Што навистина свекрвата бара од снаата? - Канал 5

Живот

Што навистина свекрвата бара од снаата?

Еве што советуваат стручњаците, дали сте спремни на ова?

Што навистина свекрвата бара од снаата?

Кристен Терет, која посебно се занимава со односот снаа и свекрва, меѓу другото и од свое лично искуство, открива малку поразлична слика на односот за кој многумина веруваат дека никако не може да биде квалитетен.

Несогласувањето помеѓу свекрва и снаа веќе стана клише, бидејќи овие две се најважните жени во животот на еден маж, а најчесто не се сакаат. Колку мајката е поприврзана за синот (особено ако е единец), толку е попосесивна, и што и да прави снаата, е апсолутно погрешно. Барем така се чини врежаното народно мислење.

Меѓутоа, стручното лице за меѓучовечки односи Кристен Терет, која ги проучувала односите помеѓу свекрвите и снаите, а делумно врз основа на лично искуство, смета дека тоа не мора да биде така. Таа нагласува дека својата свекрва ја познава повеќе од половина живот, но и дека имала среќа што таа не е класична посесивна мајка, што значително го олеснило нивниот однос.

Кристен верува дека ја нашла „формулата“ за согласување на овие две најважни жени во животот на секој маж. Како што објаснува, има 8 работи што секоја свекрва ги очекува од својата снаа.

1. Снаата како пријателка

Како што растат децата, секоја жена сфаќа дека најмногу време поминува со родителите на децата со кои тие се дружат.

- Сè уште ги сакам моите стари пријатели, но не ги гледам често. Се преселивме во различни градови, нашите деца одат во различни училишта... Се прашувам што ќе се случи кога моите деца ќе се отселат, а јас ќе останам сама. Мојата свекрва, која е сама ппреку 15 години, нема многу добри пријатели надвор од семејството. Ако можам да ѝ бидам пријателка на свекрва ми, треба да бидам и сакам тоа да го направам за неа“, рече Кристен.

2. Да му се олесни животот на сопругот

Во некои бракови, сопружниците си го отежнуваат животот со разни драми, расправии, постојано жалење и несогласувања. Ова има многу лошо влијание врз бракот. Ако нечиј брачен живот е тежок, како тогаш тој да се справи со проблеми како што се болест, губење работа, финансиски проблеми или проблеми со деца тинејџери?

- Сите свекрви сакаат нивните снаи да им го олеснат животот на синовите. Пригответе му ручек или вечера, оставете му љубовна порака на вашиот сопруг, кажете му дека ја цените неговата напорна работа и труд. Било што. Колку е мажот посреќен со вас, толку повеќе ќе ве цени свекрвата - вели Терет.

3. Љубов кон сопругот

Сопругата покажува колку го сака својот сопруг според тоа како зборува за него. Ако го пофалите сопругот пред свекрвата, покажувате колку прекрасен живот имате со него, таа ќе се чувствува горда како мајка што добро го воспитала своето дете. И тоа е најдобрата награда за секоја мајка, нели? Освен тоа, како реагирате вие кога некој ќе го пофали вашето дете, а како реагирате кога некој го критикува? Ставете се на нејзино место и полесно ќе ја разберете.

4. Снаа која знае да слуша

Свекрвата сака снаа која ќе ѝ биде пријателка, а добар пријател е оној кој има способност да слуша.

- Рано сфатив дека на мојата свекрва ѝ е потребен некој кој ќе ја сослуша, со кого ќе разговара за нејзиниот ден, плановите за викенд или претстојните семејни собири. Мора да се потрудите да научите како добро да слушате. Не сум секогаш добра во тоа, но се трудам да ѝ дадам до знаење на свекрва ми дека секогаш може да разговара со мене и дека секогаш ќе најдам време за неа - изјавила Кристен.

5. Не повторувајте ги грешките

Како што нагласила Кристен, нејзината свекрва е свесна за грешките што ги направила при воспитувањето на синот и се труди да не ги повтори со внуците.

- Некои периоди од детството на мојот сопруг не беа убави. Тој поминал низ работи кои ниедно дете не би требало да ги помине, и гледам дека неговата мајка искрено се обидува неговите деца да не мора да ги поминуваат истите работи. Со оглед на сопствените грешки, можам да ѝ простам на свекрва ми за нејзините родителски грешки. На крајот на краиштата, таа сепак создала добар човек и маж за кој се омажив - истакнува таа.

6. Помош околу технологијата

Ова можеби звучи смешно, но постарите луѓе, како вашата свекрва, потешко се снаоѓаат со мобилни телефони, компјутери и сите чуда на технологијата. Очекуваат нивната снаа да им помогне полесно да ги надминат овие проблеми. Бидете трпеливи, научете ја како да ги користи социјалните мрежи за да може да разговара со своите внуци и таа ќе биде благодарна.

7. Прифатете ја различноста

Свекрвата и снаата обично се комплетно различни. Свесно или не, мажот избира жена која е или иста како мајка му по однесување и карактер (што е посебна приказна) или пак некоја која е целосна спротивност на неговата мајка.

- Разликите не мора нужно да бидат лоши. Не можам да се сетам колку пати сум го прегризала јазикот во овие 18 години брак и сум ѝ преќутила некои работи на свекрва ми. Во тој момент тоа не ми одговараше, но долгорочно тоа беше мудар потег. Ваквиот начин на размислување ќе ве спаси од многу проблеми – изјавила Кристен.

8. Љубовта не е натпревар

Љубовта не е натпревар и обидете се тоа да го избегнувате по секоја цена во вашиот брак. Барањата како „таа или јас“ никому нема да му донесат добро и го ставаат мажот што го сакате во небрано помеѓу двете жени кои му се најважни животот.

- Истото важи и за децата и за внуците. Колку пати свекрва ми купила нешто скапо за ќерка ми што не сме можеле да си го дозволиме. Таа ѝ ја исполнила желбата на внуката и тоа треба да се почитува. Грешката што ја прават многу снаи е што веруваат дека нивните свекрви се обврзани да купуваат и да ги исполнуваат желбите на нивните внуци. Не, тоа е прашање на нивната добра волја, а бабата која сака да биде дел од животот на своите внуци заслужува почит - порачува Кристен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пет лица загинаа, а 67 други се ранети, руски дрон погодил трговски центар во Павлоград

Украинските власти соопштија дека пет лица загинале, а 67 други се ранети кога руски дрон погодил трговски центар во Павлоград, град во регионот Дњепропетровск.

Пет лица загинаа, а 67 други се ранети, руски дрон погодил трговски центар во Павлоград

Продавници и возила беа погодени во нападот, кој се случи вчера „кога улиците беа полни со луѓе“, рече министерот за внатрешни работи Иван Вихивски. Според украинските медиуми, уште два трговски центри - во градовите Запорожје и Суми - беа цел на руски воздушни напади претходно оваа недела. Русија пријави украински поморски напад со беспилотно летало врз туристичкиот град Сочи во текот на ноќта во средата, во кој беа повредени 28 лица,а имаше и три смртни случаи. Новите мировни напори на претставниците испратени од американскиот претседател Доналд трамп за време на викендот се чини дека дадоа малку конкретни резултати, по разговорите во Москва со Путин и во Киев со украинскиот претседател Володимир Зеленски.

Тагови: дрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хутите го контролираат јужниот излез на Црвеното Море и еден од најважните бродски патишта во светот

Хутите кои се поддржани од  Иран, ја презедоа контролата врз пристанишниот град Моча во Јемен.

Хутите го контролираат јужниот излез на Црвеното Море и еден од најважните бродски патишта во светот

Хутите кои се поддржани од Иран, ја презедоа контролата врз пристанишниот град Моча во Јемен и напредуваа по брегот на Црвеното Море кон Стратешките Острови, соопштија воени извори за Ројтерс неколку часа откако претседателот Доналд трамп изјави дека очекува војната во Иран да заврши по изборите во САД.

Хутите добиле дополнителна моќ над теснецот Баб Ел-Мандеб , јужниот излез на Црвеното Море и еден од најважните бродски патишта во светот. Доколку хутите ја преземат контролата врз водниот пат на спротивната страна од арапскиот полуостров од Ормутскиот проток, тоа би можело да му даде на нивниот поддржувач Иран клучна предност во војната со САД, намалувајќи ги испораките преку вториот голем транзитен коридор и предизвикувајќи скок на цените на нафтата. Исто така, тоа би можело да му го отежни на Трамп наоѓањето излез од војната што може да им наштатеи на Републиканците пред изборите во ноември. Хутите преку соопштение соопштија дека пловидбата по Црвеното Море е безбедна за сите бродски компании, освен за саудиските бродови. Саудиска Арабија, најголемиот извозник на нафта во светот, се потпира на рутата преку Црвеното Море откако конфликтот со Иран ефикасно го затвори Ормуз, низ кој порано течеше една петтина од глобалната нафта.

Тагови: Хутите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е зголемен.

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по наместа влажни коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер