Балкан

Што пишува во Резолуцијата за геноцидот во Јасеновац што ја усвои Собранието на Црна Гора

Собранието на Црна Гора пред два дена усвои Резолуција за геноцидот во Јасеновац, а нејзината содржина е објавена на страницата на Собранието.

Во Резолуцијата стои дека според непобитните докази, основан е концентрационен логор на смртта во Јасеновац во кој во периодот од 1941-1945 година биле мачени и убивани Срби, Евреи, Роми, Хрвати како и припадници на други народи.

Понатаму се наведува дека одговорноста може да биде исклучиво индивидуална, како и дека ниту еден народ не може да биде означен како геноциден или злосторнички.

„Со длабоко сочувство кон жртвите на геноцидот во Јасеновац во текот на 1941-1945 година, признавајќи дека во 2025 година ќе биде осумдесетта годишнина од овој ужасен злостор, а препознавајќи дека на 22 април 1945 година логорот на смртта во Јасеновац беше распуштен и на тој ден последните затвореници беа убиени. Собранието на Црна Гора, водено од Повелбата на Обединетите нации, Универзалната декларација за човекови права и Конвенцијата за спречување и казнување на злосторството геноцид одлучува да посвети посебно внимание на комеморацијата и осудата на злосторствата извршени во овој логор на смртта“, стои во Резолуцијата.

Собранието утврди дека 22 април ќе биде официјално признаен како ден на сеќавање на геноцидот во Јасеновац, кој ќе се одбележува секоја година.

„Собранието на Црна Гора го осудува секое негирање на геноцидот во Јасеновац и повикува на зачувување на сеќавањето на тие трагични настани преку образовни програми и активности кои ќе спречат било каква форма на ревизионизам“, се наведува во Резолуцијата.

Собранието преку Резолуцијата се обврзува дека активно ќе придонесе за зачувување на сеќавањето на жртвите на геноцидот во Јасеновац и ќе промовира толеранција, разбирање и борба против сите форми на омраза и дискриминација.

„Се поттикнува одбележувањето на 22 април како ден на сеќавање на жртвите на геноцидот во Јасеновац што е извршен во текот на 1941-1945 година и Собранието секоја година ќе испраќа делегација која ќе учествува во програмите за комеморација.“

На крајот, Собранието на Црна Гора ги охрабрува државните органи на сите нивоа, Претседателот на Црна Гора, граѓанското општество, вклучувајќи невладини организации, академски институции и други релевантни страни, да го одбележуваат 22 април, вклучувајќи организирање посебни настани и активности во сеќавање и чест на жртвите на геноцидот во Јасеновац. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Today, many were shocked by yet another video of the drone “safari” Russians are carrying out against civilians in Kherson. A Russian drone deliberately hunted down a man selling vegetables and detonated right next to him. The Russians even admitted to the crime, showing zero… pic.twitter.com/uGjC7esFwR
— Volodymyr Zelenskyy / Володимир Зеленський (@ZelenskyyUa) August 4, 2026

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност.

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.