Здравје

Што се случува со телото ако секој ден јадеме мандарини?

Ова овошје е богато со витамин Ц, витамини Б комплекс, содржи бета-криптоксантини, антиоксиданси, богато е со калиум и многу други вредни состојки, но сепак со него не треба да се претерува.

Мандарините содржат околу 85 % вода и имаат само 50 калории на 100 g. Тие изобилуваат со витамин Ц, само една мандарина може да задоволи дури 43 % од дневните потреби на човечкото тело за тој витамин. Едноставно, тие се извор на здравје. Еве што се случува ако ги јадеме секојдневно.

1. Блескава кожа

Мандарините се богати со витамин Ц, кој ѝ помага на кожата да формира ново сврзно ткиво. Исто така, обезбедува создавање на провитамин А и селен во телото, кој го забрзува обновувањето на клетките и го прави тенот свеж, блескав и младешки.

2. Го зајакнуваат имунитетот и коските

Витаминот Ц не само што е корисен за кожата туку тој помага во зајакнувањето имунитетот, па покрај тоа што спречува болести, тој го подобрува расположението. Ова овошје содржи и мала количина на калциум, кој ги зајакнува коските.

3. Идеални се за слабеење

Мандарините се идеални за ужина, особено ако сакате да ослабеете. Содржат само 50 калории на 100 грама. Исто така, под кората тие имаат бела мембрана која повеќето луѓе ја отстрануваат со лупење, иако не би требало. Имено, таа мембрана содржи соединенија кои го поттикнуваат согорувањето на мастите, па мандарините помагаат и при слабеење.

4. Го штити срцето

Антиоксидансите во мандарините, како и калиумот, можат да го подобрат здравјето на срцето и да ги намалат ризик-факторите за срцеви заболувања. Имено, мандарините ја подобруваат функцијата на крвните садови, го намалуваат нивото на триглицеридите и ЛДЛ (лошиот) холестерол во крвта. На овој начин се намалува ризикот од атеросклероза, односно стеснување на артериите предизвикано од таложење на маснотии, кој е најчеста причина за срцеви заболувања.

5. Внимавајте со количината

Иако се исклучително здрави, експертите предупредуваат дека не треба да се претерува со мандарините. Препорачаната дневна доза е до 7 парчиња дневно. Премногу витамин Ц може да доведе до проблеми со желудникот и варењето, т.е. дијареа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Заврши гласањето во Србија, се бројат гласовите: Полиција со оклопни возила и заштитни огради во центарот на Белград

Рекордни околу 4,5 милиони граѓани или 70% од запишаните во избирачките список, излегоа на гласање на денешните вонредни парламенатрни избори во Србија..

Гласачките места се затворија во 20 часот и во тек е броењето на гласови.. Првичните резултати се очекуваат околу 22 часот...

Во меѓувреме во центарот на Белград полицијата распореди големи полициски сили со околпни возила за разбивање на демонтрации...

Таму е Михаило Донев.. Михаило, има ли некакави навестувања дека Белград го очекјува немирна ноќ, или тоа е само превентивна полициска активност?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Волво губи 333 милиони евра и најавува нов бран откази- укинуваат уште 2.500 работни места

Акциите на шведскиот производител на автомобили „Волво Карс“ паднаа за речиси 30 проценти во вторник откако компанијата објави многу поголема од очекуваната оперативна загуба во третиот квартал од 2026 година .

Акциите на шведскиот производител на автомобили „Волво Карс“ паднаа за речиси 30 проценти во вторник откако компанијата објави многу поголема од очекуваната оперативна загуба во третиот квартал од 2026 година и најави елиминација на дополнителни 2.500 работни места, претежно во Шведска.

„Волво Карс“ објави прилагодена оперативна загуба од околу 333 милиони евра во третиот квартал од 2026 година, во споредба со профит од околу 522 милиони евра во истиот период минатата година, објави „Ројтерс“.

Аналитичарите анкетирани од „Ситибанк“ очекуваа многу помала загуба од околу 65 милиони евра.

Компанијата се соочува со нееднаква побарувачка за електрични автомобили, растечки притисок од царините и влошување на пазарните услови во Кина.

„Третиот квартал од 2026 година беше многу разочарувачки и одразува година што стана многу попредизвикувачка отколку што првично очекувавме“, рече главниот извршен директор Хакан Самуелсон.

Новите отпуштања во „Волво Карс“ ќе влијаат на околу 2.000 работни места во Шведска и уште 500 низ целиот свет.

Намалувањето на персоналот, што одговара на приближно шест проценти од вкупната работна сила, ќе се спроведе преку раскинување на договорите со консултанти, природно отпуштање на вработените и целни пакети за доброволно заминување.

Волво, покрај претходно најавените заштеди од околу 2,07 милијарди евра, постави цел да ги намали индиректните трошоци и варијабилните трошоци за дополнителни околу 450 милиони евра до крајот на следната година.

Акциите на Волво Карс достигнаа рекордно ниско ниво оваа недела и изгубија повеќе од две третини од својата вредност од почетокот на годината.

Тагови: Волво

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

ЕУ загрижена поради насилните инциденти на изборите во Србија

Шефот на делегацијата на Европската Унија во Србија, Андреас Фон Бекерат, изрази длабока загриженост поради пријавените насилни инциденти на повеќе избирачки места за време на денешните предвремени парламентарни избори во Србија.

„Длабоко сме загрижени поради пријавените насилни инциденти на повеќе избирачки места“, порача Фон Бекерат.

Неговата реакција доаѓа во текот на изборниот ден, кога од повеќе локации во Србија пристигнуваат информации за инциденти и нарушувања на гласачкиот процес.

Изјавата претставува реакција на Европската Унија на пријавите за изборно насилство, но во засега достапниот дел од соопштението не се наведени конкретните избирачки места на кои се однесува загриженоста, ниту дополнителни детали за инцидентите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.