Формула

Шумахер не е човекот кој сите го паметиме, вели водечки италијански неворхирург

Еден од водечките италијански неврохирурзи, Никола Акијари, тврди дека легендата во Формула 1, Михаел Шумахер (51) е „значително различен“, пренесува Дејли Меил.

На 29 декември 2013 година, во скијачка несреќа Шумахер се здоби со тешка повреда на мозокот кога паднал и удрил во карпа додека минувал по необележана патека. Лекарите рекоа дека тој скоро сигурно ќе умрел доколку не носел шлем. Поранешниот возач на Формула 1 потоа беше во индуцирана кома шест месеци. Од 9 септември 2014 година, Шумахер се лекува во неговиот дом на Женевското Езеро. За него се грижи неговата сопруга Корина и децата Џина-Мари (22) и Мик (20).

Шумахер повеќе не е во кома, но хирургот од италијанската клиника во Болоња тврди дека е доста различен од личноста на која светот се сеќава. Семејството на Шумахер ретко зборува за неговото здравје.

Акијари, сепак, верува дека Шумахер повеќе не е човекот кој доминирал во светот на Формула 1 од 1994 до 2004 година. "Мора да замислиме личност која е значително различна од онаа што ја паметиме од трките. Неговиот скелет и мускулатура се многу различни и истрошени". , изјави тој за италијанскиот весник Контро Комотина. „Сето тоа е поради повредата на мозокот “.

Поранешниот менаџер на Формула 1 во Ферари, Жан Тод, минатиот јуни за Радио Монте Карло изјави дека Шумахер напредува добро, но се бори со комуникацијата. Тој исто така рече дека Шумахер може да ги гледа трките во Формула 1 во неговиот дом во Швајцарија.

"Јас сум претпазлив со ваквите изјави, но тоа е вистина. Ние ја гледавме трката заедно во неговиот дом во Швајцарија. Михаел е во најдобри раце, тој не се откажува и сe уште се бори", рече Тод и додаде дека Шумахер не бил во вегетативна состојба.

Францускиот весник „Ле Парисиен“ објави во септември минатата година дека Шумахер бил примен во болница во Париз и бил подложен на антиинфламаторно лекување, кое вклучува перфузија на матични клетки. Медицинскиот персонал што се грижи за Германецот изјави дека е свесен.

Поранешниот менаџер на возачот на Формула 1, Михаел Шумахер Вилхелм „Вилијам“ Вебер тврди дека сопругата на Шумахер, Корина, ја крие вистината за здравјето на легендата. На Вебер, пријател на Шумахер и поранешен менаџер му е забрането да го посети 50-годишниот Германец, а тој тврди дека ситуацијата не е како што изгледа и дека сопругата на возачот се грижи дека „вистината“ ќе излезе на виделина. "

Шумахер не е виден во јавноста од несреќата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изборниот законик влезе во собраниска процедура по скратена постапка, опозицијата најавува блокада

Изборниот законик кој е дел од реформската агенда по скратена постапка влезе во собраниска процедура.

Од опозициската СДСМ излегоа со забелешки против носењето на законикот кој според нив е алиби на власта за исполнување на реформската агенда, а целта како што велат, била да се направи контролиран систем на гласање на изборите. Блокада најави и Левица чии претставници учествуваа во работната група. Од власта со оценка дека бојкотот е алиби на СДСМ за изборниот дебакл на следните избори. ВМРО-ДПМНЕ го обвини лидерот на СДСМ за кочење на реформската агенда, а потегот за бојкот го оцени како алиби за изборниот пораз што би го имале на следните избори. ВМРО-ДПМНЕ тврди дека не се брза со носењето на изборниот законик затоа што според нив за измените се разговарало четири месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Цените на телефоните и лаптопите драстично ќе растат: Лоши вести од Волстрит

Кризата со меморијата нема да се намали, а потрошувачите ќе ја платат цената, тврди истражувачка фирма.

Ако се надевавте дека кризата со меморијата наскоро ќе се намали, имате лоши вести. Тие доаѓаат директно од Волстрит.

Вашиот следен паметен телефон, лаптоп или таблет би можел да чини уште повеќе, без оглед на тоа дали веќе неодамна се зголемила цената.

Инвестициската банка Џефрис ја издаде својата најјасна и најмрачна прогноза досега.

Се очекува цените на меморијата да скокнат за 40-50% во третиот квартал од 2026 година во споредба со тековниот квартал. Иако би било одлично ако запре тука, цените би можеле да се зголемат за уште 30-40% во четвртиот квартал од оваа година.

За целата 2027 година, Џефрис проектира раст од 40-45% на годишно ниво. Врз основа на овие последователни проценки, очекуваме збирно зголемување на цените од приближно 150–205% помеѓу сега и крајот на 2027 година.

Единственото вистинско олеснување доаѓа во 2028 година, кога се очекува околу 15–20% од новиот производствен капацитет да стане оперативен. Дури и тогаш, побарувачката за вештачка интелигенција и компјутерска технологија ќе продолжи да расте во исто време. Со други зборови, таа нова понуда можеби нема да биде доволна за сите (објавено од Wccftech).

Истражувачката фирма „Gartner“ независно предвиде дека комбинираните цени на „DRAM“ и „SSD“ би можеле да скокнат за 130% до крајот на 2026 година, што би ги зголемило просечните цени на персоналните компјутери за 17% и цените на паметните телефони за 13% во споредба со нивоата од 2025 година.

Кога ќе ги ставите тие 13% на телефон од 1.000 долари, тоа се дополнителни 130 долари на вашата сметка. Гартнер, исто така, предупреди дека сегментот на нискобуџетни персонални компјутери (уреди што чинат помалку од 500 долари) би можел практично да исчезне до 2028 година, едноставно затоа што компаниите можеби нема да можат да ги покријат трошоците за компоненти, а камоли да остварат пристоен профит. Уште полошо, 50% од вкупниот капацитет на меморијата е веќе резервиран во долгорочни договори со големи технолошки компании, а таа бројка би можела да се зголеми на 70%, оставајќи уште помалку залихи за потрошувачка електроника (објавено од CNBC).

Извор: Б92

Тагови: меморија цени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Крај на хидрауличните сопирачки? „Brembo“ има сосема ново решение

„Brembo“ ги развива сопирачките на иднината со вештачка интелигенција и електронска контрола.

Со зголемениот број на хибридни и електрични автомобили, класичните хидраулични системи за сопирање стануваат сè помалку релевантни, бидејќи дел од забавувањето го преземаат електричните мотори преку регенеративно сопирање. Затоа „Brembo“ разви сосема нов систем за сопирање, „Sensify“, кој ја елиминира хидрауликата и се потпира исклучиво на електронска контрола.

Новиот систем користи технологија „brake-by-wire“, т.е. електронска врска помеѓу педалата за сопирање и системот за сопирање. Наместо течност за сопирање, „Sensify“ користи сензори, електронски актуатори и софтвер базиран на вештачка интелигенција.

Контролната единица го анализира притисокот што возачот го применува на педалата за сопирање, а потоа самостојно ја регулира силата на сопирање на секое тркало, постигнувајќи поголема прецизност, подобра стабилност на возилото и поефикасно сопирање.

„Brembo“ наведува дека „Sensify“ може лесно да се интегрира во нови платформи или во постојните системи како дел од напредните безбедносни пакети. Со елиминирање на хидрауличните компоненти, системот зафаќа помалку простор, е полесен и им овозможува на производителите поголема слобода во дизајнот на возилата. Новата технологија покажува каде ќе се развиваат системите за сопирање, особено кај електричните автомобили, каде што електрониката и софтверот играат сè поважна улога.

Извор: Б92

Тагови: Brembo

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.