Шукова со три итни мерки за Вардариште: 24 часовен надзор, оградување и забрана за влез - Канал 5

Македонија

Шукова со три итни мерки за Вардариште: 24 часовен надзор, оградување и забрана за влез

Кандидатката за градоначалник на Скопје, Каја Шукова, денеска одржа прес-конференција пред депонијата Вардариште, нагласувајќи дека над 150.000 жители од општините Аеродром и Гази Баба секојдневно се изложени на чад и загадување.

Шукова со три итни мерки за Вардариште: 24 часовен надзор, оградување и забрана за влез

„Екоцидот во Вардариште мора да запре веднаш. Моето прво и најитно решение е воведување на 24-часовен надзор, целосно оградување на депонијата и забрана за влез на сите лица освен вработените од ‘Комунална хигиена’, за да престане палењето на отпад и да се заштити здравјето на граѓаните,“ рече Шукова.

Таа нагласи дека ова е интервентна мерка, која е неопходна пред да се премине кон долгорочни системски решенија, како изградба на нова претоварна станица, обновување на механизацијата и воведување на задолжителна селекција на отпадот.

„Скопје не смее да биде жртва на политички игри и празни ветувања. Вардариште мора да се заштити веднаш, а граѓаните да дишат чист воздух,“ додаде Шукова.

Во прилог ви го испраќаме интегрално обраќањето на Шукова:

Почитувани,

Над 150.000 жители на Аеродром и Гази Баба се гушат и се трујат од пожарите во Вардариште. Ова е опасно секојдневие на скопјани цели четири години, резултат на ВМРО-ДПМНЕ и Данела Арсовска.

Додека Скопје тоне во отпад, чадот од депониите го труе градот, Орце Ѓоргиевски не нуди решение, туку измама. А неговата партија, креатор на овој еколошки хаос, не презема ништо.

Едноставно, недозволиво. На овој екоцид мора веднаш да му се стави крај, а потоа да се обезбеди системско решение.

Јас нудам реално и рационално решение кое ќе го заштити Скопје и ќе стави крај на труењето во пет чекори:

1. Прво, интервентна мерка: веднаш оградување и обезбедување на Вардариште со 24 часовна физичка контрола и пристап само за вработените од „Комунална хигиена“, за да престане палењето на отпад. Тоа треба одма да се направи.

2. Современ проект – изградба на нова претоварна станица по сите стандарди и санација на веќе контаминираната локација.

3. Системско управување – целосен тек на отпадот, од собирање до финално депонирање во Дрисла, со задолжителна селекција како единствена разумна алтернатива.

4. Обнова на механизацијата – целосна замена на амортизираната и нефункционална механизација за собирање и транспорт на отпад.

5. Постојана контрола, надзор и мониторинг за обезбедување на највисоки стандарди.

Ова е вистинското решение за Скопје.

ВМРО-ДПМНЕ 4 години го остави градот да се дави во ѓубре. А денес гледаме како нивниот кандидат Ѓоргиевски нуди уште една лажна надеж, парк на најзагадената и технички најкомплицирана локација во главниот град.

Со тоа ветување, тој или свесно манипулира со граѓаните, или нема елементарно познавање што зборува.

Вардариште не може да биде парк, од неколку јасни причини:

Во тек е арбитражна постапка во Париз за проектот „Скопски колектор“ што минува токму низ Вардариште и пренамена е невозможна. Уште во 2017 година, со поддршка од ЕУ, изработена е документација која предвидува претоварна станица, а не парк. И во моментов тече јавна набавка за целиот регионален систем за управување со отпад, секоја политичка интервенција е штетна, незаконска и опасна.

Решението кое што го нудам е вистински и системски одговор на проблемот со отпадот, поаѓа од неопходноста на Скопје за претоварна станица за отпад и од еколошките нормативи и стандарди! Сè друго е само уште една голема лага од ДПМНЕ и Орце Ѓоргиевски, рече Каја Шукова, кандидатка за градоначалничка на Град Скопје.

YouTube video

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пица вафли

Во петок (06.11.2026) во емисијата гостин ни бeше Стојне Карадакоски - Баба Ружа

„Гответе со Дракче“ - Пица вафли

Состојки за денешниот рецепт:

120 гр. брашно

100 мл. млеко

1 јајце

2 лажици доматно пире

100 гр. кашкавал

1 прашок за пециво

1 лажиче италјански зачин или оригано

100 - 200 гр. шунка или салама

100 гр. кечап

100 гр. мајонез

масло

сол, бибер и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рути: Сè уште не е јасно дали мирот е близу

Генералниот секретар на НАТО, Марк Руте, изјави дека останува нејасно дали мирот е близу, по новите трилатерални разговори во врска со конфликтот во Украина и средбата меѓу американските претставници и рускиот претседател Владимир Путин.

Рути: Сè уште не е јасно дали мирот е близу

„Многу е тешко да се каже. Она што го знам е дека сите вклучени страни – првенствено Стивен Виткоф и Џаред Кушнер, како и Европејците и Украина – работат неуморно за да стават крај на оваа војна“, изјави Руте за агенцијата АФП за време на самитот на европските политички лидери во Даблин.

Тој одби да ја коментира суштината на преговорите, но нагласи дека САД, Европа и Украина се „на иста страна“. Руте ги отфрли сугестиите дека Русија би можела да влијае врз одлуките на Алијансата, откако и од Вашингтон и од Москва пристигнаа навестувања дека европските безбедносни аранжмани би можеле да бидат преиспитани како дел од тековните разговори.

„Ова не е тема за дискусија“, додаде Руте, пренесува агенцијата „Срна“. Руте нагласи дека е „многу важно“ Европејците, Украина и САД да постигнат договор за тоа што е прифатливо, а што не.

Тагови: Марк Руте НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хаос во селекцијата на Франција, Мбапе и Зидан во конфликт?!

Односите во таборот на француската фудбалска репрезентација наводно се сериозно разнишани, а во центарот на вниманието се новиот селектор Зинедин Зидан и капитенот Килијан Мбапе, пренесуваат локалните медиуми. 

Хаос во селекцијата на Франција, Мбапе и Зидан во конфликт?!

Иако официјалната причина поради која напаѓачот на Реал Мадрид го пропушти натпреварот од Лигата на нации против Италија е проблем со грбот, телевизискиот водител Сирил Ануна тврди дека повредата не е единствената причина за ваквиот развој на настаните.

Гостувајќи во емисијата „Tout beau, tout neuf“, Ануна истакна дека постојат несогласувања меѓу селекторот и првата ѕвезда на тимот, како и дека Зидан нема намера да го толерира неговото однесување.

Наводниот конфликт датира уште од првото собирање на националниот тим под водство на Зидан.

Новиот селектор тогаш одлучил да го премести Мбапе на левата страна од нападот, додека улогата на централен напаѓач му ја доделил на Усман Дембеле.

Оваа тактичка замисла наводно не наишла на одобрување кај капитенот на „триколорите“, со оглед на тоа што во дресот на Реал Мадрид, во последно време, тој главно игра како најистурен напаѓач. Покрај тоа, Хануна наведува дека Мбапе не бил задоволен ниту од својата физичка подготвеност, поради што не сакал да ризикува и да настапи против Италијанците.

„Зидан нема да биде толку попустлив кон него како што беше Дидие Дешамп. Мбапе се однесуваше како разгалена ѕвезда, велејќи дека има многу повреди и дека не знае дали ќе игра. Зидан му одговорил дека тогаш нема ни да игра“, изјави Хануна.

Според дополнителните тврдења на овој водител, ситуацијата во националниот тим е прилично напната, а односите меѓу Мбапе и одредени соиграчи, исто така, не се на најдобро ниво.

Хануна заклучува дека Зидан одлучил веднаш да воспостави јасен авторитет и му соопштил на капитенот дека тој нема да биде во составот за натпреварот против Италија, напоменувајќи дека би можел да се врати во тимот за следниот натпревар против Турција.

Пораз од Италија Во 5. коло од Лигата на нации, Франција беше поразена од Италија во Милано. Резултатот на натпреварот беше 3:1, а Италијанците победија по пресврт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер