Покрај оние кои во јавност користат наркотични средства, со 100 до 250 евра ќе се казнуваат и оние кои ги поседуваат за лична употреба, што досега не беше пракса, ниту впишано во законската регулатива, МВР го допрецизира членот 20 од Законот за прекршоците против јавниот ред и мир. Во предлог-законот е наведено е дека, оние кои ќе бидат фатени ќе бидат тестирани, а воедно на вага ќе се ставаат и психотропните супстанции кои ги поседуваат. Целта, како што се вели во образложението на подносителот, е да се натераат корисниците да не го повторат прекршокот, но и за посоодветна борба со овој криминал...
-Предметната измена, од една страна ќе овозможи санкционирање на сторителите кои поседуваат наркотични дроги, психотропни супстанци и прекузори, а од друга страна може позитивно да влијае на рецидивистите на овој вид на прекршок, посебно одвраќање на нивната намера да поседуваат ваков тип на дроги, супстанци и прекузори, со што ќе се зајакне залагањето на правосудните органи во борба против овој вид на криминал. Со усвојување на предложените решенија ќе се прошири основот за санкционирање во членот 20 од Законот за прекршоците против јавниот ред и мир и на поседување на наркотични дроги, психотропни супстанци и прекурзори, како и ќе се надминат одредени недоследности од технички карактер- Образложение на предлагачот МВР.
Јанаки Митровски – претеседател на здружението „Билка“ кое се залага за декриминализација на олабавување на одредбите за поврзани со канабисот вели би поддржале секаква иницијатива и прелдог – измени на законот кои одат во таа насока, што сега.,според него, не е случај, оти, наместо кон релаксирање, се оди на поголеми можности за казнување.
-Читајќи ги предлог-измените тие не само што не одат во насока на релаксирање, туку во пракса ќе создадат и теоретски уште поголем проблем затоа што, ако сега се казнува за оддавање на јавно место, предлог измените се за поседување и одавање на јавно место, се казнува со прекршок од 100 до 250 евра што е погрешно, затоа што пракса во светот е да не се казнува личната употреба, поседувањето да не се казнува и тенденција во светот е да се декриминализира канабисот и да се олабават законските одредби,- - Јанаки Митровски – Претседател на „Билка“.
Митровски, кој е адвокат, додава дека казнената политика создава проблеми и во судските процеси, каде посочува дека упатството на Републичкото обвинителство се третира како закон. Односно, ако некој биде фатен со 4,9 грама канабис, неговото поседување се третира за лична употреба, а друг па ако има 5,1 грам, се третира дека поседува за препродажба, што вели е нелогично и не секогаш е случај. Па смета дека треба да има соодветна дистинкција.
Инаку, Законот е објавен на ЕНЕР каде има уште две недели доколку некој сака да даде свои забелешки, а потоа истиот ќе биде доставен до собранието.