Ракот на дебелото црево е еден од најопасните, подмолни малигни тумори, кој речиси нема никакви симптоми додека пациентот не влезе во последната фаза од болеста. Затоа напредните, превентивни прегледи се од суштинско значење за навремено откривање на болеста.

Станува збор за ендоскопска процедура која овозможува преглед на внатрешноста на дебелото црево. Процедурата трае од 30 до 45 минути и е неопходна кога постои сомневање за рак на дебелото црево. Постапката се изведува под локална или краткотрајна општа анестезија. Пред самиот преглед потребно е пациентот да ги следи препораките на лекарот кои се спроведуваат како подготовка за успешна колоноскопија.

Во интервју за „New York Post“, д-р Дејвид Риваданера, хирург и специјалист за дебелото црево во болницата Хантингтон, ги открива четирите најголеми грешки што луѓето ги прават кога станува збор за колоноскопијата.

Избегнување на колоноскопија

Најголемата грешка што луѓето можат да ја направат е воопшто да не направат колоноскопија, без разлика колку процедурата е непријатна или чувствувате страв од болка или страв од помислата дека нив вашиот ректум и црева поминува камера.

- Луѓето се плашат од колоноскопија, а стравот најчесто го предизвикува инвазивната процедура и непријатноста. Избегнувањето на овој вид преглед е исклучително опасно, особено ако сте изложени на ризик од развој на рак на дебелото црево. Дали попрво би ја издржале непријатноста или би се разболеле и би умреле? - прашува д-р Риваданера.

Според него, особено мажите, првата колоноскопија би требало да ја направат на 45 години.

Ако сте изложени на посебен ризик, треба да го направите прегледот порано. Ова се однесува на оние кои имаат генетска предиспозиција за оваа болест (некој во семејството имал или починал од рак на дебелото црево), ако имате полипи или хемороиди што крвават - додава тој.

Чистење

Лекарот открил дека многу луѓе ја одложуваат колоноскопијата бидејќи подготовката вклучува чистење на цревата. За да се постигне тоа, потребно е да се земаат лаксативи, што значи празнење на цревата, кое може да трае од 12 до 16 часа.

- Луѓето се плашат од процесот на подготовка и чистење. Лично имам направено пет колоноскопии и никогаш не сум мислел дека процесот на чистење е толку ужасен, но многу луѓе не сакаат да пијат раствор за да го измијат дебелото црево. Да, многу луѓе избегнуваат колоноскопија само поради оваа причина, вели д-р Риваданера.

Тој нагласува дека процесот на чистење е „значително подобрен“ во последните 10 до 15 години.

- Претходно се пиеја четири литри од овој раствор со ужасен вкус. Веќе не е така. Постојат препарати и апчиња кои луѓето можат да ги пијат, а кои го имаат истиот ефект. Договорете се со вашиот општ лекар што најмногу ви одговара - додава тој.

Јадење мрсна храна

Покрај земањето апчиња или раствори кои го поттикнуваат чистењето на дебелото црево, исклучително е важно да го следите планот за исхрана што го пропишал вашиот лекар, бидејќи ако не го сторите тоа може да имате последици.

- Се препорачува да јадете лесна храна неколку дена пред колоноскопијата. Ако треба да земете лаксатив за да го исчистите дебелото црево, тешко дека ќе делува ако сте јаделе тешка храна, како стек, компири... Овие намирници се лепат на дебелото црево и ќе ви треба подолго време да се подготвите. Доколку внатрешната обвивка на дебелото црево не е доволно чиста, тогаш не можеме да видиме никакви промени и процедурата се прекинува, бидејќи секоја манипулација со инструментот може да доведе до перфорација, а тоа никој не го сака - вели докторот.

Млеко никако

Ден или два пред процедурата, според д-р Риваданера, треба да пиете и јадете само бистри течности.

- Обично пијам бистра течност 24 часа пред прегледот, Тука спаѓа бистра пилешка или говедска супа, супа од зеленчук, бистри чаеви... Никогаш не треба да се консумираат темни течности како црн чај или млеко бидејќи можат да ја „замаглат“ снимката при прегледот – нагласува д-р Риваданера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.