Швајцарец бил туристот, кој скокна од мостот во Мостар и беше претепан од мештаните- испрати порака (ВИДЕО) - Канал 5

Балкан

Швајцарец бил туристот, кој скокна од мостот во Мостар и беше претепан од мештаните- испрати порака (ВИДЕО)

Веста дека непознат млад човек скокнал од стариот мост во Мостар, а потоа бил претепан, брзо се прошири низ целиот регион, а сега е откриено за кого станува збор.

Швајцарец бил туристот, кој скокна од мостот во Мостар и беше претепан од мештаните- испрати порака (ВИДЕО)

Станува збор за Швајцарецот Лука Бонт, кој стана познат на социјалните мрежи по скокањето од голема висина.

Овој скок привлече големо внимание од јавноста и медиумите, но имаше и непријатна последица - откако излезе од Неретва, беше нападнат од група жители на Мостар, прво вербално, а потоа и физички, пишува Црна хроника.

Иако точната причина за нападот не е сосема јасна, се претпоставува дека проблемот бил во тоа што Бонт скокнал без дозвола и дека не ги почитувал вообичаените правила, бидејќи скокањето од Стариот мост традиционално го изведуваат само членови на локален клуб со строги безбедносни мерки.

Невештото изведување на скокот се смета за опасно, и за скокачот и за другите во водата. Некои, сепак, во коментарите тврдеа дека жителите на Мостар го нападнале младиот човек бидејќи скокањето е строго резервирано за локалните момци, кои наплаќаат за „фрлање“ од мостот и заработуваат пари од туристите.

И сега еден Швајцарец скокна и покажа дека и тој може да го направи тоа...

Бонт на Инстаграм рече дека не разбира зошто бил нападнат, но се пошегува дека сега станал познат во Босна и Херцеговина.

Полицијата сè уште официјално не го коментирала инцидентот, а јавноста е поделена. Додека некои го поддржуваат Бонт како турист кој бара возбуда, други веруваат дека ги прекршил локалните обичаи и ја загрозил безбедноста.

Тагови: Мостар туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер