Швајцарска дестилерија наместо омилениот пијалок на скијачите , произведува медицински алкохол

Швајцарска дестилеријата започна со производство на средства за дезинфекција наместо ,,вилијамовка” за борба против коронавирусот.

Дестилеријата „Моранд“, семеен бизнис, основана во Мартињи во Кантон Вале во 1889 година, ја  користи својата резерва на ракија од круши одгледувани на овоштарници под планините покриени со снег.

Во нормални времиња, тоа е омилен пијалок во сезоната на скијање, но забраните за движење и собирање влијаеја на побарувачката и сега, како и многу дестилерии низ целиот свет, Моранд ги користи своите резерви за да и помогне на земјата да ги пополни резервите со медицински алкохол и средства за дезинфекција.

Половина од 50-те вработени во дестилерија се отпуштени.

"Како и да е, имавме резерви на ракија кои старееја. Ова ни овозможи да ги користиме за средство за дезинфекција", рече Тиери Манта, задолжена за производство во Моранд.

Тие самите ги снабдуваат помалите дестилерии, но по пониска цена испорачуваат неколку илјади литри алкохол во лабораториите за производство на гелови, изјави директорот за дестилерија на „Моранд“, Фабрис Ханени.

Велат дека ги следат стандардите и „рецептите“ на Светската здравствена организација во Женева. За секој литар се потребни 8 кг круши, а Моранд работи и со винарии што дестилираат вино, додаде тој.

Во Швајцарија, бројот на смртни случаи од коронавирус денеска се зголеми на 461, информира министерот за здравство.

притисни ентер