција ги открила и младите стаорци, а фотографиите од необичното откритие брзо се проширија на социјалните мрежи.

Сè уште не е познато како животните влегле во количките или зошто биле завиткани во пластика. „Аркија“ соопшти дека патниците не биле изложени на потенцијално контаминирана вода или чаши и дека животните не дошле во контакт со храна наменета за патниците и екипажот.

Авиокомпанијата ја обвини компанијата за кетеринг „Тамам Еркрафт Фуд Индастрис“ за инцидентот, велејќи дека количките пристигнале од нивниот магацин. Веднаш по откривањето, количките беа повлечени од употреба, а компанијата побара детално објаснување и воведување мерки за спречување на слични ситуации во иднина.

Од друга страна, „Тамам“ негираше одговорност. Во соопштението се наведува дека работи во согласност со највисоките стандарди за квалитет и безбедност и дека колички биле проверени пред полетувањето и биле во совршена работна состојба. Исто така, се наведува дека ќе одговори на сите, како што наведува, неосновани обвинувања преку законски средства доколку е потребно.

Истрагата за овој необичен инцидент е во тек, а околностите под кои бебињата стаорци завршиле во количката на авионот остануваат нејасни.

Тагови: патници стаорци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Петмина европски лидери на состанок во Берлин на тема: Што ќе направи Трамп?

Петте најмоќни европски членки на НАТО, познати како Е5, одржуваат разговори на високо ниво во Берлин вечерва, две недели пред самитот на НАТО во Турција.

Петмина европски лидери на состанок во Берлин на тема: Што ќе направи Трамп?

Германскиот канцелар Фридрих Мерц ќе биде домаќин на францускиот претседател Емануел Макрон, италијанската премиерка Џорџија Мелони, полскиот премиер Доналд Туск и британскиот премиер Кир Стармер.

Планирани се работен состанок и заедничка вечера. На дневен ред се продолжувањето на поддршката за Украина, улогата на Европа во решавањето на војната во Иран и распределбата на товарот меѓу членките на НАТО. Сите овие ќе бидат неизбежни прашања на самитот на 32-те земји-членки на алијансата на 7 и 8 јули.

Непредвидливоста на Трамп

Се очекува самитот во Анкара повторно да се врти околу едно прашање: Што ќе направи американскиот претседател Доналд Трамп? Европските лидери сакаат да видат како да ги намалат тензиите меѓу Вашингтон и неговите трансатлантски сојузници по самитот на Г7 во Франција овој месец. Тие се појавија во врска со решавањето на војната во Иран, а јавната расправија меѓу Трамп и Мелони додаде масло на огнот пред состанокот на НАТО.

Овој состанок во Берлин е првиот самит на Е5 по состанокот на НАТО во Хаг во јуни 2025 година, на кој присуствуваше и украинскиот претседател Володимир Зеленски. Групата ја сочинуваат сите четири европски членки на Г7 и Полска, која граничи со Русија и се претставува како портпарол на источноевропските интереси.

Руте ќе се придружи од Вашингтон

Генералниот секретар на НАТО, Марк Руте, планира да се придружи на состанокот преку видео врска од Вашингтон, каде што е закажана средба со Трамп подоцна во текот на денот. САД очекуваат Европа да биде повеќе вклучена во одбраната на алијансата. Во исто време, Вашингтон е фрустриран бидејќи верува дека требало да добие поголема сојузничка поддршка за време на војната со Иран, која САД ја започнаа во февруари заедно со Израел.

Земји како Франција, Обединетото Кралство и Германија се обидуваат да го ублажат чувството на предавство со распоредување воени бродови и миноловци за да ја зајакнат безбедноста во Ормутскиот теснец, стратешки важен воден пат меѓу Иран и Оман, доколку се одржи прекинот на огнот.

Пред средбата со Трамп, Руте се обиде да ги смири тензиите. „Кога станува збор за НАТО, знам дека има разочарувања, но треба да запомниме дека ова се индивидуални случаи“, изјави тој за американската телевизиска мрежа Фокс њуз.

Е1, Е3 или Е5 – кој треба да преговара со Путин?

Иако петте лидери во голема мера се согласуваат за Трамп и самитот на НАТО, нивниот пристап кон решавањето на војната во Украина е извор на несогласување. Италија и Полска се фрустрирани што Германија, Франција и Обединетото Кралство, познато како Е3, неодамна ги презедоа европските дипломатски напори за сами да ја завршат војната во Украина.

Туск и Мелони се чувствуваат маргинализирани. „Полска е апсолутно неопходна врска за секоја сериозна дискусија за иднината на Украина и регионот“, рече полскиот премиер пред две недели, објави новинската агенција ПАП.

Италијанскиот шеф на дипломатијата: Ни треба преговарач

Непосредно пред самитот Е5, италијанскиот министер за надворешни работи Антонио Тајани ја повика Европа да се согласи за еден преговарач. „Треба да најдеме личност, маж или жена, која ќе разговара со Москва во име и во насока на цела Европа“, изјави тој за римскиот весник Ла Верита.

„Може да биде шеф на држава или влада на средно голема европска земја, или можеби институционален орган, на пример Антонио Коста“, претседателот на Европскиот совет. Тој лично е наклонет кон „некого од институциите“.

Коста предизвика возбуда на минатонеделниот самит на ЕУ во Брисел откако неговиот тим контактираше со Русија без претходна консултација. Но, тој португалски политичар доби поддршка од некои членки на ЕУ, вклучувајќи ги Ирска и Австрија. Од друга страна, германската делегација ја смета иницијативата за навреда за Е3.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хегсет продолжува со чистките- го смени највисокиот американски офицер на Европа

Највисокиот американски воен офицер во Европа треба да се пензионира предвреме, станувајќи најновата жртва на чистката на високи офицери од страна на американскиот министер за одбрана Пит Хегсет.

Хегсет продолжува со чистките- го смени највисокиот американски офицер на Европа

Генералот Кристофер Донахју, високо ценет ветеран од специјалните сили кој одигра клучна улога во напорите на САД да ѝ помогнат на Украина во борбата против Русија, треба да го објави своето пензионирање во среда, според луѓе запознаени со ова прашање, објави „Фајненшл тајмс“.

Донахју бил принуден да се повлече од својата функција само два месеци откако Хегсет го отстрани генералот Ренди Џорџ од функцијата началник на Генералштабот на армијата, предизвикувајќи незадоволство кај униформираните офицери во американската војска.

Отстранувањето на Донахју доаѓа во време кога Пентагон се подготвува да го намали нивото на команда во Европа, додека претседателот Доналд Трамп го зголемува притисокот врз европските земји да преземат поголема одговорност за сопствената одбрана и војната во Украина.

Донахју, генерал со четири ѕвездички кој служел во Ирак, Сирија и други воени зони, станал познат како последниот американски војник кој го напуштил Авганистан откако тогашниот претседател Џозеф Бајден наредил повлекување на трупите од земјата во 2021 година.

Не е јасно зошто Хегсет го отпуштил Донахју, но шефот на Пентагон бил гласен критичар на начинот на кој администрацијата на Бајден се справила со хаотичното повлекување од Авганистан и наредил истрага за околностите што доведоа до тоа.

Отпуштањето би можело да предизвика ново потресување во американската војска. Неколку поранешни високи воени офицери изјавија за „Фајненшл тајмс“ дека Хегсет создал клима на страв што влијаела на целата војска, па сè до највисоките рангови на генералите.

Донахју, кој исто така командувал со американските копнени сили во Африка, е широко почитуван во војската поради неговите важни борбени улоги во текот на повеќе од две децении служба.

„Како докажан борбен офицер кој ги предводеше најелитните трупи на војската во текот на најтешките години од војните во Ирак и Авганистан, Донахју е многу почитуван и во специјалните операции и во конвенционалните гранки на војската“, изјави за „The High Side“ Шон Нејлор, експерт за специјални операции и разузнавање на САД.

Во текот на изминатите 18 месеци, Хегсет отпушти десетици офицери, вклучувајќи го генералот Ц.К. Браун како претседател на Здружениот штаб и адмиралката Лиза Франкети, првата жена началник на операциите за американската морнарица.

Тој, исто така, го отпушти Тимоти Хо, генералот на воздухопловните сили кој ја водеше Националната агенција за безбедност и американската кибер команда, и блокираше унапредувања за бројни високи офицери без да наведе причина за тие одлуки.

Отстранувањето на Донахју првпат беше објавено од „The Atlantic“. Неколку луѓе рекоа дека дипломецот од Вест Поинт официјално ќе се пензионира од војската во јули. Пентагон не одговори на барањето за коментар.

Тагови: офицер Пит Хегсет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер