Автомобилизам

Што се случува со возилата на „LPG“ во Европа: Продажбата расте, Дачија доминира на пазарот

Производителите на автомобили кои нудат возила на течен нафтен гас (LPG) ги намалуваат просечните емисии на CO2 на своите возни паркови, што е исто така клучен чекор во избегнувањето казни од Европската Унија.

Продажбата на возила на течен нафтен гас (LPG) во Европа се очекува да се зголеми за 10 проценти во 2025 година, бидејќи лидерот на пазарот, „Renault Group“, предводен од Дачија, го проширува својот асортиман на „LPG“. Пониските даноци на „LPG“ во споредба со бензинските модели на пазари, вклучувајќи ги Италија, Шпанија и Франција, ја зголемија побарувачката.

Производителите на автомобили кои нудат возила на „LPG“ ги намалуваат просечните емисии на CO2 на своите возни паркови, што е исто така клучен чекор во избегнувањето казни од Европската Унија.

„Тоа е клучна алтернатива ако сакате да го намалите вашиот јаглероден отпечаток со многу прифатливо решение“, изјави за „Automotive News Europe“ Франк Марот, директор за продажба на брендот Дачија.

Сепак, „LPG“ се приближува кон крајот на својот животен век поради промените во законодавството на Европската Унија за емисии на CO2 од 2030 година, што ќе ги принуди производителите на автомобили да лансираат повеќе електрични автомобили и да се откажат од производството и продажбата на возила што работат на „LPG“.

„Тоа нема да биде понуда што може да се продолжи по 2030 година“, рече Марот.

Продажбата на возила на „LPG“ се зголеми за 9,8 проценти на 347.717 во 2025 година, според прелиминарните податоци од аналитичарот на пазарот „Dataforce“.

Групацијата „Renault“ беше неоспорен лидер во продажбата на автомобили на „LPG“, со пазарен удел од 89 проценти, откако ја зголеми продажбата за 14 проценти во 2025 година.

Италијанската „DR Motor Company“ беше втора со 6,2 проценти, а „Hyundai-Kia“ беше трета со 3,8 проценти.

Производителите на автомобили можат да ги намалат емисиите на CO2 од бензинските модели за 10 g/km со додавање резервоар за „LPG“ покрај резервоарот за бензин и конвертирање на моторот или фабричко вградување на „LPG“.

„LPG“ е значително поевтин по литар од бензинот, што ги прави автомобилите поекономични за сопствениците во однос на трошоците за работа. Дачија беше бренд број еден на „LPG“ во Европа минатата година со продадени 228.962 возила. Моделот Сандеро учествуваше со нешто повеќе од половина од таа бројка.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Топлото време ќе продолжи и во следните денови, можна нестабилност во попладневните часови

Голем дел од источна и северна Македонија во текот на вчерашниот ден беше зафатена од силно невреме кое на повеќе локации предизвика и штети...

Од УХМР велат дека топлото време ќе продолжи и следните денови со можна нестабилност во попладневните часови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Србин два пати летово „летал“ низ Македонија двојно побргу од дозволеното- уапсен е

Лишен од слобода српски државјанин, двапати летово возел со повеќе од двојно над дозволената брзина.

Вчера (29.08.2026) во 23:20 часот, на Граничниот премин Табановце, на излез од државата, полициски службеници го лишиле од слобода Д.П.(34) од Република Србија, откако при проверка на патничко возило „шкода“ со српски национални ознаки, управувано од него, преку системот „Безбеден град“ било констатирано дека во два наврати бил евидентиран како сторител на кривично дело по член 297-а од Кривичниот законик – „безобѕирно управување со моторно возило“.

Имено, на 22.07.2026 година, во 13:42 часот, на автопатот А1, во близина на Демир Капија, Д.П. управувал со возилото со брзина од 163 километри на час, а на 20.08.2026 година, во 19:40 часот, на истата делница, повторно управувал со брзина од 169 километри на час, и во двата случаи на место каде што максимално дозволената брзина изнесува 80 километри на час.

Д.П. бил лишен од слобода и спроведен во Полициската станица од општа надлежност Неготино за понатамошна постапка. За случајот ќе биде поднесена соодветна кривична пријава.

МВР апелира до сите учесници во сообраќајот да ги почитуваат сообраќајните правила и ограничувањата на брзината. Безобѕирното и пребрзо возење сериозно го загрозува животот и безбедноста на сите учесници во сообраќајот. Возете одговорно и почитувајте ги правилата – брзината никогаш не е поважна од човечкиот живот, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожарот на „Пелистер“ локализиран, опасноста од ширење и натаму голема

Пожарот кој изби во атарот на село Макази, ресенско, и беше опасност за Националниот парк „Пелистер“ е ставен под контрола. Сепак, заканата и натаму постои...

Пожарот што вчера попладне избувна од преспанската страна поради силниот ветер брзо се прошири во пониските делови на Националниот парк „Пелистер“. По повеќечасовна битка со огнот, пожарот во текот на ноќта е локализиран, но опасноста од негово повторно активирање и ширење останува голема и ќе зависи од временските услови. Во гаснењето на пожарот нема повредени пожарникари велат од ДЗС.

„Во доцните часови беше воспоставена блага контрола врз овој тежок за гаснење пожар но побарав дополнителна поддршка од доброволните пожарникари во Битола кои во текот на целата ноќ беа поддршка на противпожарните тимови. Обезбедивме и механизација која над боровите врши противпожарна пресека каде ќе се обидеме да го спореме огнот. Но на пладне почнаа повторно почнаа да се појавуваат горливи точки. Дејствуваат ер трактори на ДЗС.“

На терен цела ноќ биле екипи на Националниот парк, противпожарните единици од Битола и Ресен, доброволното противпожарно друштво како и екипи со механизација. Денес во гаснењето е вклучен и армиски хеликоптер, а се очекува дополнителна воздушна поддршка со два „ер трактори“.

„Се надеваме дека ер-тракторите ќе успеат да го намалат движењето на пожарот за да можеме во текот на вечерните ќасови да реагираме на терен за целосно да го локализираме пожарот.“

Пожарот го зафати понискиот дел од Националниот парк „Пелистер“, каде огнената стихија се шири низ шумскиот појас. Екипите на терен продолжуваат со гаснењето и со локализирање на жариштата, а поради тешко пристапниот терен интервенцијата е отежната.

„Се работи за мал дел од територијата на националниот парк Пелистер, за понискиот дел. Со повисоките температури во текот на денот имаме повторно разгорување.“

Надлежните остануваат на терен и во текот на денот, со цел да се спречи повторно активирање на пожарот. Во моментов приоритет е целосно локализирање на жариштата и заштита на шумскиот фонд во Националниот парк „Пелистер“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.