Шукова: Време е за нов пристап и реални решенија за младите и нивното домување - Канал 5

Македонија

Шукова: Време е за нов пристап и реални решенија за младите и нивното домување

Кандидатката за градоначалник на Град Скопје од СДСМ, Каја Шукова, учествуваше на панел дискусијата „Домот како основна потреба, а не привилегија“ во организација на Фондацијата „Фридрих Еберт“. 

Шукова: Време е за нов пристап и реални решенија за младите и нивното домување

Во своето обраќање, Шукова го истакна предизвикот што законот за домување во целост е во надлежност на централната, а не на локалната власт, и посочи дека е потребно да се отвори сериозна дебата, како и да се иницираат законски измени, со цел локалните самоуправи да можат да им помогнат на младите во справувањето со едно од најгорливите прашања – домувањето, кое претставува една од основните човечки потреби. Шукова на панелот го предложи виенскиот модел, со кој градот може да понуди станови и субвенционирана закупнина за младите до одредена возраст.

„Виена одлучила дел од давачките да им ги намали на оние што градат, за определен број станови. Тие станови инвеститорот ги отстапува на градот, а градот понатаму ги дава на категории граѓани, кои имаат потреба. Во Виена, овие станови ги користат млади лица. Јас сметам дека тоа е еден убав модел кој може да се примени и кај нас. Иако многу доцниме доколку ова се практикуваше пред 10 или 15 години денес ќе имавме солиден број станови кои младите ќе можеа да ги користат. Во таков случај, младите плаќаат само режиски трошоци, со обврска да го чуваат и управуваат станот според одредени правила и слично.“ – рече Шукова.

Шукова истакна дека, од друга страна, фондот на станови, имајќи предвид дека изградбата на згради е континуиран процес, ќе биде постојано обновуван и зголемуван. Ова, како што нагласи, можеби е амбициозна, но исклучително сериозна мерка која директно и суштински го адресира и решава проблемот со домувањето особено за младите. За ваков исчекор потребна е сериозна политичка волја, промена на постојните методологии за пресметка на комуналии и измени во неколку соодветни закони. Но, доколку тоа се постигне, оваа мерка би претставувала еволуција во решавањето на прашањето за домување на младите и единствен ваков пример во регионот, смета Шукова.

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос во Белфаст, маж се обиде да му отсече глава на човек - Маск ги повика луѓето да излезат на улица и да протестираат против мигрантите!

Нападот се случил  вчера околу 22:30 часот по локално време синоќа пред зграда во северен Белфаст. 

Хаос во Белфаст, маж се обиде да му отсече глава на човек - Маск ги повика луѓето да излезат на улица и да протестираат против мигрантите!

Вознемирувачко видео кое кружи на социјалните мрежи го покажува напаѓачот како се обидува да ја отсече главата на жртвата.

По страшниот инцидент со нож кој предизвика шок и осуда низ цела Северна Ирскасега властите стравуваат од големи немири во Белфаст.

Некои на социјалните мрежи, вклучувајќи го и Елон Маск, ги повикаа граѓаните да излезат на улиците и да протестираат против мигрантите, објавува Гардијан.

Инаку неколку мажи се обиделе да го спречат напаѓачот, дури еден од нив со дрвена палка го удирал.

Нападнатиот маж, кој е во четириесеттите години, заврши во болница. Лекарите ја опишуваат неговата состојба како сериозна. Тој добил сериозни повреди на лицето, вратот и грбот.

Полицијата соопшти дека уапсениот маж, за кој првично се верувало дека е од Сомалија, всушност бил Суданец во триесеттите години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Одговорност од Трипуновски за катастрофалната состојба во земјоделието

Вистина е дека за две години Влада на Мицкоски и ВМРО, македонското земјоделство е доведено во катастрофална состојба.

СДСМ: Одговорност од Трипуновски за катастрофалната состојба во земјоделието

Субвенциите се намалени за 40 милиони евра. Наместо зголемени субвенции како што лажеа кога беа опозицијата, земјоделците од ВМРО добија намалување.

Субвенциите за говеда се намалени од 12.000 на 8.000 денари по грло. Намалена е и поддршката за тутунот, од 100 на 80 денари за прва класа. Укинати се низа мерки кои директно ги поддржуваа малите земјоделци, лозарите и оризопроизводителите.

Земјоделците не се соочуваат само со намалени, туку и со неисплатени субвенции.

Илјадници сточари, житопроизводители, градинари и други производители сè уште ги чекаат средствата кои им следуваат, додека производните трошоци секојдневно растат.

Во меѓувреме, откупот од малите земјоделци падна за 46,2 проценти. Тоа е директен показател за колапсот на земјоделското производство и пласманот.

Сточарите протестираат поради доцнењето на субвенциите и поради намалените откупни цени на млекото. Млекарниците во повеќе наврати ги намалија откупните цени, а Владата остана нем набљудувач.

Житопроизводителите влегуваат во жетва без позната откупна цена и без исплатени субвенции.

Лозарите се оставени во неизвесност поради непочитување на законските обврски за утврдување на производна цена на грозјето. Оризопроизводителите останаа без значајни мерки за поддршка, а цената на оризовата арпа е драматично намалена.

Дополнително, Владата ги поништи повиците за набавка на трактори, механизација и друга опрема преку Програмата за рурален развој. Укинати се или стопирани мерки кои со години им помагаа на земјоделците да инвестираат и да го модернизираат своето производство.

На сето ова се надоврзуваат и сериозните корупциски скандали во секторот. Јавноста беше сведок на скандалото со ИПАРД програмата и митото од 50 илјади евра.

Затоа политичката одговорност не смее да се избегне и СДСМ поднесе интереплација за Цветан Трипуновски.

Време е Трипуновски да понесе одговорност за катастрофалната состојба во земјоделието.

Скопје, 10.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: На Филипче и СДС им пречи тоа што Македонија напредува

На Филипче и СДС им пречи тоа што Македонија напредува, за нив напредок е само преку национални отстапки.

ВМРО-ДПМНЕ: На Филипче и СДС им пречи тоа што Македонија напредува

Владата предводена од ВМРО-ДПМНЕ докажува дека европскиот пат е можен и без национални понижувања. Македонија е лидер во реформите и Планот за раст меѓу земјите од Западен Балкан, без да се продава идентитетот, без да се редефинира историјата и без да се релативизира македонскиот идентитет.

Тоа им пречи на СДС и на Филипче и затоа упорно тврдат дека без отстапки нема напредок.

Затоа граѓаните ги испратија СДС во опозиција, и неколкупати на избори им ја повторија пораката. Затоа што знаат дека на СДС не им е важна ниту државата, ниту народот, ниту идентитетот, ниту јазикот, ниту името. Нив ги интересира само власт, пари, моќ, амнестија.

Бугарија ја ветоизира Македонија на евроинтегративниот пат, а Филипче постојано се усогласува со ставовите на бугарската министерка за надворешни работи, Петрова Чамова.

Па така, Венко Филипче како специјален бугарски пратеник на Бугарија во Македонија, му се додворува на премиерот на Бугарија, Румен Радев, со некаква цел и замисла да дојде на власт.

Доколку Филипче и СДС би биле власт веднаш би прифатиле секакви национални отстапки и повторно би ја обезличиле Македонија, како што тоа било правено наназад секогаш кога СДС е на власт.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер