Ислам Абази го заштити Венко Филипче за случајот со модуларната болница.

Ислам Абази аргатот на Филипче, Заев и Ахмети, во последните месеци од раководењето со ОЈО ГОКК ги заштити криминалците во државата.

Предметот фати прашина во фиоките на Вилма Русковска и Елизабета Јосифовска од СЈО, за да сега по 5 години, да се затвори судскиот процес, без да има истрага.

Ова е тоа корумпирано и корозирано судство и обвинителство, кое работи под диригентските палки на СДС и ДУИ.

Зошто сметаме дека Филипче е директниот виновник во ово случај? Затоа што пред да се случи пожарот во модуларната болница каде што загинуваат 14 наши сограѓани, наместо да се подобрат стандардите на болниците, Министерството за транспорт и врски, по предлог на владата, го промениле Законот за градење по итна постапка, со цел овој тип на објекти да ги преместат во урбана опрема за чие поставување одобрение ќе издава Министерството за здравство, односно тогашниот министер, Венко Филипче.

Овие болници не се запишани во катастар, немаат добиено одлука од владата за трајно користење и немаат одобрение за употреба по правилник за простор опрема и кадар.

За овие работи, има евиденција во проектната единица во Министерството за здравство и истата е предадена на Јавното обвинителство за организиран криминал на ден 12.12.2023.

И по ова, Абази вели дека случајот треба да се затвори, затоа што не постои сомнение за злоупотреба на службена положба.

Поради вакви корумпирани поединци како Абази, Филипче наместо да одговара, тој ќе се смее од партиската говорница и ќе ужива на јахтата на Заев.

Миле Лефков, член на ИК и пратеник на ВМРО-ДПМНЕ

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сепак, зад неговата блескава кариера и статусот на една од најголемите холивудски ѕвезди се крие приказна за еден неверојатен гест што тој го направил за луѓето кои биле покрај него многу пред да стане славен.

Во 2013 година, холивудскиот актер одлучил да ги награди своите 14 најблиски пријатели, подарувајќи му на секој од нив по еден милион долари во готовина. Тој поделил вкупно 14 милиони долари, а според неговиот пријател Ренд Гербер, отишол и чекор понатаму, покривајќи ги даноците за неговите пријатели навистина да можат да ја задржат целосната сума од еден милион долари. На 27 септември 2013 година, Клуни ги поканил своите пријатели – група мажи кои себеси се нарекуваат „Момците“ (The Boys) – на вечера.

Не ја открил причината за собирањето, а по нивното пристигнување, ги очекувало огромно изненадување. На секое место на масата ги чекала по една куфер-торба со еден милион долари во готовина.

Подоцна, во интервју за магазинот *GQ*, Клуни открил дека парите ги обезбедил од трезор во Лос Анџелес во кој се чувале големи количини готовина. За да не привлекува внимание, ги пренесол парите со старо комбе означено како возило за достава на цвеќе, а потоа ги спакувал во 14 торби.

Пред тоа, тој им покажа на своите пријатели мапа на светот и им раскажа за сите места што успеал да ги посети и за искуствата што ги стекнал во текот на животот.

Јасно им стави до знаење дека и тие имале удел во неговиот успех. Актерот нагласи дека не ги заборавил годините кога немал пари – време кога пријателите му помагале на разни начини: некои му позајмувале пари, додека други дури му дозволувале да спие на нивните каучи.

Во моментот кога одлучи на секој од нив да му подари по еден милион долари, Клуни веќе беше исклучително успешен.

„Без нив, немаше да го имам сево ова“, тврдеше тој. Ова се случи само неколку месеци откако Џорџ ја запозна адвокатката за човекови права Амал Аламудин, иако во тоа време сè уште не беа во врска. Таа го промени неговиот поглед кон бракот; откако се разведе од актерката Талија Балсам во 1993 година, тој се беше заколнал дека никогаш повеќе нема да стапи во брак. Амал беше жената што го освои, а во септември 2014 година, тој се ожени со неа.

Три години подоцна, тие добија близнаци – ќерката Ела и синот Александар. Двојката го чува својот семеен живот подалеку од очите на јавноста; во потрага по подобар квалитет на живот, тие се преселија во Франција бидејќи сакаа на своите деца да им овозможат помирно детство, далеку од Холивуд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Премиерот Христијан Мицкоски, за време на денешната посета на Општина Прилеп, запрашан за споредба на просечната старосна пензија за време на владата на СДСМ и ДУИ и оваа влада, истакна дека на месечно ниво таа се зголемува за 325% повеќе отколку во времето на владеењето на СДСМ и ДУИ.

„Гледам како на отворена сцена опозицијата се препелка по она мое интервју дадено на еден национален медиум каде што направив споредба во зголемувањето на старосната пензија на корисниците во периодот од Владата предводена од ВМРО-ДПМНЕ заедно со коалициските партнери ВРЕДИ и ЗНАМ и Владата предводена од СДСМ и ДУИ. При таа споредба јасно кажав дека во овие две години, во овие 24-25 месеци — во случајот конкретно на тоа интервју реков 23 месеци, но сеедно е бидејќи двапати годишно се усогласува пензијата — оваа влада успеала просечно месечно за 296 денари да ја зголеми пензијата, додека претходната влада за 83 месеци успеала за 91 денар. Кога ќе се споредат овие два параметра, доаѓаме до 3,25 пати повеќе сега отколку во времето на владата на СДСМ и ДУИ, или тоа е математички прецизно 325%“, потенцираше Мицкоски.

Тој исто така нагласи дека доколку се споредат првите 25-26 месеци на владата на СДСМ и ДУИ со овие 25-26 месеци од оваа влада предводена од ВМРО-ДПМНЕ, излегува дека просечната старосна пензија сега се зголемила за 12,5 пати повеќе во споредба со претходната влада.

„Еве уште една споредба ќе им кажам кога станува збор за старосните пензии. Еве да ги споредуваме првите 25-26 месеци од претходната влада во периодот јуни 2017 до јуни-јули 2019 година со овие 25-26 месеци од оваа влада, односно тогаш просечната старосна пензија за првите 25-26 месеци од претходната влада се зголемила за цели 540 денари. Во овие 25-26 месеци на владата предводена од ВМРО-ДПМНЕ, просечната старосна пензија се зголемила за нешто повеќе од 6.800 денари или, математички прецизно, тоа е повеќе од 12,5 пати. Таа е разликата“, нагласи Мицкоски.

Тој додаде дека талогот во опозицијата треба да ја прифати оваа реалност и да излезе од безидејноста доколку сакаат да бидат конкурентни на македонската политичка сцена, а оваа влада ќе продолжи со проекти и работа како што се испорачуваат насекаде низ државата.

„Тој талог во опозицијата треба да ја прифати оваа реалност, конечно да излезе од таа безидејност во којашто во моментов се наоѓа, ако сака да биде конкурентна понатаму на политичката сцена во Македонија, но тоа е впрочем на крајот од денот и нивен проблем, не е наш проблем. Ние имаме јасна цел. Наша цел се проекти како овој коишто се испорачуваат на повеќе од 1.200 места низ државата, реформите, да го стабилизираме системот којшто не постоеше“, подвлече Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.