Здравје

Швајцарија го воведува лекот против маларија за лекување од Ковид-19

Швајцарската фармацевтска компанија „Новартис“ полага најмногу надеж во борбата против коронавирусот во антималариум хидроксихлорокин, изјави извршниот директор Вас Нарасимхан во денешното интервју за швајцарските медиуми.

Швајцарскиот фармацевтски џин ,,Новартис” најави донација од 130 милиони дози на лекот против маларија, лупус и артритис произведени од неговиот генерички оддел „Сандоз“ и има намера да ги поддржи клиничките истражувања потребни за одобрување на нивната употреба за третман на КОВИД 19.

Донацијата на хидроксихлороин и слични лекови е најавена и од други фармацевтски компании, меѓу кои и германскиот Баер и израелскиот Тева.

Израелските научници од „Гилеад“ го испитуваат експерименталниот ремедивир како потенцијален лек за КОВИД-19.

„Предклиничките студии на животни и првите податоци за клиничко испитување покажуваат дека хидроксихлорохинот го убива коронавирусот“, рече Нарасимхан во интервјуто за неделниот број на швајцарскиот весник SonntagsZeitung.

„Ние работиме со швајцарските болници на можни протоколи за третман за клиничка употреба на лекот, но сè уште е рано да се направат какви било специфични проценки“, додаде првиот човек на Новартис.

Компанијата во моментов размислува за употреба на дополнителни активни состојки во лекот за да се овозможи поголемо производство на хидроксихлорокин, доколку клиничките студии се покажат ефикасни.

Слични истражувања веќе започнаа и други фармацевтски компании, како Рош и Санофи, пренесува Ројтерс.

Маларијата како болест кај нас и во регионот беше искоренета во 1964 година, а денес има само таканаречена „увезена маларија“ во области во светот каде што нашите луѓе одат на работа, туризам или од други причини.

Хидроксихлорокин и хлорокин се супстанции што ја претставуваат синтетичката форма на кинин од кората на кининово дрво, што со векови се користи во третманот на маларија.

Овие два лека во првите студии во Франција и Кина покажаа ветувачки резултати во борбата против COVID-19.

Минатата недела, француските научници известија за една студија која покажала дека хидроксихлорохинот значително ја намалил концентрацијата на вирусот во тест група од 36 пациенти.

Кина тестирала хлорокин на 134 пациенти во февруари и утврди дека е ефикасен во намалувањето на сериозноста на болеста, според кинеските власти. Резултатите од ова истражување треба да бидат наскоро објавени.

Лидерот на индиското здружение за промоција на извоз на лекови предупредува, сепак, дека хлорокин се покажал како токсичен кај некои пациенти

„Внимание е неопходно затоа што нема сеопфатни податоци за да се докаже неговата ефикасност“, истакна Динеш Дуа во изјавата за Ројтерс минатата недела.

Дебатата за можна ефикасност и фактот дека некои земји веќе го користат за лекување на компликации поврзани со КОВИД 19 веќе ги натера некои големи производители да направат радикални потези.

Така, Унгарија забрани извоз на хидроксихлорохин сулфат и лекови што го содржат минатата недела за да обезбеди резерви за сопственото население.

„Унгарија е еден од најголемите извозници на оваа состојка во светот, но сега приоритет е заштитата и снабдувањето со лекови на унгарските граѓани“, се вели во соопштението објавено на веб-страницата на владата.

Индија, најголемиот снабдувач на генерички лекови во светот, исто така минатата недела забрани извоз на хидроксихлороин, велејќи дека има доволно, но компаниите немаат доволно работници за да го произведат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МЕ: Минералното богатсво на Македонија со долгорочна развојна рамка до 2046 година

Македонија преку долгорочен план ќе создаде услови за подобро искористување на својот геолошки потенцијал и негово претворање во инвестиции, индустриски развој, нови работни места и поголема додадена вредност за домашната економија.

Стратегијата за геолошки истражувања и одржливо искористување и експлоатација на минерални суровини за периодот 2026–2046 година ги утврдува приоритетите за современи геолошки истражувања, одговорно користење на минералното богатство и создавање услови за долгорочни вложувања.

Македонија располага со разновиден геолошки потенцијал, меѓу кој се олово, цинк, бакар, злато, антимон и никел, како и мермер, травертин, гранит и варовник.

Еден од главните приоритети е поголем дел од економската вредност да се создава во земјата. Тоа подразбира поголема поврзаност на рударството со домашното производство, развој на преработувачки и други индустриски капацитети и примена на современи технологии.

Подобреното геолошко истражување ќе овозможи попрецизно утврдување на потенцијалот и навремено планирање на идните вложувања. Со тоа се отвора простор за нови деловни активности и јакнење на домашните производни капацитети.

Паралелно, се поставуваат повисоки стандарди за заштита на животната средина, транспарентност и заштита на јавниот интерес. Стратегијата е усогласена со европските политики, вклучително и Европскиот акт за критични суровини, што создава можности за поголемо вклучување на Македонија во европските индустриски синџири.

Документот е подготвен преку стручна соработка на Македонската академија на науките и уметностите и Министерството за енергетика, рударство и минерални суровини, со учество на експерти и консултации со релевантни институции и стручната јавност.

Стратегијата е донесена од Владата, по предлог на Министерството за енергетика, рударство и минерални суровини, и претставува долгорочна рамка за развој на геолошките истражувања и рударството до 2046 година.

Со овој документ се создава основа минералното богатство да не биде само предмет на експлоатација, туку двигател на домашната индустрија, инвестициите и долгорочниот економски развој, со одговорно управување и зачувување на животната средина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Надал најави враќање на теренот!

Еден од најдобрите светски тенисери во историјата, Шпанецот, Рафаел Надал би можел повторно да заигра на тенискиот терен, иако по завршувањето на својата професионална кариера призна дека не му недостига премногу тенисот.

По повод десетгодишнината од неговата тениска академија на Мајорка, Шпанецот минатата сабота организираше ревијален турнир на кој учествуваа Енди Мареј, Карлос Моја, Доминик Тим, Марат Сафин, Давид Ферер, Ришар Гаске и Фабио Фоњини. Легендарниот Шпанец, освојувач на 14 титули на „Ролан Гарос“, повторно го зеде рекетот в раце по тој повод и навести дека би можел да се врати на теренот преку ревијални мечеви.

„Во одреден момент повторно ќе играм ревијални мечеви, сакам да го сторам тоа. Подготовките бараат одреден напор, бидејќи телото треба да се доведе во соодветна состојба. Мислам дека е тоа нешто што треба да го пробам, но сакам да живеам ден за ден и да не размислувам премногу однапред“, изјави Надал, а пренесе „Л'Екип“.

Иако неговото тело претрпе бројни повреди во текот на кариерата, Надал очигледно не ја затворил целосно вратата за враќање на теренот, па макар и на ревијални натпревари.

„Сè уште чувствувам блага болка секој ден; исто така е точно дека имав операција и морав да вградам мала протеза во раката – тоа не е пријатно, но морав да го направам. Сепак, точно е и дека силната болка што долго време ме мачеше целосно исчезна, а тоа имаше многу позитивно влијание врз мојата ментална состојба. Психолошки се чувствувам подобро, имам помалку проблеми од порано и повеќе уживам во животот. Сето тоа е многу важно“, заклучи Надал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна таван во супермаркет во Јужна Кореја, десетици повредени

Најмалку 38 лица се здобија со полесни повреди откако дел од гипсениот таван се урна во супермаркет во јужнокорејскиот град Даегу, соопштија денеска локалните противпожарни служби.

Тие потврдија дека уште 66 лица биле евакуирани од објектот по уривањето, за кое било пријавено во 10:16 часот по локално време, пренесува „Јонхап“.

„Девет лица се пренесени во болници на лекување. Иако постои можност бројот на повредени да се зголеми, итните служби на терен проценија дека е малку веројатно некој да се здобил со сериозни повреди“, изјави претставничката на противпожарната служба, Јун Џонг-ми.

Кабинетот на јужнокорејскиот претседател Ли Џе-мјунг соопшти дека на официјалните лица им било наложено да вложат максимални напори за спасување на луѓето и да обезбедат детален и брз одговор на оваа несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.